Интер води интензивни преговори со Марцело Брозовиќ и Иван Перишиќ. Договорите на хрватските репрезентативци им истекуваат за седум месеци. Доколку не ги продолжат бесплатно ќе го напуштат клубот.

„Секојдневно сме во контакт со двајцата околу продолжувањето на договорите. Доколку сакаат да останат ќе можеме да се договориме“, рекол Џозепе Марота.

Перишиќ, пред утрешниот натпревар со Реал во Лигата на шампионите, рекол дека за неколку недели ќе знае дали ќе го продолжи договорот со Интер.

Златан Ибрахимовиќ, во својата нова книга „Адреналин“, пишува за поранешниот соиграч од Милан, Хакан Чалханоглу.

Турскиот репрезентативец, во летниот преоден рок како слободен играч од Милан се пресели во Интер.

„Треба да бидеме благодарни за се што направи во Милан и да му посакаме се најдобро во иднина. Чалха искористи трагична ситуација. Ериксен имаше проблеми со срцето, на Интер му беше потребен таков играч и се отвори позиција за Хакан. До тој момент немаше понуди од други клубови. Добро момче е тој, многу напредуваше покрај мене. Стекна многу храброст и самодоверба“.

Играчот на Салцбург и репрезентативец на Германија, Карим Адејеми, кариерата ќе ја продолжи во Борусија Дортмунд. Адејеми, проценил, дека неговата кариера подобро ќе се развива во Дортмунд, отколку во Барселона.

Долго време траат шпекулациите околу Адејеми. Барселона не го крие интересот, тренерот Чави неговиот трансфер го означил како приоритет и тоа во јануарскиот преоден рок, меѓутоа „Блауграна“ нема да го добие овој играч.

„Скај спорт“, тврди дека Адејеми ја прифатил понудата од Дортмунд и дека неговиот трансфер е речиси завршен.

Напаѓачот до крајот на сезоната ќе игра во Салцбург, а потоа ќе се пресели во Дортмунд како заменеа за Ерлинг Халанд.