Спорт
Јокиќ ја реши драмата во Финикс, Бруклин повторно поразени од Кливленд

Финикс и Денвер го одиграа најдраматичниот натпревар изминатата новќ во НБА лигата. Денвер, предводени од Никола Јокиќ, победија во продолжението со 130:126. Српскиот центар со поените во самиот финиш му обезбеди дополнителни пет минути на својот тим.
Јокиќ натпреварот го заврши со 31 поен, 10 скока и 8 асистенции. Покрај Јокиќ уште петмина играчи на Денвер постигнаа двоцифрен број на поени. Кај Финикс се истакна Девин Букер со 31 поен, Диандре Ејтон забележа 27 поени и 13 скокови, а ветеранот Крис Пол подели 15 асистенции и постигна 11 поени.
Бруклин Нетс во само неколку дена доживеаја нов пораз од Кливленд Кавалирс. Без Кевин Дурент, Нетс се поразени во Кливленд 113:125.
Колин Секстон постигна 25 поени, а по 19 кошеви ифрлија Диандре Драмонд и екс играчот на Бруклин Џеред Ален.
На спротивната страна се издвоија Кајри Ирвинг со 38 поени, односно Џејмс Харден со 19 поени и 11 асистенции.
Далас, во Сан Антонио, го добија дербито на Тексас со 122:117. Лука Дончиќ го предводеше Далас со 36 поени и по девет скока и асистенции.
Резултати:
Шарлот-Чикаго 110:123
Детроит-Хјустон 102:103
Индијана-Орландо 120:118
Кливленд-Бостон 125:113
Филалделфија-Бостон 122:110
Торонто-Мајами 101:81
Минесота-Атланта 98:116
Сан Антонио-Далас 117:122
ЛА Клиперс-Оклахома 120:106
Финикс-Денвер 126:130
Сакраменто-Њујорк 103:94
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Клупско СП: Палмеирас славеше во бразилското дерби во продолженијата

Ботафого во групната фаза приреди едно од најголемите изненадувања, го победи во Пасадена шампионот на Европа, Пари Сен Жермен, но овој пат не можеше против земјаците од Сао Пауло. Фудбалерите на Палмеирас први се четвртфиналисти на Клупското светско првенство што се одржува во Соединетите Американски Држави.
Зелените од Сао Пауло беа подобри од црно-белите од Рио де Жанеиро во осминафиналето. Дуелот на два бразилска великанa на стадионот Линколн Фајненшл Филд во Филаделфија заврши со резултат 1:0 (0:0, 0:0).
Победникот е одреден дури по продолженијата откако по 90 минути игра немаше голови. Стрелец на одлуката беше Паулињо во 100. минута. Палмеирас по 90 минути имаше далеку повеќе удари кон голот (16:4), но идната ѕвезда на лондонскиот Челси, 18-годишниот „вундеркинд“ Вилијан Естевало и останатите фудбалери во зелени дресови не најдоа пат до мрежата на Ботафого во регуларниот дел.
Спорт
Норис со брутален круг до пол-позицијата во Австрија

Возачот на Мекларен, Ландо Норис, ќе стартува од пол-позицијата на трката за Големата награда на Австрија.
Британецот до третата пол-позиција оваа сезона дојде со брилијантен круг 1:03.971 минути. За речиси половина секунда го остави зад себе шарл Леклер од Ферари, а тимскиот колега Оскар Пајстри беше уште подалеку.
Вторито ред за утрешната трка го комплетира Луис Хамилтон од Ферари. Зад него се Џорџ Расел (Мерцедес) и Лијам Лосон (Рејсинг Булс). Актуелниот светски првак, Макс Ферстапен ќе стартува од седмата позиција, веднаш до него е дебитантот од Заубер, Гавриел Бортолето.
Топ 10 ги комплетираа Кими Антонели (Мерцедес) и Пјер Гасли (Алпин).
Трката на патеката Спилберг се вози в недела со почеток во 15 часот.
Спорт
Ѓоковиќ: Сакам да играм уште неколку години

Српскиот тенисер Новак Ѓоковиќ им се обрати на медиумите пред учеството на претстојниот Гренд слем – Вимблдон.
Ѓоковиќ има 24 Гренд слем титули, а новинарите беа заинтересирани дали токму Вимблдон е негова најголема шанса да дојде до 25 Гренд слем трофеј.
„Дали е ова мојот последен танц? Не знам. Имам желба да играм уште неколку години! Би сакал да бидам физички здрав и ментално мотивиран да продолжам да играм на највисоко ниво. Тоа е мојата цел, но на оваа возраст којзнае. Би се согласил дека Вимблдон е мојата најголема шанса, поради резултатите овде и како се чувствувам и како играм овде.“
Новак Ѓоковиќ седум пати во кариерата победил на Вимблдон. Рекордер со осум трофеи е Роџер Федерер.