Австрискиот тренер Оливер Гласнер има намера да го смени клубот на крајот од сезоната кога ќе му истече договорот со Кристал Палас.

Оваа вест ја објави секогаш добро информираниот инсајдер Фабрицио Романо.

„Оливер Гласнер не планира да потпише нов договор со Кристал Палас. Австрискиот тренер донесе одлука и сега е фокусиран да продолжи со својата одлична работа оваа сезона“, напиша италијанскиот новинар.

Австрискиот тренер го презеде Кристал Палас во февруари 2024 година во време кога тимот беше во долниот дел од табелата во Премиер лигата. денес.

Во таа прва полусезона во Премиер лигата, тој постигна некои неверојатни резултати. Ја забележа својата прва победа на гости на 14 април на „Енфилд“, со што ја прекина серијата од 29 натпревари без пораз на Ливерпул дома.

Три недели подоцна на „Селхерст Парк“, тој го победи Манчестер Јунајтед со 4:0, што е прв пат во Премиер лигата Палас да ги победи Црвените ѓаволи во двата натпревари од сезоната. Конечно, на последниот ден од сезоната, неговиот тим ја декласираше Астон Вила со 5:0 и ја израмни рекордната победа на Палас во историјата на Премиер лигата.

Минатата сезона беше уште поуспешна, тој му го донесе на Кристал Палас првиот трофеј во 119-годишната историја на клубот кога го победија големиот фаворит Манчестер Сити на Гвардиола на „Вембли“ и го освоија ФА Купот.

Новата сезона ја започна со трофеј во Черити Шилд (Суперкупот на Англија) во август со победа на пенали против шампионот Ливерпул.

Во меѓувреме, ги победија „Црвените“ во Премиер лигата и ги елиминираа од Лига Купот.

Палас моментално е осми на табелата.

Инаку, досега најголемиот успех во кариерата на 51-годишниот тренер е освојувањето на титулата во Лига Европа, во 2022 година со Ајнтрахт Франкфурт.

foto/ depositphotos

На Светското првенство во Соединетите Американски Држави, Канада и Мексико, има само две селекции, кои според вредноста на фудбалерите, вредат повеќе од милијарда евра. Тоа се Англија и Франција.

Во клупскиот фудбал, ситуацијата е поинаква, конкуренцијата е посилна, а дури седум клуба имаат состави вредни над милијарда.

Според, порталот „Трансфермаркт“, специјализиран за фудбалски трансфери, во овој момент најмногу вреди составот на Реал Мадрид (1,38 милијарди). Цената на „Кралскиот клуб“, значително ја зголемува Килијан Мбапе со 200 милиони според Трансфермаркт, а Џуд Белингам, Винисиус и Феде Валверде се меѓу 15-те најскапи фудбалери во светот.

На второто место е Арсенал со 1,29 милијарди и енормно вредни се Букајо Сака и Деклан Рајс.

Третото место, со 1,19 милијарди, го делат Манчестер Сити и ПСЖ, Челзи е само еден милион поевтин со 1,18 милијарди, по него следува Барселона со 1,12 милијарди евра и Ламин Јамал, како и Мбапе, вреди 200 милиони на пазарот.

Ливерпул е последен во рангирањето со тим вреден над милијарда (1,04), додека Баерн е на осмото место со 981 милион.

Тотенхем (879 милиони) и Манчестер Јунајтед (719) се исто така во првите 10.

На 11-та позиција е Њукасл (713), додека најдобро рангираниот италијански клуб Интер е со 680 милиони.

Во Серија А има уште два клуба во првите 20, Јувентус е 14-ти со 603 милиони, а Наполи 19-ти со 503 милиони.

Во првите 20, 10 клубови се од Премиер лигата, покрај веќе наведените тука се и Нотингем Форест (13), Брајтон (16), Астон Вила (17) и Кристал Палас (20-то место).

Денвер Нагетс ги победија Минесота Тимбервулвс со 142-138 во последниот натпревар од божикќната програма во НБА лигата.

Секоја година, НБА носи неколку спектакуларни натпревари за Божиќ, а мечот што го одиграа Денвер, предводени од Никола Јокиќ и Минесота ќе влезе во аналите на НБА лигата.

Тимот од Колорадо, по едно продолжение, победи со 142:138, а Никола Јокиќ постигна 56 поени со 16 скока и 15 асистенции. Ова е негов 179-ти трипл-дабл во кариерата. Денвер играа без тројца играчи од првата петорка, повредени се Арон Гордно, Кристијан Браун и Кем Џонсон.

„Монструозната“ игра на српскиот центар им ја донесе победата на Нагетс по продолжението. Верувале или не, ова е прв пат во историјата на НБА некој да постигне 55 поени и да има најмалку 15 скока и 15 асистенции. Ова е трет најголем број поени постигнати од кошаркар на Божиќ.

56-те поени на Јокиќ против Минесота, се зад Вилт Чемберлен кој постигна 59 поени во 1961 година и секако живата легенда Бернард Кинг кој постигна рекордни 68 поени на Божиќ 1984 година во дресот на Њујорк Никс.

Јокиќ, голема помош доби од Џамал Мареј со 35 поени и 10 асистенции, додека Тим Хардавеј Џуниор имаше 19, а Спенсер Џонс имаше 12 со 8 скока.

Што се однесува до Минесота, тие беа предводени од Ентони Едвардс со 44 поени, а тој го заврши натпреварот рано поради шест лични грешки. Џулиус Рендл имаше 32 поени, 7 скока и 6 асистенции, додека Џејден МекДениелс запиша 21 поен и 4 скока и асистенции.

Инаку, во текот на натпреваро, во последната четвртина, Минесота надополни негатива од 14 поени, а со тројката на Едвардс, со звукот на сирената избори продолженија.

Минеоста продолжениеот го отвори со девет поени, но тогаш на сцена повторно стави Јокиќ, кој му го донесе на својот тим 22-от триумф во сезоната.