Спорт
Јапонците ја „урнаа“ Шпанија за прво место, Германија испадна и покрај победата над Костарика!

Јапонија е првопласирана во групата Е на Светското првенство во Катар и ќе се судри со Хрватска во осминафиналето по фантастичната 2:1 победа над Шпанија, која пак се „провлекува“ какао второпласирана за дуел со Мароко, откако Германците едвај ја совладаа Костарика (4:2), но тоа не беше доволно за да се осудени на ново испаѓање во групната фаза, второ едноподруго на Мундијалите.
На стартот на мечевите од групата Е изгледаше дека ситуацијата е јасна – Германија и Шпанија стигнаа до рано водство, ситуација во која двата европски гиганти беа сигурни во осминафиналето. Алваро Мората постигна гол трет натпревар едноподруго на Мундијалот за водство на „фуријата“, додека Серж Гнабри стрелаше за водство на тимот на Ханси Флик.
Меѓутоа во второто полувреме, јапонските „самураи“ приредија фантастичен камбек – Рицу Доан прво постигна прекрасен гол во 48. минута, за Аоки Танака по една контроверзна ситуација во 51. минута го комплетираше пресвртот.
Овој резултат ја водеше Шпанија како второпласирана во нокаут фазата, но тогаш Костарика исто така направи пресврт, поведувајќи со 2:1 против Германија, резултат кој ќе значеше испаѓање и на Шпанија, пред замената Каи Хаверц да осигура барем „маншафт“ да се простат со чесна победа, а Никлас Филкруг во последните минути да ги постави конечните 4:2.
ГРУПА Е
Германија – Костарика 4:2
Шпанија – Јапонија 1:2
Графика: Sofascore за Топспорт.мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тајли го предупреди семејството Ѓоковиќ: Внимавајте со кого разговарате
Големо внимание во јавноста предизвика Срѓан Ѓоковиќ, по победата на неговиот син над Андреј Рубљев во четвртфиналето на Австралија опен.
Таткото на Новак, Срѓан, по натпреварот славеше со навивачите, меѓу кои и оние со руси знамиња со ликот на Владимир Путин, а наводно рекол „Да живее Русија“. На крајот излезе дека тоа медиумите погрешно го пренеле и дека Срѓан Ѓоковиќ само рекол „Да живееме“.
За ова зборуваше и директорот на турнирот во Мелбурн, Крег Тајли, кој откри:
„Поминав многу време разговарајќи со семејството Ѓоковиќ. Мој совет е дека треба да бидете многу внимателни бидејќи ова е настан од светско значење. Кога имате стотици илјади луѓе кои минуваат низ портите, нормално е дека ќе има луѓе кои ќе дојдат со намера да прават опструкции. Немојте да бидете вовлечени во тоа, рече Тајли и дополни.
„Тие целосно го разбираат тоа. Семејството беше многу добро. Тие беа вознемирени што сè беше преземено на тој начин. Немаше намера. Неговиот татко не поддржува војна, тие се фокусирани на поддршка на мирот, изјави првиот човек Австралија опен.
Новак утре во финалето ќе игра против Гркот Стефанос Циципас.
Спорт
Дрес на Леброн продаден за речиси 4.000.000 долари

Дресот на Леброн Џејмс, во кој со Мајами ја освои титулата во НБА лигата во 2013 година, беше продаден синоќа на аукција во Њујорк за 3,7 милиони долари.
Ова го направи третиот најскап дрес продаден на аукција во Сотби.
Мајами до шампионскиот прстен стигна по победата против Сан Антонио во седмиот, решавачки натпревар, а Џејмс на тој меч постигна 37 поени со 12 скока.
Со постигнатата цена дресот на Џејмс од тој натпревар се уште не е најскапиот што е продаден.
Највисока цена постигна дресот на Мајкл Џордан од финалето на НБА во 1998 година, кој беше продаден за 10,91 милиони долари, втор на листата е дресот што го носеше Диего Марадона на Светското првенство во 1986 година, продаден за 9,28 милиони долари.
LeBron James’ 2013 NBA Finals Game 7 jersey has sold at auction for $3.68 million.
It’s Sotheby's 3rd-most expensive NBA jersey ever sold, and a record for any LeBron jersey. pic.twitter.com/WWmXVD9cNB
— Front Office Sports (@FOS) January 27, 2023
Спорт
Навас се сели кај „шумарите“

Кејлор Навас во финишот на преодниот рок ќе го засили Нотингем Форест.
„Шумарите“ се во потрага по голман, откако Дин Хендерсон се повреди и не е познато кога би можел да се врати во тимот. Дел од медиумите шпекулираат дека за него оваа сезона е завршена.
Навас целосно падна во втор план кај новиот тренер на ПСЖ, Кристоф Галтие, прв голма на „светците“ е Џиџи Донарума.
Претходно се шпекулираше дека Навас би можел да премине во Ал-Наср., но голманот ја одби таа можност.