Спорт
Јуве под истрага за тестот за државјанство на Луис Суарез

Италијанските власти потврдија дека ќе отворат истрага за тестот за државјанство на Луис Суарез во септември, со сомнежи дека се работи за нелегална процедура помогната од најмоќните луѓе на шампионот Јувентус.
Суарез беше на тест за италијански јазик на Универзитетот во Перуџа по шпекулациите дека Јувентус сака да го откупи од Барселона, а веќе ја има пополнето квотата на играчи надвор од ЕУ. Овој трансфер не се случи и Суарез на крајот замина во Атлетико Мадрид.
Обвинителството во Перуџа потврди дека ректорот на Универзитетот, Џулијана Греко, директорот на Универзитетот, Симоне Оливиери, и професорите Стефанија Спина и Лоренцо Рока се суспендирани на осум месеци поради објавување професионални тајни.
„Соддржината на тестот предвреме му била дадена на фудбалерот за тој да може да ги исполни условите по барањето на Јувентус за подобрување на личниот имиџ и оној на Универзитетот. На почетокот на септември менаџерскиот тим на Јувентус на највисоко ниво сакал да го забрза доделувањето државјанство на Суарез“, се вели во одлуката на Обвинителството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ: Најдобриот и најлошиот момент во кариерата ми се случија на ОИ

Во интервју со Џеј Шети на Јутјуб, Новак Ѓоковиќ го откри најдобриот и најлошиот момент во неговата кариера. И двата се случиле на Олимписките игри.
„Најдобриот беше кога го освоив златниот медал во Париз минатата година. Дури и подобар од освојувањето на Дејвис купот и освојувањето на првиот Вимблдон затоа што знаев дека може да биде мојата последна шанса. Најлошиот беше во Рио де Жанеиро 2016 година, кога загубив од Хуан Мартин дел Потро во првото коло. Беше многу емотивен меч, сите во публиката ме поддржуваа, бев на врвот на мојата кариера, ги освоив сите четири Гренд слем турнири по ред. Чувствував дека тоа е мојата шанса“, се сеќава Ѓоковиќ.
Во истото интервју, тој откри и што е најтешкото нешто во тенисот:
„Да го победиш Рафаел Надал на Ролан Гарос е најголемиот предизвик што постои во историјата на нашиот спорт. Рафа беше мојот најтежок противник од физички аспект. Битките со него беа неверојатни. Го одигравме најдолгото финале во историјата на Гренд слем турнирите, во Австралија, и се сеќавам кога дојдов во соблекувалната и се соблеков. Моите патики беа полни со крв. Не можев ни да одам. Но, нашите мечеви на земјена подлога беа уште потешки“, рече најдобриот тенисер на сите времиња.
Спорт
Започнува 42. Европско првенство во кошарка

Попладнево со натпреварите во Рига (Летонија) и Тампере (Финска) започнува 42. Европско првенство во кошарка. 24 репрезентации, поделни во четири групи, до 14 септември ќе се борат за трофејот, кој го брани Шпанија.
Турнирот ќе започне во Тампере, каде Литванија ќе се сретне со Велика Британија во 12:30 часот по средно-евроспко време, а кратко потоа Чешка ќе игра против Португалија во Рига, со почеток во 13:45 часот.
Актуелните светски шампиони, репрезентацијата на Германија, ќе го започнат својот Евробаскет против Црна Гора во Групата Б од 15:30 часот.
Ќе учествуваат и две домашни репрезентации, Латвија и Финска. Латвија игра против Турција во 17:00 часот и Финска против Шведска во 19:30 часот.
Денот ќе го затвори првиот фаворит на турнирот, репрезентацијата на Србија, која, ќе игра против Естонија во Групата А од 20:15 часот.
Во четврток, на ред се екипите од групите Ц и Д, кои ќе ги играат своите први натпревари во Лимасол (Кипар) и Катовице (Полска).
Спорт
Црвена звезда го тужи Пафос кај УЕФА

Црвена звезда доживеа елиминација од Пафос во плејофот за Лигата на шампионите, а тренерот Владан Милојевиќ имаше многу емотивна презентација по натпреварот во микс зоната, а потоа и на прес-конференцијата.
Црвено-белите загубија со гол во 90-тата минута за 1:1, а поразот во Белград од 1:2, кој ги однесе Кипарците во елитното натпреварување за прв пат во историјата, беше клучен.
Тренерот Милојевиќ најави тужба во УЕФА против Пафос, поради тепачката и настаните што го испратија целиот натпревар на стадионот „Алфамега“.
„Разочаран сум од она што се случи. Не го очекував она што се случи на крајот. Имаме две деца кои беа претепани. Ќе биде поднесена жалба до УЕФА. Не го очекував ова од кипарската јавност. А особено од луѓето од Пафита“, рече Милојевиќ, како што објавија кипарските медиуми.
Во судиското продолжение, во делот од трибината каде што седеа членовите на делегацијата, како и гостинските играчи кои немаа место во протоколот, имаше голема толпа.
Како што дознаваме, еден од членовите на обезбедувањето го удрил Стефан Лековиќ, по што настана метеж, што спречи натпреварот да се игра три или четири минути во судиското продолжение.
Тензијата потоа се смири, натпреварот продолжи и немаше промена во резултатот.