Спорт
Јуве само со реми против Нант, гол-шоу на Баер и Монако
Јувентус не успеа да направи предност во првиот меч од баражот во Лига Европа, одигрувајќи само 1:1 со Нант на „Алијанц стадионот“, додека Баер Леверкузен на Чаби Алонсо во супер-интересен меч загубија со 2:3 од уште еден француски прволигаш, Монако.
Работите почнаа одлично за тимот на Макс Алегри, откако Федерико Киеза уште во 13. минута успеа да го пронајде Душан Влаховиќ за рано водство. „Старата дама“ не успеа да ги искористи бројните шанси пред голот на гостите во првото полувреме, по што во 60. минута следуваше казната кога Лудовик Блас израмни и осигура позитивен резултат за неговиот тим пред реваншот за една недела.
И тука не помина без контроверзи, откако Јувентус сметаа дека се оштетени што не беше досуден пенал за нив во 96. минута од мечот по играње со рака во шестнаесетникот.
Во Германија, Монако дојде во водство по само девет минути игра по катастрофалната грешка на голманот Лукаш Храдецки, но изгледаше дека бундеслигашот ја осигурил победата кога Дијаби во 48. минута и Вирц во 59. минута стрелаа за Баер. Монако израмни со голот на Крепин Дијата во 74. минута од мечот, пред Аксел Дисаси во 92. минута да ја осигура гостинската победа.
Севилја стигна до убедлив 3:0 триумф над ПСВ Ајндховен, додека Спортинг Лисабон одигра само 1:1 против данскиот Митјиланд.
Во Конференциската лига пак, Лацио, иако играше со 10 играчи од 15-тата минута по црвениот картон за Патрик, стигна до 1:0 побед над романскиот Клуж, благодарение на голот на капитенот Чиро Имобиле во финишот на првото полувреме. Српски Партизан, пак, се враќа со победа од гостувањето во Молдавија кај Шериф од 0:1, благодарение на голот на Рикардо Гомеш.
ЛИГА ЕВРОПА, БАРАЖ, 1.МЕЧ
Баер Леверкузен – Монако 2:3
Јувентус – Нант 1:1
Севилја – ПСВ Ајндховен 3:0
Спортинг Лисабон – Митјиланд 1:1
КОНФЕРЕНЦИСКА ЛИГА ЕВРОПА, БАРАЖ, 1.МЕЧ
АЕК Ларнака – Днпиро-1 1:0
Лацио – ЦФР Клуж 1:0
Лудогорец – Андерлехт 1:0
Шериф Тираспол – Партизан 0:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите дивееја и го прекинаа мечот меѓу Будуќност и Сутјеска
Црногорските спортови се занимаваат со скандали, а нов беше виден во плејофот од локалниот шампионат меѓу Сутјеска и Будучќост.
Тој меч вечерва беше прекинат поради тепачка на навивачите во втората четвртина.
Будуќност водеше со 36:26, кога популарните „Варвари“ влегоа на теренот преку официјалниот влез и почнаа да ги провоцираат домашните навивачи.
Како што пренесува порталот „РТЦГ“, навивачите на Сутјеска одговориле со фрлање столчиња.
Дури потоа реагираше полицијата и ги избрка гостинските навивачи од салата.
Имаше план да излезе и домашната „Војвода“, но Сутјеска одби да го продолжи мечот без своите поддржувачи.
Натпреварот нема да продолжи вечерва, а се уште не се знае каква ќе биде одлуката на Кошаркарскиот сојуз на Црна Гора.
Спорт
Крај на уште една фудбалска љубов, Хесус Навас ја напушта Севиља
Фудбалскиот клуб Севиља денеска соопшти дека капитенот на тимот, Хесус Навас, ќе го напушти клубот по крајот на сезоната.
„Хесус Навас ќе ја напушти Севиља на крајот на сезоната 2023/24 и тоа им го соопшти на клубот, соиграчите и раководството на утринскиот тренинг“, се вели во соопштението на клубот.
Навас помина вкупно 17 години во Севиља, со што доби статус на клупска легенда.
38-годишниот фудбалер одигра 688 натпревари за Севиља во сите натпреварувања и освои четири Лига Европа, два Копа дел Реј, Суперкупот на Европа и Суперкупот на Шпанија.
Хесус Навас прво помина десет години во Севиља, од 2003 до 2013 година, пред да се пресели во Манчестер Сити со кој ја освои Премиер лигата и два Лига купа, пред да се врати во Андалузија во 2017 година.
Со шпанската репрезентација беше светски првак во 2010 година и европски првак во 2012 година, а во 2023 година ја освои Лигата на нации.
Спорт
Роналдо далеку пред конкуренцијата, најмногу заработил во последните 12 месеци
Магазинот „Форбс“ ја објави листата на најплатени спортисти на која доминира Португалецот Кристијано Роналдо со неговиот неверојатен договор во Саудиска Арабија.
Кристијано Роналдо е неприкосновен со 260 милиони долари годишно, 200 милиони добива од Ал-Наср, а останатите 60 милиони се од спонзорските договори.
Португалецот по четврти пат во кариерата е лидер на листата на најплатени спортисти во светот, овојпат најубедливо благодарение на дарежливите Саудијци.
Втор на листата е голферот Џон Рам (218 милиони), трет Лионел Меси (135 милиони), четврти Леброн Џејмс (128,2 милиони).
На петтото место е предводникот на Милвоки Бакс, Јанис Антетокунмпо, кој во последните 12 месеци инкасира 111 милиони долари, од кои 46 милиони се од договорот со Бакс, а останатите од спонзори.
Во првите десет играчи кои најмногу заработиле во последните 12 месеци се и Килијан Мбапе (110 милиони), Нејмар (108 милиони), Карим Бензема (106 милиони).
Интересно, трикратниот МВП на НБА лигата, Никола Јокиќ се наоѓа на 32. на оваа листа.
Заработил 56,1 милиони долари, од кои најголем дел се од договорот со Денвер (48,1), додека остатокот е од спонзорства.
Најдобриот и најтрофеен тенисер во историјата Новак Ѓоковиќ очекувано овојпат не е ни воТтоп 50 бидејќи го ограничи бројот на турнири на кои учествуваше, а и таму каде што играше не се прослави.
Лука Дончиќ е 34-ти на листата со заработка од 55,1 милиони долари.
Пред Јокиќ и Дончиќ се Џоел Ембиид (30 место – 57,7 милиони) и Џими Батлер (31 место – 57,5 милиони).
Комплетната листа на „Форбс“ на најплатените спортисти во изминатите 12 месеци можете да ја погледнете ТУКА.