Спорт
Јанис во неволја – го загубил клучот од собата, а рецепционерката не го познава
Еден од најпознатите кошаркари во моментов во светот секако е Гркот Јанис Адетокумбо – првата ѕвезда на НБА тимот, Милвоки Бакс. Сепак не го познаваат сите високиот Јанис кој грчевито се бори за својата прва НБА титула додека на патот му стојат „сонцата“ од Феникс.
Порталот „Атлетик“ пренесува интересна случка од хотелот во кој биле сместени Бакси.
„Вечерта пред првиот меч од финалето го загубил клучот од хотелската соба. Отишол на рецепција каде преку плексиглас, со маска на лицето побарал помош од рецепционерката. Дал лажно име кое го користи, вообичаена работа на познатите личности за да си ја заштитат приватноста“ се наведува во почетокот на текстот.
Рецепционерката ја почитувала процедурата, без оглед што пред неа стоел суперстар.
„Таа била збунета, затоа што Јанис во себе немал никаков документ за идентификација. Дошло до недоразбирање, па нејзиниот колега морал да се вмеша и да помогне да се реши проблемот. Со воодушевување и рекол на колешката `Тоа е Јанис`. Грчкиот кошаркар на сето тоа реагирал со насмевка и трпеливо чекал да добие резервен клуч за да се врати во собата“ се наведува во текстот.
И самиот кошаркар го потврдил случајот:
I wasn’t going to write about the insightful hotel moment I shared with Giannis Antetokounmpo late Monday night, but then he shared it first here. NBA superstars, even the most reluctant ones, lose room keys too. More here, at @TheAthletic https://t.co/M17l5fiJun pic.twitter.com/sc9qZGNOD0
— Sam Amick (@sam_amick) July 10, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Во сообраќајна несреќа тешко повреден Бабнгида, брат му загина, сопругата и детето се во критична состојба
Поранешниот нигериски фудбалер Тијани Бабангида (50) имал тешка сообраќајна несреќа на автопатот во Нигерија, а во несреќата загинал неговиот три години помлад брат Ибрахим.
Тијани, неговата сопруга, син и куќна помошничка, кои исто така биле во автомобилот, со тешки повреди биле примени во болница.
Некои медиуми тврдат дека Тијани е свесен, а остатокот од семејството сѐ уште е во критична состојба, но закрепнува.
Тијани Бабангида беше репрезентативец на Нигерија од 1994 до 2004 година и играше на Светското првенство во 1998 година, а најголема трага во клупскиот фудбал остави во Ајакс во периодот од 1996 до 2003 година.
Тијани моментно е претседател на Здружението на професионалните фудбалери на Нигерија. Фудбал играше и трагично загинатиот Ибрахим. Најмногу играше за африкански клубови, но стигна и до холандски Волендам.
Спорт
Евролига: Прочида најдобар млад играч
Кошаркарот на Алба од Берлин, Габриеле Процида е прогласен за најдобар млад играч на Евролигата, објавено е на веб-страницата на елитното натпреварување.
Прочида е третиот Италијанец кој ја освоил престижната награда, по Андреа Барњани (2005/06) и Данило Галинари (2007/08).
Талентираниот кошаркар имаше голема конкуренција за наградата, особено од неговиот соиграч од Алба и сонародник Матео Спањоло.
Сепак, тој имаше поголема улога во тимот, поради што и го доби признанието кое го изгласаа тренерите на екипи во Евролигата.
Оваа сезона имаше просек од 8,3 поени, 1,6 скока и 1,4 украдени топки.
Сезонава 10 пати имаше двоцифрен учинок, а најдобра партија ја имаше против Макаби, кога мечот го заврши со 22 поени и три украдени топки.
Спорт
Дест се враќа во Барселона – ПСВ нема да го откупи неговиот договор
Сержињо Десет како позајмен од Барселона во ПСВ ја освои титулата во Холандија со клубот од Ајндховен. Сепак ПСВ нема да го откупи неговиот договор и покрај тоа што во клубот биле задоволни од неговите изданија. Причината е повредата на коленото од која репрезентативецот на САД се уште не се рехабилитирал.
Дест во јуни ќе се врати во Барселона каде ќе ја продолжи со рехабилитацијата по операцијата на коленото во Холандија.
Дест се пресели од Ајакс во Барселона во 2020 година, вкупно за Барселона одигра 72 натпревари и постигна три гола.
Тој минатата сезона замина на позајмица во Милан, незадоволен од својата минутажа во Барселона, а оваа сезона ја мина на позајмица во ПСВ.
Се очекува тој да се врати на терените на почетокот на 2025 година.