Спорт
Јокиќ ги однесе Денвер до нова победа, Далас декласирани од Њујорк
Никола Јокиќ со уште една брилијантна партија им овозможи нова победа на Денвер Нагетс. Добар меч одигра и Лука Дончиќ, но неговите Далас Маверикс претрпеа тежок пораз од Њујорк Никс. Бојан Богдановиќ ја потврди одличната форма, го предводеше тимот на Јута до победата над Портланд.
Денвер Нагетс славеа победа над Сакраменто Кингс 106:100. Актуелниот МВП, Јокиќ натпреварот го заврши со 38 поени, 18 скока и седум асистенции. Кај Сакраменто се истакна ДиеронФокс со 32 поени и 10 асистенции.
Денвер на петтото место, во Западната конференција, се израмнија со Далас Маверикс. Двата тима имаат по 40 победи и 26 порази.
Далас претрпеа тежок пораз на домашен терен од Њујорк Никс 77:107. Лука Дончиќ одигра одличен меч, но не доби помош од соиграчите.Словенецот постигна 31 кош.
Јута лесно се справи со Портланд. Џезерите славеа победа 123:85. Бојан Богдановиќ со 27 поени го предводеше својот тим, Хрватот погоди шесто тројки на овој натпревар.
Милвоки Бакс, во реприза на минатогодишното финале на Истокот, славеа победа над Атланта Хокс 124:115.
Јанис Адетокумбо го предводеше својот тим со 43 поени и 12 скокови. Дабл-дабл забележа и Боби Портис (23 поени, 15 скокови). Кај Атланта се истакна Тре Јанг со 27 поени и 11 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Чаби Алонсо не дозволува еуфорија: Уште две недели…
Со победата од 5:0 над Бохум, Баер Леверкузен стигна до неверојатната бројка од 50 натпревари без пораз во сите конкуренции.
Баер е шампион на Германија, но до крајот на сезоната го очекуваат две финалиња, во Лига Европа со Аталанта на 22 мај и Купот на Германија со Кајзерслаутерн три дена подоцна.
„Сеуште не размислуваме за тројната круна, фокусирани сме само на она што следува. Ни претстојат уште три големи предизвици, три големи цели. Ако ја завршиме Бундеслигата без пораз, тоа би било големо достигнување, бидејќи тоа досега не се случило“, вели Алонсо и додава:
„После тоа следуваат тие две големи финалиња. Засега сè оди навистина добро, но… Уште две недели“.
Баер ќе ја затвори Бундес лигата со мечот против Аугсбург во Леверкузен.
Спорт
Го пратил братот близнак во Динамо Букурешт да игра наместо него
На повидок е невиден скандал не само во романскиот туку и во светскиот фудбал. Луѓето во ФК Динамо од Букурешт се сонмеваат дека се измамени од фудбалерот Едгар Ије.
Едгар дојде во Динамо како слободен играч во средината на февруари откако ја прекина соработката со Истанбул Башакшехир.
За Динамо досега одигра пет натпревари, но во клубот започнале да се сомневаат дека натпреварите не ги играл Едгар, туку неговиот брат близнак, Еделино.
Се уште нема официјални потврди за ова, но управата на клубот е убедена дека Едгар зборува англиски, додека во моментов не можат на тој начин да комуницираат со фудбалерот. Фудбалерот кој го имаат во своите редови наводно не сака да им покаже ниту возачка дозвола, ниту каков било документ.
Во својата кариера, Едгар ги носеше дресовите на помладите категории на Спортинг Лисабон, Барселона, Виљареал. Играше за Лил, Нант, Трабзонспор…
Спорт
Кејлор Навас заминува од ПСЖ
Кејлор Навас (37) по пет сезнони реши да го напушти ПСЖ.
Трофејниот голман на Костарика забележа 113 настапи за тимот од Париз, но оваа сезона му беше резерва на Џиџи Днарума.
„Благодарен сум за сите овие години во клубот“, изјави Кејлор Навас и потврди дека си заминува од ПСЖ.
Тој е слободен да избере нов клуб, се уште нема официјални понуди, но наводно е многу блиску до италијанската Серија А, каде има конкретен интерес од неколку клубови.