Спорт
Јувентус пријави загуба од „само“ 123 милиони евра
Фудбалскиот клуб Јувентус се уште минува низ турбулентен финансиски период, кој меѓу другото е последица и на неиграњето во Лигата на шампионите.
Клубот од Торино најави загуби од 123 милиони евра за сезоната 2022/2023.
Одговорот на овие загуби беше вообичаен: големо зголемување на капиталот на Eксор, холдинг-компанијата на семејството Ањели – 200 милиони. Ова е трето зголемување на капиталот во последните четири години, по 300 милиони во 2019 година и 400 милиони во 2021 година.
И покрај лошата финансиска слика, всушност е многу подобра отколку пред една година кога клубот имаше загуба од 239,3 милиони евра.
„Ова намалување е резултат и на елиминацијата на негативните ефекти од пандемијата, и од активностите за рационализација на трошоците и развој на приходите што беа започнати во претходните периоди и продолжија во финансиската 2022/2023 година“, се вели во соопштението на италијанскиот клуб. .
Да потсетиме, минатата сезона Јувентус беше казнет со одземање бодови поради финансиски малверзации поради што не успеа да се пласира во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дончиќ ги честеше соиграчите и вработените во ЛА Лејкерс
Лука Дончиќ реши да им оддаде почит на своите соиграчи и вработени во Лос Анџелес Лејкерс пред Божиќ. Словенечката мегаѕвезда купи 103 електрични велосипеди и им ги подари на луѓето во клубот, а Лејкерси објавија видео во кое можете да видите како играчите на Лејкерси реагираа на тоа.
„Тој купи подароци за сите во кошаркарските операции, мислам дека имаше вкупно 103 подароци. Многу, многу квалитетен електричен велосипед, па со нетрпение очекувам да возам до плажа. Едвај чекам. Навистина убав гест од него. Момците навистина уживаа“, рече Џеј Џеј Редик, тренер на Лејкерси.
The squad loved Luka's Christmas gift 🙌 pic.twitter.com/xJf5WiQcnc
— Los Angeles Lakers (@Lakers) December 17, 2025
Велосипедот што Дончиќ им го подари на своите соиграчи е „Pedal All-Wheel Drive S“, кој моментално се продава за 3350 долари (околу 2860 евра) по парче.
На другите вработени им подари малку поевтин „Pedal H/T“, чија цена е 2250 долари (околу 1920 евра). Според таа пресметка, се проценува дека Дончиќ потрошил вкупно околу 300 илјади долари, или околу 250 илјади евра, за велосипеди.
Ова не е прв пат Дончиќ да им подарува електрични велосипеди на соиграчите и другите вработени во клубот за Божиќ. Тој го стори истото пред две години кога сè уште беше играч на Далас Маверикс.
Спорт
Маж осуден на 21 година затвор за нападот на парадата во Ливерпул
Британец кој со автомобилот се заби во навивачите на Ливерпул за време на прославата на титулата во Премиер лигата во мај 2025 година е осуден на 21 година и шест месеци затвор.
Пол Дојл, татко на три деца од Крокстет и поранешен член на Кралските маринци, повреди 134 лица, вклучувајќи осум деца, за само две минути кога со автомобилот се заби во толпата.
Овој 54-годишен маж е осуден на 21 година и шест месеци затвор откако призна 31 точка од обвинението за инцидентот.
Судот ги потврди тврдењата на полицијата дека Дојл го користел својот автомобил „како оружје“ во напад на бес на парадата на победата на 26 мај.
Дојл се бранеше велејќи дека бил „во паника“, кога се случил инцидентот, плашејќи се за својот живот, но снимките од неговата камера на автомобилот, како и снимките од безбедносните камери, покажаа дека го изгубил трпението и намерно возел „низ луѓе“ во напад на бес.
Полицијата во Мерсисајд го опиша фактот дека никој не е убиен во нападот како чудо.
Foto/ depositphotos
Спорт
Милевски и Барди гласаа за Дембеле
Фудбалерот на Пари Сен Жермен и француската репрезентација, Усман Дембеле, беше избран за најдобар фудбалер во светот во 2025 година во изборот на ФИФА (The Best FIFA Football Awards). Селекторите и капитените на селекциите, членки на ФИФА право да дадат по три имиња за секоја категорија (најдобар фудбалер, тренер, голман…).
Дембеле ги обедини двете најважни награди откако ја освои и „Златната топка“ во септември. Сега веќе поранешниот селектор на Македонија, Благоја Милевски и капитенот Енис Барди, на своите листи на првото место го имаа лауреатот Дембеле.
Милевски на првите три места ги стави Дембеле, неговиот соиграч од ПСЖ Витиња, и ѕвездата на Барселона Ламин Јамал. Барди својот глас им го даде на Дембеле, Јамал и Нуно Мендеш.
Погледнете како гласаа останатите селектори и капитени од регионот:
Сергеј Барбарез (селектор на БиХ): Кејн, Дембеле, Мбапе
Един Џеко (капитен на БиХ): Дембеле, Јамал, Салах
Златко Далиќ (селектор на Хрватска): Дембеле, Салах, Педри
Лука Модриќ (капитен на Хрватска): Витиња, Дембеле, Јамал
Мирко Вучиниќ (селектор на Црна Гора): Мбапе, Дембеле, Кејн
Стеван Јоветиќ (капитен на Црна Гора): Јамал, Мбапе, Дембеле
Матјаж Кек (селектор на Словенија): Дембеле, Јамал, Витиња
Јан Облак (капитен на Словенија): Дембеле, Рафиња, Јамал
Foto/ arhiva, Topsport

