Спорт
Јокиќ и Мареј го креираа пресвртот на Денвер, Лилард и Мекалум ја добија пресметката со Дончиќ
Кошаркарите на Денвер, во драматичен меч, по едно продолжение го победија Чикаго Булс со 131:127. Во еден од дерби мечевите Портланд забележа победа над Далас 125:119.
Денвер, во последниот период влегоа со минус од 14 поени, а во завршните 45 секунди имаа негатива од шест поени. Продолженија за Денвер изборија Јокиќ и Мареј, кој постигна тројка со звукот на сирената. Овие двајца доминираа во дополнителното време и му ја донесоа на Денвер осмата победа на последните девет натпревари.
Јокиќ и Мареј постигнаа по 34 поени, српскиот репрезентативец имаше и 15 скокови и девет асистенции. Во редовите на Чикаго два поени помалку постигна Зек Лавин.
Слично сценарио имаше и натпреварот во Портланд. Трејлблејзерс славеа со пресврт во последните две и пол минути. Тогаш одговорноста ја презедоа Си Џеј Мекалум и Кармело Ентони, иако до финишот Портланд во живот го држеше Демијан Лилард.
На крајот Лилард со помош на Мекалум ја доби пресметката со Лука Дончиќ, постина 31 поен, Мекалум забележа 32 коша. Дончиќ мечот го заврши со 38 поени и по девет скока и асистенции.
Резултати:
Бостон-Сакраменто 96:107
Кливленд-Сан Антонио 110:116
Хјустон-Детроит 100:113
Мемфис-Голден стејт 103:116
Мајами-Индијана 110:137
Орландо-Буклин 121:113
Торонто-Јута 112:115
Денвер-Чикаго 131:127
Финикс-Минесота 113:101
Портланд-Далас 125:119.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.