Спорт
Јуниорите почнаа фуриозно, па загубија од Австрија!

Јуниорската кошаркарска репрезентација доживеа втор пораз во низа на Еуробаскетот У-18, Б-дивизија во Португалија, откако пропуштија да го искористат одличниот старт и на крајот загубија со 77:74 од Австрија.
Македонија имаше предност од 31:16 по одличната прва четвртина, предност која порасна на 17 разлика, но потоа Австрија се врати и намали на 38:33 на полувреме. Во второто полувреме имаше промена на предндоста, за Австрија да израмни на 70:70 на пет минути пред крајот. Во финишот, Австријците беа поконцентрирани за да ја забележат втората победа на првенството.
Избраниците на селекторот, Андреј Апостолски Лекиќ одиграа во променлив ритам, имаше моменти во кои целосно доминираа и се чинеше дека победата е обезбедена, но токму таа некостантност беше причина за да противникот се врати во игра и на крајот се радуваше.
Андреј Шошкиќ беше најефикасниот за Македонија со 27 поени, Иванов и Луканоски имаа по 17, додека за Австрија, Омер Суљановиќ заврши со 26 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Влаховиќ за победа на Јувентус во Џенова
Фудбалерите на Јувентус ја победија Џенова на гостински терен во второто коло од Серија А со 1:0.
Единствениот стрелец беше српскиот фудбалер Душан Влаховиќ во 73-та минута, на асистенција на неговиот сонародник Филип Костиќ.
Јувентус изгледаше лошо во поголемиот дел од натпреварот, се мачеше да создаде шанса, па Џенова лесно ги одбиваше нападите на противникот.
Клучен момент беше 70-минута кога тренерот Игор Тудор на теренот ги испрати Влаховиќ и Костиќ. Три минути подцна српската врска му ја донесе победата.
Во следното коло Јувентус го очекува големото дерби против Интер.
Foto/ corriere.it
Спорт
(Видео) Собослај со спектакуларен гол му пресуди на Арсенал

Ливерпул го доби дербито против Арсенал во третото коло од Премиер лигата. Дуелот на „Енфилд“ го реши Доминик Собослај со спектакуларен гол во 82.минута.
Дербито на „Енфилд“ донесе натпревар со многу темпо, но со малку квалитетна игра. Мечот лошо започна за Арсенал, Вилијам Салиба, клучниот деганзивец во четврртата минута поради повреда го напушти теренот.
Ливерпул беа премногу резервирани во првиот дел, Арсенал ја контролираше играта, но дојде до само една шансна, кога Алисон го одбрани ударот на Мадуеке.
Во вториот дел „црвените“ беа поактивни, повеќе притискаа, но без вистинска гол шанса.
Клучниот момент се случи во 82.минута, кога од 25 метри, од слободен удар совршено погоди Собослај.
Ливерпул по три кола има три победи, Арсенал остана на две победи, го забележа првиот пораз во сезоната.
Foto/ EPA/ADAM VAUGHAN
Спорт
(Видео) Брајтон е кошмар за Сити, Вест Хем ја запиша првата победа во сезоната

Попладнево се одиграа два натпревари од третото коло на Премиер лигата. Брајтон го победи Манчестер сити како домаќин, додека Вест Хем славеше во Нотингем против Форест.
Манчестер сити и покрај големите вложувања во летниот преоден рок и враќањето на Родри, се уште е во модот од минатата сезона. „Граѓаните“ во три кола имаат два порази.
Во Брајтон домашниот тим славеше со пресврт во вториот дел, откако Сити во првиот дел поведе преку Ерлинг Халанд во 34-та минута.
Во вториот дел „граѓаните“ се распаднаа, Брајтон изедначи од пенал рпеку ветеранот Џејмс Милнер во 67-та минута, а конечниот удар на Сити му го зададе Брајан Груда во 89-та минута.
Вест Хем првата победа во сезоната ја забележа во Нотингем.
„Чеканите“ до првите бодови во сезоната дојдоа со блиц-криг во финишот на мечот.
Головите за Вест Хем ги постигнаа Џарод Бовен во 84-та, Лукас Пакета во 88-та и Калум Вилсон во првата минута од судиското продолжение во второто полувреме.
Фото/ Принтскрин