Спорт
Јовиќ е несреќен и во Ајнтрахт, и таму е само резерва!

Враќањето на Лука Јовиќ во Ајнтрахт беше идилично, српскиот напаѓач веднаш почна да дава голови и да влијае на играта, но сето тоа го правеше влегувајќи од клупата за резерви.
Љубителите на фудбалот претпоставија што е причината за тоа, а сега стигна и официјално објаснување од тренерот на екипата, Ади Хитер. Причината е јасна, Андре Силва е прв стрелец на екипата со 18 гола и 2 асистенции до сега, а впрочем тој е и втор стрелец во Бундеслигата во моментов.
„Стилот кој го негуваме е радост за едниот, а патење за другиот напаѓач. Гледам во очите на секој фудбалер што и како прави и што чувствува. Јас сум одговорен за тоа што тимот победува и дава голови. Поради тоа можам да прифатам дека Лука не е воопшто среќен затоа што сака повеќе да игра“ вели тренерот Хитер.
Ајнтрахт Франкфурт игра со еден напаѓач и тоа досега се покажува како добитна комбинација, а Португалецот со своите игри го привлече вниманието на Атлетико Мадрид, Вест Хем и други клубови.
Системот на игра сигурно нема да се менува поради Јовиќ, а нема ниту причина, Ајнтрахр е во серија од 4 победи во низа со што изби на третото место на табелата и тимот има добри изгледи да се бори за пласман во ЛШ наредната сезона.
На Јовиќ останува да е трпелив и да ја чека својата шанса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хојлунд е на чекор до преселба на „Сан Сиро“

Манчестер јунајтед се согласи да го позајми Расмус Хојлунд на Милан, но договорот сè уште не е дефинитивно склучен.
Данскиот напаѓач стана вишок на „Олд Трафорд“, откако во клубот дојдоа Матеуш Куња и Бенјамин Шешко. Милан веднаш покажа сериозен интерес за Хојлунд.
Според „Газета дело Спорт“, се очекува челниците на Јунајтед да му соопштат на официјален состанок, на Хојлунд, дека е вишок во тимот, а потоа треба да се пресели на „Сан Сиро“.
Манчестер е подготвен да го испрати на позајмица, а двата клуба сè уште не го дефинирале моделот по кој Хојлунд би се преселил во италијанскиот гигант.
Сигурно е дека по завршувањето на сезоната, Милан ќе мора да го откупи неговиот договор од Манчестер јунајтед. Според медиумите станува збор за сума од околу 35 милиони евра.
Фото/ Принскрин
Спорт
Столбот на одбраната на Челзи се здоби со тешка повреда

Дефанзивецот на Челзи, Ливај Колвил, претрпе повреда на предните вкрстени лигаменти, потврди клубот од „Стенфорд Бриџ“.
Човекот кој минатата сезона се етаблираше како најпостојан стопер на „сините“ и столб во походот кон трофејот во Конференциската лига, сега ќе мора да направи долга пауза.
Колвил се повредил на првиот тренинг во понеделникот, а вчера бил опериран.
Предвидувањата велат дека тој би можел да биде надвор од терените помеѓу шест и 12 месеци, во зависност од брзината на закрепнувањето.
Менаџерот Енцо Мареска ги има на располагање Весли Фофана, Тревор Чалоба, Ренато Веига, Аксел Дисаси, Беноа Бадијашил, Тосин Адарабиохо и Арон Анселмино.
Тимот од „Стемфорд Бриџ“ ќе ја започне новата сезона во Премиер лигата на 17 август, кога ќе го пречека Кристал Палас.
Спорт
Мората се враќа во Серија А

По Јувентус и Милан, Алваро Мората ќе игра во Серија А и за Комо. Галатасарај попушти и се согласи да ја раскине позајмицата на искусниот напаѓач, кој минатата зима пристигна од Милан на една година.
Според информациите што доаѓаат од Италија и Шпанија, Турците ќе добијат 5.000.000 евра од Комо, додека Милан ќе добие 1.000.000 за позајмицата.
Милан наредното лето ќе заработи уште 9.000.000 евра, бидејќи Комо ќе мора да го откупи договорот на Мората.
Ова значи дека Комо ќе потроши вкупно 15.000.000 евра за обештетување за 32-годишниот напаѓач.
Комо се исклучително активни во овој преоден рок, досега клубот на засилувања потроши над 100.000.000.
Foto/ EPA/OLAF KRAAK