Унгарија го приреди првата сензација на Европското првенство. Во прекрасната атмосфера на „Пушкаш арена“ во Бупимпешта пред 67.000 навивачи, Унгарија одигра 1:1 со светскиот првак Франција.

Унгарците храбро им се спротивставија на најголемите фаворит за титулата. Носени од публиката, Унгарците без респект влеоа во мечот и во таков ритам ги одиграа сите 90 и нешто повеќе минути.

Сензацијата ја најави Фиола, во втората минута од судиското надополнување на времето во првиот дел.

Претходно, Франција пропушти шанси преку Мбапе и Бензема.

Во вториот дел израмнувањето го најави Дембеле, кој во 59.минута ја погоди стативата. Седум минути подоцна, по акцијата на Мбапе, Гризман од седум метри лесно ја смести топката во голот.

До крајот на мечот Унгарците успеаја да ги издржат налетите на Франција.

Франција сега има четири поени, Унгарија еден. Колото ќе го комплетираат Германија и Португалија.



Макс Ферстапен, возачот на Ред Бул, ја освои пол-позицијата во пресрет на трката за Големата награда на Франција. Најбрзиот круг на патеката „Пол Рикард“ изнесуваше 1:29.990 минути. Холанѓанецот во Франција ја освои петтата пол-позиција во кариерата.

Утрешната трка, Ферстапен ќе ја стартува пред двоецот од Мерцедес. Второто место му припадна на Луис Хамилтон (+0.258), а третото на Валтери Ботас (+0.386). Вториот ред го комплетираше колегата на Ферстапен, Серхио Перез.

Најдобрите 10 на стартот ги комплетираа Карлос Саинц (Ферари), Пјер Гасли (Алфа Таури). Шарл Леклер (Ферари), Ландо Норис (Мекларен), Фернадо Алонсо (Алпин) и Даниел Рикардо (Мекларен).

Најдобрите стрелци на Вашингтон Визардс и Финикс Санс, Бредли Бил и Девин Букер го потврдија своето учество на Олимписките игри во Токио.

Ѕвездата на Визардс, Бил, сезоната ја заврши како најдобар стрелец во Источната конференција. со просек од 31,3 поени по натпревар.

Неговиот помлад колега, Букер, кој со Финикс ќе игра во финалето на Западот, во регуларниот дел од сезоната ја заврши со просек од 25,6 поени.

Тренинг кампот на американската репрезентација, ќе започне на 6.јули во Лас Вегас.

Конечниот список селекторот Грег Попович ќе одјави за десет дена.

Покрај Бил и Букер, учеството на ОИ го потврдија и кошаркарите на Портланд, Бостон и Голден стејт: Демијан Лилард, Џејсон Тејтум и Дрејмонд Грин.