Извор/ rkalkaloid.mk

По успешниот старт на сезоната во кој екипата комплетираше 14 победи по ред меѓу кои и два натпревари од Европскиот ЕХФ Куп против литванскиот претставник Клаипеда Драгунас, РК Алкалоид се наоѓа пред вториот европски предизвик сезонава.

Во третото коло, РК Алкалоид за пласман во 1/8 финалето ќе игра против екипата на Вест Виена од Австрија.

Вест Виена е клуб со богата, речиси 80 годишна традиција и вредни резултати во кои се запишани и шест шампионски титули во домашното првенство едно полуфинале во Лигата на шампионите на ЕХФ.

Последната шампионска титула ја освоија во 2023 година, но соочен со економски проблеми, клубот истата сезона се повлече од најсилното натпреварување.

Веднаш успеа да се врати во најсилната конкуренција, а во процесот го освоија и Куп на Австрија со што се здобија со право да настапат во годинешниот ЕХФ Европски Куп.

Во второто коло, Вест Виена играше два натпревари на Фарски острови против екипата на Вестмана ИФ. На првиот меч победија со 29-22, разликата ја одбранија на реваншот што го загубија со 30-34.

„Виена е екипа која е составена од младински репрезентативци од Австрија, тим против кого нашите младинци одиграа ова лето нерешено. Противникот е технички добро подготвен и трча многу добро. За нас како тим тоа ќе биде одлично бидејќи играме ист ракомет. Гледачите во рок од 48 часа ќе можат да гледаат два добри натпревари. Наша цел е победа, но за тоа треба да одиграме. Мораме да бидеме максимално сериозни во пристапот, наша цел е да го надоградуваме нашиот систем. Се надевам дека ќе има повеќе публика во Автокоманда. Овие момци во периодот во кој измина заслужија да имаат поддршка особено на европски натпревари“, изјави тренерот на Алкалоид, Кирил Лазаров.

Двата натпревари ќе се играат во салата „Автокоманда“. Во петок (29 ноември) и сабота (30 ноември). Двата натпревари се закажани со почеток од 19:00 часот.

Зачестија кртиките, особено од навивачите, кон најголемото засилување на Реал, Килијан Мбапе. Францускиот репрезентативец во дресот на Реал делува како да заборавил да игра фудбал и најчесто делува како просечен играч.

Се очекуваше Французинот оваа сезона да го носи „кралскиот клуб“, особено во дерби натпреварите, а од недела во недела е се полош и полош.

Ливерпул рутински го надигра Реал со 2:0, а токму Мбапе беше трагичар на шпанскиот великан.

Францускиот напаѓач имаше можност да израмни од пенал на половина час пред крајот, при водство на Ливерпул со 1:0. Лошо шутираше во десниот агол, но тоа го изведе доста лошо, па Квен Келехер одлично одбрани и го остави својот тим во водство.

Настрана промашениот пенал, генерално Мбапе одигра еден од најлошите натпревари во кариерата.

Загуби седум од 13 дуели и имаше дури 15 загубени топки.

Успешноста на неговите додавања изнесуваше скромни 75 проценти, што значи дека го промашил секое трето додавање, додека имаше 50 отсто успешни дриблинзи (3/6). Интересно, не создаде ниту една прилика.

Kelleher saves Mbappé’s penalty! 🤯 pic.twitter.com/SqDe1UOZ0u

— Fabrizio Romano (@FabrizioRomano) November 27, 2024

Новак Ѓоковиќ договори партнерство со „Катар ервејз“. Српскиот тенисер ќе биде глобален амбасадор на познатата авиокомпанија.

Главниот извршен директор на „Катар ервејз“, Бадр Мохамед Ал-Мир, рече:

„Среќни сме што имаме можност да му посакаме добредојде на Новак Ѓоковиќ во семејството на Катар ервејз. Извонредната кариера на Новак, исполнета со рекорди, извонредни достигнувања и неуморна потрага по успех, ја одразува истата посветеност на извонредноста што ја негува нашата компанија. Нашата глобална мрежа со задоволство ќе го поддржи Новак додека патува на натпревари ширум светот, каде што продолжува да поставува нови стандарди во тенисот. Ова партнерство е вистински симбол на споделени вредности, амбиции и инспиративни луѓе ширум светот“.

Новак Ѓоковиќ за соработката рече:

„За мене е големо задоволство и чест да соработувам со Катар ервејз, компанија која многу ја ценам, не само поради нејзиниот беспрекорен однос кон клиентите и вработените, туку и затоа што ја препознава важноста на благосостојбата и долговечноста, што е мојата голема страст. Верувам дека заедно ќе го подобриме веќе наградуваното корисничко искуство ширум светот и ќе го подигнеме на уште повисоко ниво“, изјави освојувачот на 24 Гренд слем титули.