Спорт
Јелена Ѓоковиќ: Новак е шампион на обичните луѓе, а не на богатите
Јелена Ѓоковиќ смета дека статусот на нејзиниот сопруг Новак меѓу обичните луѓе е далеку поважен од бројните титули најдобар тенисер во историјата на „белиот спорт“.
„Кога гледаме што се случува во светот, тенисот е толку мала призма на животот, но на луѓето им носи среќа, радост и надеж. Сакам да го гледам како шампион на обичниот човек, а не на богатиот, бидејќи тој е обичен човек кој потекнува од многу скромно семејство на работници и сонувачи. Патувајќи низ светот, гледате многу луѓе кои се инспирирани од неговата приказна, бидејќи и тие се слични на него“, изјави Јелена во опширното интервју за аргентинскиот „Насион“.
Таа нагласи дека тенисот е многу луксузен спорт кој речиси исклучиво се поврзува со богатите луѓе потсетувајќи на етимологијата на прекарот „бел“.
„Сепак, навивачите на Новак се нормални луѓе со нормална работа и не можат секогаш да си дозволат билети за неговите натпревари. Затоа, кога ќе одите по улица и ќе видите работници на градилиште или во која било гранка, тие викаат: „Еј, Новак!“ Сите го запираат. Мислам дека ти дава сила и енергија да продолжиш. Иако веќе има постигнато се, мислам дека најголема победа му е тоа што е народен шампион. Да… Тој е народен шампион“, подвлече Јелена Ѓоковиќ.
Новак освои 99 титули во сингл, од кои 24 Грен слем, 40 Мастерс, седум финалиња на АТП, а летово го додаде и олимпиското злато од Игрите во Париз.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Валенсија го „држи фенерот“ во Ла Лига, навивачите пред стадионот се судрија со полицијата
Валенсија, синоќа доживеа пораз од лас Палмас 2:3, во последниот натпревар од 10.коло во Ла Лига. Околу 43.000 гледачи на култниот стадион беа сведоци на уште еден тежок пораз на еден од најполупарните клубови во Шпанија, пораз кој го смести клубот на последното место на табелата.
На Валенсија уште пред почетокот на сеозната и се прогонозираше борбата за опстанок, но ниту најголемите песимисит не може да си замислат дека тимот ќе изгледа толку лошо во првите 10 кола.
Лас Палмас им беше шанса да победат, бидејќи овој тим немеше победа од 10 февруари, кога ја победија токму Валенсија. На крајот Лас Палмас ја прекина серијата од 23 натпревари без победа во Ла Лига.
¡En llamas! Siguen los incidentes en los alrededores de Mestalla. La policía trata de controlar la situación pic.twitter.com/GPh80pPOsT
— MARCA (@marca) October 21, 2024
По натпреварот, пред „Местаља“ избувнаа нереди. Илјадници навивачи на Валенсија се собраа пред натпреварот да го осудат владеењето на сопственикот Питер Лим, а по натпреварот останаа пред стадионот и на паркингот на клубот.
Револтираните навивачи потоа се упатија кон седиштето на клубот кое е на само неколку метри од стадионот. Незадоволните навивачи на Валенсија запалија се пред себе и се судрија со полицијата. Обичен протест прерасна во сериозен инцидент, а повредени се неколку навивачи и полицајци.
Навивачите на Валенсија се крајно незадоволни од сопственикот од Сингапур, Питер Лим (71), кој го презеде клубот во мај 2014 година, кога купи 70,4 отсто од акциите. Лим е сингапурски бизнис магнат кој бил брокер на акции и инвеститор на палмово масло. Сега приватниот инвеститор е фокусиран на здравството, градежниството, спортот и образованието.
Тој е рангиран на 23-то место на листата на Форбс на 50 најбогати луѓе од Сингапур и неговото богатство се проценува на 1,9 милијарди долари. Освен во Валенсија, Лим е акционер и во англиски Салфорд Сити.
Cargas policiales en Mestalla pic.twitter.com/3jPcm6bJkh
— Diego Pico (@D_pico_) October 21, 2024
Спорт
(Видео) Фудбалер остана без прсти по експлозија на петарда
Фабио Скијафино, фудбалер на белгискиот четвртолигаш КСЦТ Менен, останал без еден прст, а од уште два лекарите решиле да ампутираат делови. Несреќата се случила среде натпревар, кога Скијафино кога сакал да отстрани од теренот петарда која била фрлена од трибините.
Скијафино, на својот 26.роденден постигна два гола, неговиот тим победи со 4:0, но натпреварот нема да му остане во добро сеќавање.
Петардата фрлена на теренот, тој ја фатил со десната рака се обидел да ја исфрли надвор од границите на игралиштетот кога и се случи хорор сцената.
Инцидентот можете да го видите ТУКА.
Направата која му експлодирала во рака е петарда од типот Кобра 6, а белгиските медиуми јавуваат дека е забранета за продажба во земјата. На теренот ја фрлил 21-годишник, кој по натпреварот бил приведен од полицијата и против кого е поднесена пријава.
„Кога се исчисти чадот, видов дека ми недостасуваат делови од прстите“, рече Скијафино.
Спорт
(Видео) Ми се гадите браќа: Недовиќ им испрати порака на „Варварите“
Немања Недовиќ беше централна фигура во дербито на колот во АБА лигата. Во Подгорица, Црвена звезда славеше над Будуќност со 75:73. Натпреварот траеше повеќе од два и пол часа, три пати беше во прекин, еднаш откако навивачите на Будуќност, навивачката група „Варвари“, брутално го вреѓаа Недовиќ и неговата сопруга и фрлаа предмети кон кошаркарите на Црвена звезда.
Недовиќ го затрупа кошот на Будуќност, постигна шест тројки од осум обиди, мечот го заврши со 24 поени, 20 од нив постигна во второто полувреме.
Неколку часа по завршувањето на натпреварот Недовиќ им се обрати на навивачите на Будуќност. Тој објави видео клип од познатиот рапер Дрејк, кој на своите критичари им порача:
„А вие останатите, неверниците, оние што не постигнуваат успех, оние што бришат твитови, ми се гадите браќа. Искрено, ако сакате да ме погледнете во очи, ако сакате да направите нешто, токму оа го мислев“, вели во своето излагање Дрејк, што е јасна порака од Недовиќ до навивачите на Будуќности.
Nedovićev odgovor na Insta storiju navijačima Budućnosti posle utakmice 😂😂😂 pic.twitter.com/7ZQLMaXAVq
— FantomBeograda (@FantomBeograda) October 22, 2024