Спорт
Кадена СЕР: Реал му поставил ултиматум на Мбапе
Доколку Килијан Мбапе (24) одлучи да го продолжи договорот со Пари Сен Жермен на најмалку една година, засекогаш ќе биде избришан од списокот на засилувања на Реал Мадрид, објави мадридско радио „Кадена СЕР“.
Станицата која заедно со „Марка“ и „Ас“ ги има најсигурните извори на стадионот „Сантијаго Бернабеу“ и во својата програма редовно ги вклучува функционерите на славниот клуб, меѓу кои и претседателот Флорентино Перез, денеска објави дека во Мадрид се свесни за преговорите што Мбапе ги води со ПСЖ, за продолжување на соработката и дека Перез и неговите соработници донесоа голема одлука дека нема да платат ниту цент за играчот што го чекаат две години.
Толку долго што во сезоната 2023/24 тренерот Карло Анчелоти доби опција да игра или без напаѓач или со Хоселу или Брахим Дијаз.
Мбапе минатата пролет го известил претседателот на Пари Сен Жермен Насер Ал Хелаифи дека нема да го продолжи договорот со клубот. Му соопшти или да го продаде или да замине како слободен играч во наредниот преоден рок. Поради ова челниците на Реал решија да не донесат замена за Карим Бензема.
Потценување е да се каже дека писмото на Мбапе не беше добро прифатено во Париз, започна контраофанзива, играчот извесно време тренираше одвоено од тимот, но двете страни во меѓувреме бараат „заедбички јазик“.
Реал Мадрид многу паментоно врши смена на генерациите, ги продолжи договорите со Винисиус, Родриго, Едер Милитао и Камавинга. Минатото лето клубот го ангажираше Џуд Белингем и сега според планот на Перез недостаува уште само Мбапе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024