Спорт
Јуриќ: Не можете така лесно да фрлите 40 дена напорна работа
Рома не излегува од кризата. Синоќа доживеа тежок дебакл во Фиренца. „Волчицата“ загуби од Фиорентина со 5:1. Според медиумите нема да биде изненадување доколу тренерот Иван Јуриќ добие отказ.
Натпреварот против Фиорентина е трет во низа без победа во Серија А. Јуриќ е свесен дека тимот е во криза, што несомнено го покажа и натпреварот против Фиорентина.
„Направивме се погрешно. На претходните седум натпревари покажавме добра концентрација, но сега имавме лош став, лош менталитет и лош пристап, што навистина не го очекував. Изгледаше како да заборавивме на се што научивме во ова време“, изјави Јуриќ.
Иако се наоѓа под голем притисок да поднесе оставка или да биде сменет, хрватскиот тренер инсистира напорната работа да не се отфрли лесно.
„Не можете да фрлите 40 дена напорна работа во тоалет. Научивме многу, покажавме многу добри работи во претходните седум натпревари и тоа не се брише со гума“.
Рома моментално е 11. на табелата со 10 бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тоти добил понуда да му се врати на фудбалот
Франческо Тоти керена прашина во Италија кога објави дека „не е шега“ дека сака да му се врати на фудбалот и дека на маса има понуди од два клуба.
„Не, тоа апсолутно не е шега. Морам да видам што ќе ми кажат главата и телото. Главата веќе го знае одговорот, додека телото ќе треба да покаже како реагира. Заинтересирани се два клуба, кој знае што ќе донесе следната“, рече Тоти и додаде:
„Ќе ми требаат два месеци тренинзи“, истакна тој, бидејќи редовно игра падел и тенис.
Сега „Ла Република“ пренесува дека клубот кој најсериозно контактирал со Тоти е Комо.
Тренерот Цеск Фабрегас се чини дека го сака „принцот од Рим“ во својот тим и му понудил договор до крајот на сезоната.
Тоти, кој во септември наполни 48 години, наводно сериозно размислува да ја прифати оваа понуда и се би требало да се знае во следните неколку дена.
Да потсетиме, Франческо Тоти е во пензија од 2017 година, откако целата кариера ја мина во Рома.
После тоа, две сезони беше директор во својот матичен клуб, пред да се скара со сопственикот на „волчицата“.
Спорт
Тренерот Јуриќ физички се пресметал со Џанлука Манчини
Рома, синоќа на „Артемио Франки, доживеа тежок пораз од Фиорентија (5:1). Според италијанските медиуми овој пораз му ја запечати судбината на тренерот Иван Јуриќ.
Јуриќ пред 40 дена ја презеде Рома, но не успеа да ги поправи работите. „Кориере дело Спорт“, тврди дека Јуриќ ќе добие отказ не само поради дебаклот во Фиренца, туку и поради онашто се случило во соблекувалната на Рома на стадионот „Артемио Франки“.
Имено, се наведува дека Јуриќ физички се пресметал со стоперот Џанлука Манчини, еден од поискусните играчи во тимот.
Манчини беше заменет во полувремето, а додека Јуриќ му го соопштувал ова во соблекувалната, накпдвин дошло до вербална, а потоа и до физичка пресметка, засега не се познати повеќе детали, но ситуацијата дефинитивно не е добра и „најдебелиот крај“ би можел да го извлече Јуриќ.
„Тотален колапс на Рома. Хрватскиот тренер е под голема закана од отказ. Поинаков исход не е можен кога ќе се погледне каде е Рома во Италија и Европа“, пишува „Газета дело спорт“.
Се посочува дека авионот на сопственикот на клубот Фридкин моментално се наоѓа во Њујорк каде на одмор е Даниеле де Роси кој се уште е под договор со Рома.
Спорт
Никој од Реал не замина за Париз – Винисиус нема да ја добие Златната топка
Иако се чинеше дека се е подготвено за промоција на Винисиус Жуниор во најдобар фудбалер за 2024 година, потегот на Реал Мадрид на денот на доделувањето на „Златната топка“ откри многу работи.
Според сите прогнози и најави, Бразилецот требаше да го подигне својот прв најголем индивидуален трофеј, но како што сега стојат работите престижната награда ќе му припадне на Шпанецот Родри.
Поради ова сознание, челниците на Реал Мадрид го шокираа фудбалскиот свет и го откажаа заминувањето на целата нивна делегација на церемонијата во Париз.
Авионот од Мадрид требаше да полета за „градот на светлината“ во 15 часот, но Реал ја запре целата експедиција, која броеше дури 50 луѓе.
Покрај Винисиус номинира се и Џуд Белингем. Килијан Мбапе, Феде Валверде, Тони Крос, Дани Карвахал и Ридигер.
Исто така, Карло Анчелоти е во конкуренција за најдобар тренер, голманот Андреј Луњин за трофејот „Лава Јашин“, а младиот Арда Гулер за „трофејот Копа“.
Но, очигледно никој од нив нема да биде присутен во Париз на настанот кој ќе започне во 20:45 часот.
Веста прв ја објави спортскиот новинар на РМЦ, Фабрис Хокинс.