Спорт
Јуве одговорија на новите обвиненија за „маневрите при исплатата“
![](https://makfax.com.mk/wp-content/uploads/2023/04/4586653-1TC0XV-preview.jpg)
Јувентус и официјално одговорија по вестите дека обвинителот на Италијанската фудбалска федерација (ФИГЦ) ја завршил истрагата за таканачените „маневри при исплатата“, по што им се заканува нова казна, потенцијално со дополнителни одземања на поени.
Јуве веќе доби казна од 15 поени за вештачко зголемување на цените на трансферите за да прикажат поголем профит, одлука на која се жалеа, за што ќе добијат одговор на 19 април. Овојпат се работи за посебен случај, за прекршување на одделот 4.1 од спортскиот код околу ферплеј и спортска лојаност. Поточно се работи за ситуација во која клубот им исплаќал на фудбалерите преку спонзорски договори, а официјално објавија дека тие се согласиле за намалување на платите поради пандемијата на КОВИД-19.
„Јувентус смета дека коректно постапуваше по сите интернационални стандарди, и дека не ги прекрши правилата за спортска лојалност. Ние ги доставивме сите потребни документи за истрагата и веруваме дека ќе дојде до фер одлука“, се вели во објавата на Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Грузија елиминирана од Филипини
Кошаркарите на Филипини ја елиминираа Грузија на селекторот Александар Џикиќ од трката за Олимписките игри.
Иако Грузија победи со 96-94 во натпреварот од третото коло од квалификациите за групата Б1.
На Грузија и требаше победа од најмалку 19 бода за да се пласира во полуфиналето на квалификацискиот турнир во Рига.
Во средината на вториот дел избраниците на Џикиќ имаа плус 20 (40:20) и се чинеше дека можат да се пласираат во полуфиналето.
Грузијците паднаа во играта, а Филипини полека но сигурно ја намалуваа предноста за да стигнат до резултат 74:74 во последните 10 минути и потоа рутински да го приведат мечот кон крајот.
Џастин Браунли ги предводеше Филипини со 28 поени, Двајт Рамос постигна 16, Си Џеј Перез 14, а Крис Њусом постигна 13 поени.
Кај Грузија најефикасен беше Александар Мамукеласвили со 26 поени, Гога Битаџе 21, Торнике Шенгелија 17, Џо Томасон 14, Дуда Санадзе 13.
Летонија е победник во групата Б1 и во полуфиналето ќе игра со Филипини. Имињата на ривалите во полуфиналето на двете селекции ќе бидат познати по денешниот дуел помеѓу Бразил и Камерун, чиј расплет го очекува и Црна Гора.
Спорт
Главната цел на Германија е да го освои Европското првенство
![](https://makfax.com.mk/wp-content/uploads/2024/07/kros.jpg)
Фудбалскиот репрезентативец на Германија, Тони Крос изјави дека главната цел на неговиот тим е да ја освои титулата на Европското првенство.
„Со влезот во четвртфиналето на Европското првенство ја постигнавме минималната цел, а главната е победа на турнирот“, изјави Крос.
Тој претходно најави дека по ЕП 2024 ќе стави крај на играчката кариера.
“Ова лето ги играм последните натпревари на фудбалските терени. Сепак, верувам дека крајот нема да биде во петок. Како и сите во нашата репрезентација, верувам во победа против силната Шпанија.
Имаме голема желба да го освоиме европскиот шампионат и мислам дека сме способни да ја освоиме титулата без разлика кој ќе ни биде противник на тој пат. Не е лесно, но имаме амбиција.
Крос одигра 113 натпревари за германската репрезентација и постигна 17 голови.
Натпреварот меѓу Германија и Шпанија е закажан за в петок од 18 часот во Штутгарт.
Спорт
Почеток на подготовките на кадетската репрезентација во кошарка
![](https://makfax.com.mk/wp-content/uploads/2024/07/kosarka.jpg)
Од вчера, „во погон“ е ставена и машка кадетска селекција во кошарка.
Со првиот собир во СРЦ „Кале“, нашиот национален тим „под 16“ години ги започна подготовките за настап на Европското првенство од Дивизијата „Б“ кое од 8. до 17.август ќе се одржи во главниот град.
Селекторот Александар Јованчев и неговиот стручен тим се одлучија за еден поширок список на играчи, поради што првите работни денови ќе бидат и селективни.
Ќе бидат проверени сите повикани кошаркари, и веќе на почетокот на следната седмица, стручниот штаб ќе има и појасна „слика“ за она што следува во наредниот период.
Согласно со планот, првиот дел од подготовките кадетите ќе го одработат во салата на СРЦ „Кале“ во Скопје.
На 14 јули следува гостување во Тиват, каде ќе бидат реализирани две контролни средби против соодветната селекција на Црна Гора.
По враќањето, за 25 јули е закажано учество и на турнирот во Гевгелија, каде е предвидено одигрување на уште три натпревари.
Гевгелија ќе биде втората „база“ на кадетската репрезентација, каде на 3. август, Македонија ќе ги одмери силите со репрезентацијата на Исланд, по што мислите ќе бидат насочени кон Скопје, каде ќе се игра кадетскиот европски шампионат на кој ние сме во улога на домаќини, информираат од КФСМ.