Спорт
Јунајтед ја договорил продажбата на Бруно Фернандеш за 115 милиони?!
Манчестер Јунајтед наводно се согласил да го продаде капитенот Бруно Фернандеш во Саудиска Арабија наредното лето.
Како што објавија некои англиски медиуми, Ал Хилал ќе плати 115 милиони евра за Португалецот.
Ал Хилал му понудил иста сума на Јунајтед ова лето, а Португалецот потоа изјави дека е подготвен да си замине доколку клубот смета дека е време да профитира од неговиот трансфер.
Сепак, Јунајтед и Фернандеш, кои имаат договор до летото 2027 година, ја одбија понудата, а фудбалерот нагласи дека сè уште сака да игра на највисоко можно ниво на големите натпреварувања.
„Сè уште не сум ги остварил своите соништа“, изјави Португалецот пред еден месец.
Саудијците наводно ќе се обидат да го привлечат Фернандеш со нова понуда во јануари, и се подготвени да му дадат неделна нето од околу 800.000 евра.
Тоа е речиси двојно повеќе од она што го заработува на „Олд Трафорд“.
По очајниот почеток на сезоната во која Јунајтед моментално е 14-ти во Премиер лигата со само седум освоени бода од можни 18, заедно со елиминацијата од Лига купот од четвртолигашот Гримсби, Саудијците се надеваат дека Португалецот се предомислил.
Особено затоа што се чини дека е фрустриран од улогата што тренерот Рубен Аморим му ја дава на теренот.
Тој го користи на позиција што бара од него да извршува повеќе дефанзивни задачи, што очигледно не одговара на неговите офанзивни квалитети и влијание врз играта.
Сепак, Аморим, под притисок по лошиот почеток на неговата прва целосна сезона на чело на Јунајтед, не покажува дека е подготвен да ја промени тактиката и да му додели на Бруно фанзивна улога.
Оваа сезона, Фернандес постигна само два гола без ниту една асистенција во осум натпревари. Вкупно, тој постигна 100 гола со 86 асистенции во 298 настапи за Јунајтед.
Јунајтед треба да ги искористи парите од трансферот за да ги доведе млафите играчи Карлос Балеба (Брајтон, 21) и Елиот Андерсон (Нотингем Форест, 22).
Foto/ EPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вориорс ги декласираа ЛА Клиперс
Пет натпревари се одиграа во НБА лигата во текот на ноќта. Ова се резултатите.
Голден Стејт Вориорс во Сан Франциско забележаа победа над ЛА Клиперс, во меч со малку поени. Вориорс славеа со 98:79.
Вориорс поведоа во првата четвртина, но пресвртот на Клиперс следеше во втората четвртина, ја добија со 24:13 и заминаа на полувреме (46:49).
Сепак, од средината на третата четвртина, Вориорс прво направија серија од 10:0, а потоа и 15:2 во самиот крај, а пред четвртата четвртина остварија убедливо водство (78:63).
Тие ја одржаа својата предност во последната четвртина и рутински победија.
До победата ги предводеше Џими Батлер со 21 поен со по пет скока и асистенции, по него следуваше Стеф Кари со 19 поени, два скока и осум асистенции, односно Брендон Подзиемски и Квинтен Пост со по 12 поени.
Кај Клиперс се истакна Џејмс Харден со 20 поени и четири скока, по него Кавај Ленард со 18 поени и пет скока, а двоцифрен број на поени имаше само Ивица Зубац, кој оствари дабл-дабл учинок со 14 поени и 13 скока.
Воините моментално се трети на Западот со резултат од 4-1, додека Клиперси се петти со две победи и исто толку порази.
Резултати:
Вашингтон Визардс – Филаделфија 134:139
Мајами Хит – Шарлот Хорнетс 144:117
Милвоки Бакс – Њујорк Никс 121:111
Оклахома Сити Тандер – Сакраменто Кингс 107:101
Голден Стејт Вориорс – Лос Анџелес Клиперс 98:79
Спорт
Нори го елиминира Аркараз од Мастерсот во Париз
Најдобриот тенисер во светот, Карлос Алкараз, го заврши својот настап на Мастерсот во Париз во второто коло.
Алкараз беше слободен во првото коло, а во второто, Камерон Нори беше подобар од него по пресврт со 4:6, 6:3, 6:4.
Нори направи изненадување и со тоа намали на 3:5 во меѓусебните дуели, одмаздувајќи му се на Шпанецот за поразот во четвртфиналето на Вимблдон оваа сезона.
По првиот сет, кој му припадна на Карлос, за кого беше доволен брејк во петтиот гем, се чинеше дека ова ќе биде рутинска победа за Алкараз.
Норис возврати во вториот, му го одзеде сервисот на својот ривал во четвртиот, а потоа спаси две брејк топки во следниот. Тоа беше доволно за да се израмни ма 1:1.
Нори пропушти две шанси за брејк во петтиот гем од решавачкиот сет, но успеа да направи брејк во седмиот.
Последниот напад на Алкараз беше одбиен во следниот гем, кога британецот спаси две врзани брејк топки, а малку подоцна го заврши натпреварот.
Во осминафиналето, Нори го чека подобриот од дуелот меѓу братучедите и финалистите на Мастерсот во Шангај, Артур Риндеркнеш и Валентан Вашеро.
Foto/ EPA
Спорт
(Видео) Елмас стартер во победата на Наполи
Наполи, вложи многу труд за да забележи победа во првиот меч од 10-то коло во Серија А. Во Лече актуелниот шампион победи со 0:1. Наполитанците победија благодарение на голманот Вања Милинковиќ-Савиќ и стрелецот на голот Замбо Ангиса.
Наполи многу лесно можеше да биде поразен во Лече. Вања Милинковиќ-Савиќ во 55-та минута од натпреварот, му одбрани пенал на Камарда.
Наполи, го казни Лече за промашениот пенал, кога Давид Нерес во 69-та минута му асистираше на Ангиса, а Камерунецот го совлада Фалконе.
Освен овие два детали, немаше многу возбудувања на стадионот „Виа дел Маре“. Политано ја имаше најдобрата можност во првото полувреме за гостите во 30-та минута, фати волеј, но шутираше малку покрај стативата. Лече можеше да поведе во 45+2 минута, но дури и тогаш Камарда беше непрецизен, шутираше речиси над пречката од голот на Милинковиќ-Савиќ.
Македонскиот репрезентативец Елиф Елмас доби шанса во стартниот сотав на Наполи, одигра добар натпревар, а беше заменет во 85-та минута.

