Спорт
(Видео) Јунајтед испушти предност од 3:0, па на пенали го елиминира Ковентри
Фудбалерите на Манчестер јунајтед (не) заслужено се пласираа во финалето на ФА купот. Во второто полуфинале, Јунајтед на пенали го победи Ковентри (осмопласиран во Чемпионшип) со 4:3. Во регуларниот дел од натпреварот Јунајтед испушти предност од 3:0, а во 120.минута милиметарски офсајд го спаси од елиминација.
Избраниците на Ерик Тен Хаг доминираа во играта во првото полувреме и благодарение на тоа заминаа на пауза со два гола предност.
Скот Мектоминеј им донесе предност на „ѓаволите“ со гол во 23. минута, а вофинишот на првото полувреме вториот гол го постигна Хари Мегваер по корнерот на Бруно Фернандес.
Во 58. минута капитенот на Јунајтед сам ја затресе мрежата за 3:0.
Дефицитот на Ковентри го намали поранешниот играч на Евертон, Елис Симс во 71. минута. О’Хара го постигна вториот гол за тимот на Марк Робинс осум минути подоцна.
Ковентри можеше да израмни, но Онана тоа го спречи тоа со неверојатна одбрана. Во судиското надополнување, беше досуден пенал за Ковентри откако топката го погоди Ван Бисака во таката. Пеналот го реализираше американскиот напаѓач Хаџи Рајт.
Бруно Фернандеш за малку ќе донесе ново водство на клубот со најмногу трофеи во историјата на ова натпреварување, но неговиот проектил ја погоди стативата, во првото продолжение.
Стрелецот на израмнувачкиот гол Рајт имаше шанса во 112. минута, но неговиот удар заврши крај голот, потоа Симс ја погоди гредата.
Во 120.минута Троп постигна гол, кој подоцна ВАР го поништи поради милиетарски офсајд.
Во пенал серијата Колинс го одбрани првиот пенал, шутираше Касемиро, а потоа во четвртата серија Онана го одбрани ударот на О’Хара, а во петтата ударот на Шиф заврши над холот.
Финалето е закажано за 25 мај, а Јунајтед ќе се сретне со Манчестер Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дејвид би можел да го напушти Јувентус
Канадскиот напаѓач Џонатан Дејвид (25) е незадоволен од својата минутажа во Јувентус и би можел да го напушти клубот од Торино во зимскиот преоден рок, објавија италијанските медиуми.
Дејвид постигна 25 гола и 12 асистенции во Лил минатата сезона, а во јули се пресели во Јуве како слободен играч. Со „Старата дама“, Дејвид потпиша петгодишен договор.
Иако оваа сезона одигра 12 натпревари, не успеа да се етаблира како стандарден играч во првиот тим. Во тие 12 натпревари постигна само еден гол.
Италијанските медиуми тврдат дека новиот тренер на Јувентус, Лучијано Спалети, би можел да има слух за канадскиот репрезентативец и да му даде поголема улога.
Спалети, кој го наследи Игор Тудор, дебитираше на тренерската клупа на Јуве во саботата, со победата над Кремонезе (2:1), но Давид влезе во игра дури во 85-тата минута.
Исто така, малку е веројатно дека Дејвид ќе биде во почетниот состав за вечерашниот натпревар од Лигата на шампионите против Спортинг.
Спорт
Стефано Пиоли доби отказ
Сопствениците на Фиорентина го отпуштија Стефано Пиоли. „Виолетовите“ со Пиоли на клупата не забележаа ниту една победа во првите 10 рунди во Серија А.
Фиорентина под Пиоли освои само четири поени и се наоѓа на последната позиција на табелата.
Кога пристигна во средината на јули оваа година, потпиша договор до јуни 2028 година, па Фиорентина веројатно скапо ќе ја плати оваа непланирана разделба.
Помеѓу Фиорентина и Милан, кого го водеше 240 пати и го освои италијанското првенство во 2021/22 година, Пиоли имаше и краток престој во Ал-Наср.
Спорт
Спанулис и во иднина ќе ја предводи Грција
Легендарниот кошаркар, а сега тренер Василис Спанулис, останува селектор на грчката репрезентација. Ова во вторникот официјализираше Кошаркарскиот сојуз на Грнција.
Спанулис им донесе бронза на Грците од овогодинешниот Евробаскет. Тоа беше и првиот медал на Грција на големо натпреварување од 2009 година. Затоа во националниот Сојуз веднаш му понудија нов договор.
Во исто време, легендарниот Грк ќе продолжи да работи во вицешампионот на Евролигата, Монако, а неговата следна цел кога станува збор за репрезентацијата ќе биде да ја однесе Грција на Мундобаскетот во 2027 година.
Спанулис е на клупата на грчката репрезентација од октомври 2023 година, а ја водеше оваа репрезентација на Олимписките игри во Париз една година подоцна.

