Спорт
Јокиќ без асистенција, Дончиќ ги „згази“ Бруклин, победија и Сакраменто (Видео)
Сакраменто Кингс на импресивен начин ја прекинаа серијата од осум порази. Кингс против Мемфис победија иако во еден момент од втората четвртина беа во минус од 20 поени. Синоќа во НБА лигата поново блесна Лука Дончиќ со нов „дабл-дабл“. Вест на денот е Никола Јокиќ, кој по 26 месеци одигра натпревар со нула асистенции.
Сакраменто Кингс славеа над Мемфис Гризлис 128:123, иако диграа катастрофално во првиот период, а на почеткот на вториот имаа негатива од 20 поени. Диерон Фокс постигна 27, Бади Хилд 26, а Богдан Богдановиќ 16 поени за Кингс.
Денвер Нагетс гостуваа во Индијанаполис, забележаа победа над Индијана Пејсерс 124:116. Денвер направија пресврт во второто полувреме во кое Никола Јокиќ постигна 20 од своите 22 поени. Интересно е што српскиот центар мечот го заврши без асистенција во својата статистика.
Последен пат кога меч без асистенција одиграл на 26 октомври 2017 година против Шарлот.
Мајкл Портер јуниор го предводеше Денвер со 25 поени, а ист број на поени како Јокиќ уфрли и Џамал Мареј. Кај Индијана се истакна Џереми ламб со 30 поени и девет скока.
Лука Дончиќ забележа 31 поен, 13 скока и седум асистенции во победата на Далас Маверикс над Бруклин Нетс 123:111.
Резултати:
Кливленд-Шарлот 106:109
Мајами-Торонто 84:76
Чикаго-Јута 98:102
Минесота-Голден стејт 99:84
Сан Антонио-Оклахома 103:109
ЛА Клиперс-Детроит 126:112.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.