Спорт
Јувентус по само три месеци сака да се ослободи од Даглас Луиз
Бразилскиот играч за врска Даглас Луиз (26) минатото лето пристигна од Астон Вила во Јувентус за 52 милиони евра.
Во Астон Вила одигра одлична сезона каде запиша десет гола и асистенции.
Се очекуваше дека ќе продолжи да игра добро во Јувентус, но моментално е далеку од својата најдобра форма и од место во првиот тим.
Луиз досега има осум настапи за тимот на Тиаго Мота, а само еднаш беше стартер. Одигра скромни 222 минути во Серија А и Лигата на шампионите, а на последните два натпревари направи два пенали.
Кај Лајпциг при пресвртот на Јувентус 3:2 неговиот кикс на крајот не ја чинеше скапо „Старата дама“, но затоа во неделата значително го оштети тимот на Торино.
Јувентус неочекувано одигра 1:1 против Каљари во Торино, а на крајот од натпреварот Луиз со несмасе фаул направи пенал, од кој гостите извадија бод.
„Тутоспорт“ пишува дека Мота не се сомнева во техничките квалитети на повремениот бразилски репрезентативец.
Проблемот е во интензитетот на неговата игра бидејќи Мота бара високо темпо и многу трчање во двата правци од сите играчи.
Луиз досега не може да го исполни и затоа е на втор план.
Јувентус ќе му даде време до јануари, а потоа ќе одлучи за неговиот статус.
Според „Трансфермаркт“, Луиз моментално вреди 75 милиони евра, но тешко дека Јуве ќе може да извлече толку пари со оглед на неговата моментална форма.
Бразилецот претходно играше за Манчестер сити, Џирона и Васко де Гама.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иниеста: Мислев дека овој ден никогаш нема да дојде
Поранешниот шпански репрезентативец Андрес Иниеста во Барселона изјави дека му се исполнил сонот да стане фудбалер и додаде дека планира да стане тренер, пренесуваат шпанските медиуми.
Иниеста денеска и официјално се прости од фудбалот на церемонија во Барселона.
„Мислев дека овој ден никогаш нема да дојде. Овие солзи што ги гледате не се поради тага. Ова се солзите на едно дете од Фуенталбиља, кое сонуваше да стане фудбалер. И јас го остварив тој сон, со многу жртви. Не се откажав“, изјави Иниеста.
На церемонијата присуствуваа поранешните соиграчи на Иниеста и првиот тим на Барселона предводен од тренерот Ханси Флик и претседателот на клубот Џоан Лапорта.
„Семејството, сестрата и родителите отсекогаш ми биле движечка сила. Тие беа покрај мене, ми дадоа се. Денеска имам одлично семејство, сопругата и децата се мојата инспирација”, додаде поранешниот играч на Барселона.
Иниеста (40) кариерата ја започна во Албасете, а потоа играше за Барселона од 1996 до 2018 година. Со каталонскиот клуб освои 29 трофеи. Потоа играше за Кобе од 2018 до 2023 година, а минатата сезона беше член на клубот Емирати од ОАЕ.
„Ла Масија ме промени засекогаш. Тоа е најдоброто место каде што можев да напредувам. Доаѓањето во Барселона беше сон, бев на најдоброто можно место. Имав чест да го гледам „Ноу Камп“ секој ден, а потоа да играм на тој терен. Најдобриот период го поминав во Барселона. Уживавме во клубот и играчите и навивачите, не можам да ги заборавам соиграчите и тренерите од тој период.“ – вели Иниеста.
Иниеста за шпанската репрезентација од 2006 до 2018 година одигра 131 натпревар и постигна 13 голови. Со репрезентацијата на Шпанија го освои Светското првенство во 2010 година и Европското првенство во 2008 и 2012 година.
„Мојата приказна во репрезентацијата започна на 15 години. Сите тие тренинзи, соиграчи со кои играв..Им благодарам на сите што ги запознав. Ја имав привилегијата да бидам во националниот тим во неговиот најславен период”, изјави поранешниот шпански репрезентативец.
Тој најави дека планира да стане тренер.
„Не можам да бидам далеку од фудбалот. Тоа беше и ќе биде мојот живот. Мотивиран сум да бидам тренер. Би сакал да можам да играм до 90 години, но среќен сум бидејќи го исполнив сонот да бида фудбалер“, заклучи Иниеста.
Спорт
Реал му одаде признание на Иниеста: Тој гол ќе се памети засекогаш
Легендарниот Андрес Иниеста објави крај на кариерата, а Реал Мадрид, најголемиот ривал на Барселона, каде Иниеста настапуваше 16 години, му оддаде почит на еден од најдобрите шпански фудбалери на овој век.
Во соопштението на „кралскиот клуб“, по повод официјалното пензионирање на Иниеста се наведува: „Реал Мадрид, неговиот претседател и раководството на клубот сакаат да и оддадат признание и восхит на една од најголемите легенди на шпанскиот и светскиот фудбал.
Андрес Иниеста го збогати спортот со својата игра и вредности, со сите трофеи што ги освои во текот на кариерата.
Неговиот славен гол во финалето на Светското првенство во 2010 година засекогаш ќе остане во сеќавањето на секој шпански навивач.
Реал Мадрид нему и на неговото семејство му посакува се најдобро во ова ново поглавје во животот“.
Спорт
(Видео) Тијафо испадна од Сафиулин, па со пцовки го „честеше“ судијата во Шангај
Новак Ѓоковиќ утре против Роман Сафиулин ќе се бори за пласман во четвртфиналето на турнирот во Шангај. Ѓоковиќ за помалку од еден час го прегаси Италијанецот Флавио Коболи со 6:1, 6:2, а Сафиулин забележа победа над Френсис Тијафо 7:5, 5:7, 6:7.
Тај-брејкот во решавачкиот сет меѓу Сафиулин и Тијафо имаше бурна завршница.
При резултат 5:5 и сервис на Американецот, судијата му го одзеде првиот сервис на Тијафо бидејќи го надмина дозволеното време, по што следеше кратка дискусија.
Тоа скапо го чинеше американскиот тенисер кој ги загуби следните два поени, па Сафиулин го доби мечот.
Тијафо, видно нервозен, откако му честиташе на противникот, не сакаше да се поздрави со судијата, туку го почести со пцовки:
„Е.и сечовеку, е.и се“, викаше Американецот.
Francis Tiafoe shouts ‘F•ck you’, seriously ‘F•ck you man’ to the umpire at the end of the match against Roman Safiullin. pic.twitter.com/gn0OMCSjn6
— edgeAI (@edgeAIapp) October 8, 2024