На албанскиот репрезентативец, Мирлинд Даку, му пропадна трансферот од Рубин Казањ во Зенит.

Руските медиуми наведуваат причина за ова се националистичките испади и тетоважите што ги има се посветени на водачот на ОВК.. Фудбалерот роден во Гњилане на Косово и Метохија, на грбот има тетоважа со ликот на Агим Рамадани – Катана, еден од водачите на ОВК.

Даку на пошироката јавност и стана познат на Европското првенство, кога по нерешениот резултат на натпреварот Албанија-Хрватска (2:2), зеде мегафон и пред трибината на која беа навивачите на Албанија викаше „п.ч.а им матер на Србите и Македоннците“.

Ден по натпреварот се извини, но УЕФА го суспендира на два натпревари, а казна доби и од неговиот клуб Рубин.

Бидејќи поранешните фудбалери на Црвена Звезда, Вања Дркушиќ и Страхиња Ераковиќ, играат за тимот на Зенит, раководството одлучи дека е подобро да не доведува играч од таков профил во своите редови бидејќи тоа би донело само проблеми, и покрај солидните бројки од минатата сезона (15 гола и 8 асистенции).

Тренерот на Зенит, Ринат Билјалетдинов, коментирајќи ја целата ситуација рекол дека клубот донел разумна одлука.

„Во Зенит има српска фудбалери: Дркушиќ, Мимовиќ, Здјелар… Можеби е разумна одлука на клубот да го откаже трансферот. Во одреден момент тоа би можело да има негативно влијание врз тимот и затоа трансферот пропадна. Друга работа е зошто Зенит воопшто размислувал за трансфер што би бил темпирана бомба за тимот“, изјави Бијалетдинов за руската „Газета“.

Даку имаше одлична сезона во дресот на Рубин, постигна 15 голови и забележа осум асистенции.

Фудбалскиот клуб Ливерпул вчера официјално го претстави своето големо засилување Флоријан Вирц и го урна рекордот на Премиер лигата.

Германскиот офанзивен играч за врска е играч кој би можел да биде клучен во воспоставувањето на доминацијата на „Црвените“ во Премиер лигата.

Со него во тимот, гигантот од „Енфилд“ сигурно ќе го нападне трофејот од Лигата на шампионите.

Интересно е што Вирц рече одлуката да се пресели во Ливерпул, односно да го одбие Баерн Минхен, бил разговорот со менаџерот Арне Слот.

„Се сеќавам на нашиот прв разговор. Ми покажа каков фудбал сака да игра и како би се вклопил во тимот. Веднаш можев да се замислам себеси во Ливерпул, кој ќе се обидам да го подобрам од следната сезона“, рече Вирц и со тоа му оддаде голема заслуга на холандскиот стручњак, кој во својата прва сезона на клупата на Ливерпул го освои англиското првенство.

Џабари Паркер наредната сезона ќе го носи дресот на Партизан. Српските медиуми тврдат дека некогаш вториот пик на драфтот, договорил две годишна соработка, за која ќе добие вкупно пет милиони евра.

Џабари Паркер има 30 години, висок е 203 сантиметри, роден е во Чикаго и пред да дојде во Европа играше за Милвоки, Чикаго, Вашингтон, Атланта, Сакраменто и Бостон. Изминатите две сезони играше во Барселона две сезони.

Откако за наредната сезона Барселона потпиша договор со Торнике Шенгелија, Паркер и Каталонците спогодбено се разделија.

Минатата сезона, во дресот на каталонскиот тим, имаше 13,8 поени и четири скока по натпревар во Евролигата. Паркер беше прогласен и за член на втората најдобра петорка на АЦБ лигата оваа сезона.