Спорт
Јокиќ го предводеше Денвер до нов триумф

Никола Јокиќ одигра уште еден фантастичен меч во НБА лигата, а малку недостигаше и физички да се пресмета со ривалите. Српскиот центар го предводеше Денвер до победа над Мемфис од 113:97 и имаше 18 поени, 18 скока и 10 асистенции што за него е 25. трипл-дабл сезонава.
Јокиќ влезе и во клинч со Дилон Брукс. Кошаркарот на Мемфис во еден момент го повлече Јокиќ за рака, при што Србинот реагираше Јокиќ, а судиите им дадолија технички грешки.
Nikola Jokic and Dillon Brooks exchange words 😳
Double techs were issued.pic.twitter.com/eBPf35xI8y
— ClutchPoints (@ClutchPointsApp) March 4, 2023
Бостон Селтикс неочекувано загуби дома со 105:115 од Бруклин Нетс. Микал Бриџис со 38 поени бепе лидер кај гостите, а Џејлен Браун уфрли 35 за составот на Бостон.
Голден Стејт Вориорс славеа против Њу Орлеанс Пеликанс со 108:99. Клеј Томпсон во победничкиот тим беше стрелец на 27 поени.
Резултати НБА: Шарлот – Орландо 106:117, Атланта – Портланд 129:111, Бостон – Бруклин 105:115, Чикаго – Феникс 104:125, Мајами – Њујорк 120:122, Оклахома – Јута 130:103, Денвер – Мемфис 113:97, Голден Стејт – Њу Орлеанс 108:99, Сакраменто – ЛА Клиперс 128:127, ЛА лејкерс – Минесота 102:110.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Во Фенербахче ми нудеа допинг“

Францускиот фудбалер Алан Сен Максиман излезе во јавноста со многу сериозни обвинувања против Фенербахче, каде што играше претходната сезона.
Тој беше позајмен од Ал Ахли во турскиот клуб. Одигра 31 натпревар, забележа четири гола и исто толку асистенции.
Сен Максиман беше гостин во подкаст со францускиот јутјубер Зак Нани и искажа зборови што ќе одекнат.
Имено, тој изјави дека му нуделе допинг во турскиот клуб, со закани дека не смее да зборува за тоа.
„Фенербахче не стана шампион и не е шампион 11 години поради работи што немаат никаква врска со фудбалот. Клубот е опколен од надворешни влијанија. Дури и се обидоа да ме натераат да земам допинг таму во еден момент. Луѓето не го знаат тоа, бидејќи не можете отворено да зборувате за тоа кога сте таму, тие ви се закануваат од сите страни. Ти велат: „Ако зборуваш, ќе ти направиме ова или она“. Во Турција бев во ситуации што ги надминуваат границите на фудбалот“, рече Максиман.
Сепак, тој зборуваше со пофалби за Жозе Мурињо, но дека атмосферата во Истанбул е многу проблематична.
Се очекува Фенербахче да даде соопштение во оваа пригода.
Foto/ EPA
Спорт
Ливерпул остатокот од договорот на Жота ќе му го исплати на неговото семејство

Ливерпул ќе ги исплати преостанатите две години од договорот на починатиот Диого Жота на неговото семејство.
Како што објави португалскиот „Рекорд“, клубот од „Енфилад“, откако ќе го повлече дресот со број 20, ќе ги измири и преостанатите две години од договорот, кои ќе му бидат исплатени на семејството на починатиот Жота.
Фудбалскиот свет беше запрепастен од информацијата дека португалскиот фудбалер загинал во сообраќајна несреќа, кога тој и неговиот брат починале во Шпанија, во близина на португалската граница во областа Замора.
Жота беше член на Ливерпул, каде што пристигна во 2020 година и оттогаш постигна 65 гола во 182 натпревари. Со Ливерпул ја освои Премиер лигата, ФА Купот и два Лига Купа.
Во текот на својата кариера играше и за Пакош Фереира, Атлетико Мадрид, Порто и Вулверхемптон.
Играше 49 пати за Португалија и постигна 14 гола, двапати освојувајќи ја Лигата на нации.
Погребот на браќата Жота ќе биде оваа сабота.
Foto/ EPA/PETER KLAUNZER
Спорт
(Видео) Челси преку Палмеирас до полуфиналето на клупскиот Мундијал

Foto/ EPA
Фудбалерите на Челзи го победија Палмеирас во четвртфиналето на Светското клупско првенство на ФИФА со 2:1 (1:0).
Благодарение на победата во Филаделфија „сините“ се пласираа во полуфиналето, каде што ги чека уште еден тим од Бразил, Флуминенсе.
Двократниот европски шампион ја оствари победата благодарение на голот на Кол Палмер во 16-та минута и автоголот на голманот Вевертон во 83-та минута. Стрелец за Флуминенсе беше фудбалерот што „сините“ веќе го купија, креативниот играч од средниот ред Вилијан Естевао.
Крилниот напаѓач Педро Нето беше дел од англискиот клуб од самиот почеток.
Настапот на Португалецот беше неизвесен, откако Челзи му даде одврзани раце да избере дали да игра по смртта на неговиот голем пријател – фудбалерот на Ливерпул Диого Жота и неговиот брат Андре Силва.