Спорт
Јуве со нов пораз во ЛШ, спектакуларен гол на Халанд против „својата“ Борусија
Јувентус го забележа и вториот пораз во второто коло во новата сезона од Лигата на шампионите, откако дома беа поразен од Бенфика со 1:2, додека Ерлинг Халанд „удри“ против својот поранешен клуб Борусија Дортмунд со неверојатен гол за 2:1 победа на Манчестер сити.
Во интересната вечер во ЛШ видовме и луда пенал-драма на Наполи кај Глазов Ренџерс, тесна победа на Реал Мадрид над Лајпциг, како и 1:1 реми на Челси против Салцбург во првиот меч на Греем Потер на клупата на „сините“.
На „Етихад“ не тргна најдобро за тимот на Пеп Гвардиола, откако големиот англиски талент Џуд Белингем ги донесе Борусија во водство во 58. минута од мечот, но во 80. минута, Џон Стоунс постигна редок гол за да израмни на 1:1, пред само две минути подоцна, Халанд со „акробатски“ гол да донесе 2:1 победа.
Јувентус пак, по можеби очекуваниот пораз од ПСЖ, доживеа домашен пораз од Бенфика, иако го имаше водството. Аркадијуш Милик уште во четвртата минута даде гол за „бјанконерите“, пред Бенфика да израмнат од пенал во финишот на полувремето преку Жоао Марио, за Давид Нереш да обезбеди триумф за гостите во 55. минута. ПСЖ, пак, иако губеше на гостувањето кај Макаби Хаифа се врти со двата гола на Нејмар и еден на Лео Меси за 3:1 победа.
Шампионот Реал Мадрид со 2:0 ги совлада РБ Лајпциг со голот на Феде Валверде во 80. минута и на Марко Асенсио во 91. минута, додека Наполи ја продолжи одличната серија со 0:2 победа кај Ренџерс. Во Глазгов, за малку трагичар ќе беше Пјотр Зиелински. Тој во 59. минута, успеа да промаши два пенали во низа (односно повторен пенал), за во 68. минута, кога беше досуден нов пенал за тимот на Елиф Елмас, одговорноста да ја преземе Матео Политано и да биде прецизен. Џакомо Распадори и Танги Ндомбеле во финишот на мечот ја потврдија победата со уште два гола.
ЛИГА НА ШАМПИОНИ
ГРУПА А
Глазгов Ренџерс – Наполи 0:3
ГРУПА Б
Челси – Ред бул Салцбург 1:1
ГРУПА Ф
Реал Мадрид – РБ Лајпциг 2:0
ГРУПА Г
Копенхаген – Севилја 0:0
Манчестер сити – Борусија Дортмунд 2:1
ГРУПА Х
Јувентус – Бенфика 1:2
Макаби Хаифа – Пари Сен-Жермен 1:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пјастри го освои спринтот во Катар пред Расел и Норис
Оскар Пјастри го освои спринтот на патеката „Лосаил“, во пресрет на утрешната Голема награда на Катар. Австралиецот оствари хет-трик во спринтот на оваа патека, победи и претходните две сезони. Пјатри, до победата дојде пред возачот на Мерцедес, Џорџ Расел и тимскиот колега, Ландо Норис.
Апсолутно никакви возбудувања не донсе спринтот во Катар. Првите тројца ги задржаа своите позиции, напредуваше, што беше и очекуано, Макс Ферстапен од шестото на четвртото место.
Во текот на трката, Андреа Кими Антонели успеа да ја поправи својата позиција, стартуваше седми, заврши на шестото место.
Бодови покрај најдобрите тројца, односно Ферстапен и Цунода, освоија и Антонели (Мерцедес), Фернандо Алонсо (Астон Мартин) и Карлос Саинц (Вуилијамс).
Вечерва од 19.30 часот, на програмата се квалификациите за главната трка. Големата награда на Катар се вози утре од 17 часот.
Во генералниот пласман води Норис со 396 поени, има 22 поени повеќе од Пјастри и 25 од Ферстапен. Доколу Норис утре победи ќе ја освои шампионската титула.
Foto/ EPA
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.

