Спорт
Јуве со десетминутна шок-терапија за Рома, Заниоло со посериозна повреда (видео)
 
																								
												
												
											Јувентус се врати на првото место во италијанската Серија А, откако на гостувањето на „Олимпико“ за само десет минути ја суреди Рома за 2:1 победа. Со трите поени, Јувентус има 48 поени, два повеќе од Интер на второто место, додека Рома е петта со 35 поени.
Веќе во третата минута од мечот, по асистенција на Пауло Дибала, Мерих Демирал најдобро се снаоѓа во противничкиот шестнаесетник и носи предност за „бјанконерите“. Во деветтата минута Жордан Верету успева поради невнимание да ја загуби топката од Пауло Дибала, по што несмасно го фаулира за да биде досуден пенал, кој Кристијано Роналдо сигурно го изведува.
? Nicolò Zaniolo taken for tests. Initial reports: ACL injury to the right knee. Could be operated tomorrow. #RomaJuve
Massive blow for Roma & Italy. Youngster would almost certainly miss EURO 2020 ? pic.twitter.com/aFtZH4UJmT
— Adriano Del Monte (@adriandelmonte) January 12, 2020
Покрај ова, првите 45 минути ги одбележуваат и посериозните повреди на двајца фудбалери. Демирал во 19. минута се повредува и е заменет од Матијс де Лихт, додека младиот Николо Заниоло заминува од натпреварот на носилки во 34. минута и е заменет со Ченгиз Ундер. Се верува дека тој ги има скинато лигаментите на коленото, што ќе значи сигурна операција и подолга пауза, поради што речиси сигурно ќе го пропушти Европското првенство во текот на летото.
Диего Пероти внесува малку жар во последните дваесет минути на „Олимпико“, откако од пенал намалува на 1:2 во 68. минута од мечот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Микел: Салах беше многу блзок со Жота, затоа денес не личи на себе
 
														Поразот на Ливерпул од 3:2 кај Брентфорд ги остави актуелните шампиони седум бода зад лидерот во Премиер лигата, Арсенал, што покренува сомнежи за нивниот успех во одбраната на титулата.
Поранешниот играч од средниот ред на Челзи, Џон Оби Микел, верува дека проблемите на тимот се поврзани со емоционалните последици од трагичната смрт на Диого Жота во сообраќајна несреќа минатиот јули.
Зборувајќи во подкастот „The Obi One“, Микел рече дека смртта на Жота длабоко го погодила тимот, особено Мохамед Салах, кој бил особено близок со Португалецот. Тој нагласи дека фудбалерите поминуваат голем дел од своите животи заедно и дека загубата на соиграчите остава трајни емоционални лузни кои влијаат на перформансите.
„Не смееме да заборавиме дека во клубот се случи голема трагедија што никој не ја очекуваше. Како фудбалери, поминуваме повеќе време со нашите соиграчи отколку со нашите семејства бидејќи сме заедно во соблекувалната секој ден.
Загубата на толку важна личност секогаш ќе остави трага врз играчите. Не е важно колку добро ја започнале сезоната или колку се талентирани – нешто такво ве погодува емотивно и останува со вас.
Според мене, што и да се случува во клубот во моментов, емоциите се сè уште многу свежи. Кога ќе го погледнете Салах, кој беше многу близок со Жота, можете да видите дека тој е само бледа сенка од играчот што беше минатата сезона. Затоа мислам дека мора да бидеме повнимателни и поразбирливи кога го критикуваме овој тим на Ливерпул.“
Спорт
(Видео) Епски пресврт на Палмеирас – „Зелените“ ќе се борат за трофејот во Копа Либартадорес
 
														Палмеирас и Фламенго ќе се борат за титулата во јужноамериканска Лига на шампиони, наречена Копа Либертадорес.
Палмерира на спектакуларен начин избори пласман во финалето. Успеа да надомести минус од три гола против ЛДУ Кито. Бразилскиот тим победи со 4:0.
ЛДУ Кито сензационално елиминира два бразилски тима во нокаут фазата – Ботафого и Сао Паоло, и беше на работ на третата сензација, но се случи „чудо“.
Еквадорците направија големо изненадување во првиот натпревар и славеа со 3:0, па Палмеирас имаше тешка задача.
Рамон Соса го доведе домашниот тим во водство во 20-та минута, а длабоко во судиското продолжение од првото полувреме, Бруно Фукс постигна гол за 2:0. Второто полувреме донесе жестоки напади на домашниот тим, кои вродија со плод и донесоа новхерој.
Рафаел Вега, клупска икона која е во овој клуб речиси една деценија, постигна два гола за голема победа на Палмеирас.
South American fans are built different, the Copa Libertadores will forever be the best atmosphere in club soccer.
Bravo Palmeiras 🇧🇷 fans, bravo. One of the best fans in the World.
pic.twitter.com/xk8xZrNK5w— Tactical Manager (@ManagerTactical) October 30, 2025
Финалето на Копа Либертадорес е закажано за 29 ноември на стадионот Монументал во Лима (Перу).
Копа Либертадорес и седма година по ред за шампион ќе има бразилски тим, што доволно зборува за супериорноста на Бразилците во однос на најголемите ривали Аргентинците во последните години. Последниот аргентински шампион беше Ривер Плата во 2018 година, а потоа следеа по две титули на Палмеирас и Фламенго, и по една Флуминенсе и Ботафого.
Спорт
Вембањама го „олади“ Мајами, Оклахома лесно со Вашингтон
 
														Сан Антонио и Оклахома запишаа нови победи во НБА лигата. Сан Антонио го бележи најдобриот страт на една сезона во историјата на франшизата, пет победи во исто толку натпревари. Шест победи во шест натпревари има актуелниот првак Оклахома.
Сан Антонио Спарс славеа во суелот со Мајами Хит 107:101. Виктор Вембањама ги предводеше „Мамузите“ до нивната петта победа во исто толку натпревари со 27 поени, 18 скока, 6 асистенции и 5 блокади. По него следеше Стефон Касл со 21 поен и 8 асистенции. Кај Хит, Бем Адебајо блескаше со 31 поен и 10 скока, но тоа не беше доволно за Мајами да се оддалечи од четвртиот изедначен триумф.
Шампионот Оклахома Тандер рутински го победи Вашингтон со 127:108 и ја забележа шестата победа во исто толку натпревари. Шеј Гилџес Александар имаше 31 поен и 7 асистенции, а Џо и Мичел постигнаа по 20. Кај Вашингтон, Си-Џеј Меколум се истакна со 19.
Милвоки го победи Голден Стејт со 120:110 и без Јанис Антетокумпо (проблеми со коленото), а Ролинс го одигра најдобриот меч во кариерата со 32 поени. Орландо беше подобар од Шарлот на гостински терен со 123:107, а најдобри актери беа главните ѕвезди на тимот Франц Вагнер со 21 и Паоло Банкеро со 20 поени.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											