Поминаа две години откако Џанлуиџи Буфон ја заврши својата долга кариера и се пензионираше од професионалниот фудбал. Во текот на децениите поминати меѓу стативите, тој стана едно од препознатливите лица на италијанската репрезентација, со која ја освои титулата светски шампион во 2006 година. Со оглед на сè што постигна, неговите коментари сè уште имаат голема тежина во јавноста.

Неговите неодамнешни изјави во кои се осврна на промените во пристапот кон фудбалот во Италија привлекоа големо внимание. Буфон верува дека основните карактеристики на италијанската игра, позната по својата одбранбена сила и дисциплина, со текот на времето почнаа да се занемаруваат.

„Дваесет години се срамиме од тоа што сме. Дваесет години чувствувам дека мора да играме како Шпанија; се откажавме од нашата историја. А талентот исчезнува поради тоа. Денес би им било срам да стават играчи како Ферара или Канаваро на теренот. Киелини, не би играл затоа што нема добар пас“, рече Буфон.

Тој, исто така, предупреди на начин на игра што не е во согласност со традиционалните вредности на италијанскиот фудбал, а како пример го наведе неодамнешниот европски натпревар помеѓу Барселона и Интер.

„Одиш во Барселона (полуфинале на Лигата на шампионите, Барселона – Интер) и плаќаш билет, но не смееш да помислиш дека можеме да играме со висока одбрана во средниот ред деведесет минути… Историските натпревари на Италија се засноваат на одбрана до смрт, на кохезија, тимски дух, игра на резултат. Сега се чини дека ни е непријатно, дека нема да бидеме прифатени во високото фудбалско општество. Сакам да излезам на теренот за да се обидам да победам, не треба да се срамиме тоа да го правиме на наш начин.“

Управниот одбор на Евролигата донесе одлука за проширување на лигата почнувајќи од наредната сезона. Од сезоната 2025/26 во Евролигата ќе се натпреваруваат 20 екипи.

На денешното гласање победи опцијата што подразбира зголемување на бројот на учесници од претходните 18 на 20.

Ова значи дека во следната сезона ќе играат 17 клуба од сезоната зад нас, Хапоел Тел Авив како победник на Еврокупот, како и Валенсија и Дубаи.

Од 18-те клуба што се натпреваруваа во сезоната 2024/25, нема да ја гледаме само берлинската Алба.

Следната сезона во Евролигата ќе се натпреваруваат: Ефес, Монако, Басконија, Црвена звезда, Олимпија Милано, Барселона, Баерн, Фенербахче, Асвел, Макаби, Олимпијакос, Панатинаикос, Париз, Партизан, Реал Мадрид, Виртус, Жалгирис, Хапоел Тел Авив, Валенсија и Дубаи.

Новата, историска сезона во Евролигата започнува во октомври, а Фенербахче ја брани титулата.

Денес, светскиот шампион се огласи на „Инстаграм“ и предизвика „земјотрес“ во Мото ГП светот со две објави.

Накратко. ова е првата и последна сезона на Хорхе Мартин во Априлија, во која минатата зима ја донесе титулата светски шампион во „кралската класа“, освоена на Прамак Дукати.

Сепак, започна лошо од првиот ден и, очигледно, нема да заврши поинаку.

„Поздрав до сите,

Сакам да им понудам на сите фанови, медиуми и луѓе кои ја следат мојата кариера јасно објаснување за мојата моментална ситуација со Априлија.

Во ниту еден момент не го прекршив договорот. Кога го потпишавме, се согласив со Априлија дека, доколку не се исполнат одредени услови, го задржувам правото да донесам одлука за мојата иднина за 2026 година.

Ова беше клучен услов за мене да го прифатам договорот што тогаш ми го понудија. Кога донесов одлука да го сменам тимот минатата година, едено од моите барања беше да имам можност да го тестирам моторот во реални услови и да се запознаам со тимот и неговата методологија на работа. На тој начин, би се чувствувал конфорно да потпишам двегодишен договор наместо едногодишен. Затоа ја вклучивме таа клаузула.

Соочен со ситуација во која морам да донесам одлука на датумот наведен во договорот, решив да го искористам моето право да се ослободам од обврските од договорот за сезоната 2026. Секогаш го правев ова со почит, јасно и со единствена намера да ја преземам контролата врз мојата иднина како професионален спортист.

За жал, околностите што произлегоа од падовите, иако е вистина дека не влијаат на она што го договоривме, ја условија оваа фаза. Затоа секогаш бев отворен за дијалог со Априлија за да можеме да го продолжиме овој период на одреден број трки по моето враќање во натпреварувањето. Целта е двете страни да можат да си дадат втора шанса и да се чувствуваат удобно пред да донесат одлука во 2026 година.

Секогаш сум бил искрен со Априлија, секогаш сум го ценел моторот, тимот и напорите на сите луѓе кои се дел од проектот. Единственото нешто што го барам е да се почитува мојата волја и духот на она што го договоривме со Априлија.

Нема конфликт, нема осуда. Само сакам да можам да гледам напред со јасна визија, по многу тежок период и многу сериозна повреда, и да продолжам да давам се од себе на и надвор од патеката.

Ви благодарам на сите за вашето разбирање и почит“, се вели во соопштението потпишано кратко со:

Хорхе Мартин