Спорт
Јувентус му го продолжиле одморот на Дибала
Челниците на Јувентус му биле лути на Паоло Дибала бидејќи тој одбива да се пресели во Манчестер Јунајтед, поради што му го продолжиле одморот за уште неколку дена, пишуваат италијанските медиуми.
„Ла Хоја“, вечера се вратил во Торино, меѓутоа не се упатил кон клупскиот центар, ниту пак се појавил на медицинските прегледи за новата сезона. Разговорот што требало да го има со тренерот Маурицио Сари наводно бил одложен за денес.
Челниците решиле да му го продолжат одморот, а италијанските медиуми иронично коментираат дека тие му оставиле простор за размислува.
Дибала бил лут бидејќи зад неговиот грб Јувентус со Манчестер Јунајтед ја договориле размената, тој да се пресели на „Олд Трафорд“, а во Торино да пристигне Ромелу Лукаку.
Јунајтед сакаат час поскоро да го завршат трансферот бидејќи преодниот рок во Англија завршува за една недела.
Наводно Дибала побарал од Јунајтед годишна плата од 14 милиони евра, само за да ги одбие „црвените ѓаволи“. Исто така тој не сакал да оди во Манчестер бидејќи клубот нема да игра во Лигата на шампионите.
Некои аналитичари во Италија коментираат дека тој не сака да игра за Манчестер Јунајтед, но дека не би размислувал ниту една секунда доколку добие покана од Ливерпул или Манчестер сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.