Спорт
Кајри Ирвинг ја слави победата на Ѓоковиќ во Њујорк
Кошаркарот на Далас Маверикс, Кајри Ирвинг, на Новак Ѓоковиќ му „честиташе“ за победата на Ју-ес опен. Ирвинг уште еднаш ја искористи можноста да го искаже својот став за пандемијата на коронавирусот.
Иако беше суспендиран и не можеше да игра НБА натпревари бидејќи не сакаше да се вакцинира, Ирвинг не се откажа од идејата и противењето на вакцинацијата. Сега преку социјалните мрежи се радуваше преку примерот на Ѓоковиќ.
Српскиот ас го освои Ју-ес опен на кој лани не играше, бидејќи како невакциниран странски државјанин не доби виза за влез во САД.
„Невакцинираниот Новак Ѓоковиќ го освои Ју-ес опен. Тој победи и ние ќе победиме“, напиша Ирвинг на Инстаграм.
Kyrie Irving postou uma sequência de stories hoje
Uma sobre o Djokovic
"O não vacinado Novak Djokovic venceu o US Open"
"E nós vamos vencer também"
E depois também uns reels sobre teoria da conspiração pic.twitter.com/1vWxku5RLh
— NBA do Povo 🏀🇧🇷 (@NBAdoPovo) September 13, 2023
Во септември 2021 година, официјалните лица на НБА ги предупредија Бруклин Нетс, за кои играше Ирвинг во тоа време, дека на невакцинираните играчи може да им биде забрането да играат на домашен терен поради прописите за вакцинација во Њујорк.
Подоцна тоа се случи, Кајри Ирвинг не можеше да игра натпревари на домашен терен бидејќи не сакаше да го открие статусот на вакцинација, додека можеше да тренира со тимот во центарот на ХСС, кој се смета за приватна сопственост на Нетс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.
Спорт
Вардар 1961 лесно славеше во дербито со Еурофарм Пелистер
Вардар 1961 го доби првото дерби во првенствот против Еурофарм Пелистер оваа сезона. Црвено-црните во Скопје славеа со 27:24 (15:11).
Првото полувреме, во кое Вардар1961 одигра речиси беспрекорно во одбраната, со која диригираше голманот Еспиња, му ја трасираше победата на домашниот тим. Еспиња во првото полувреме забележа седум одбрани, а сето тоа го зачини во финишот на второто полувреме кога одбрани два седмеци (Радивијевиќ, Кузмановски) и ги спречи играчите од Битола да внесат неизвесност во натпреварот.
Вардар 1961 прв пат се одлепи од протиникот во десеттата минута кога стекна предност од три гола (5:2, 6:3). На десет минути до крајот на првиот дел црвено-црните дојсоа до највисоката предност 11:6.
Првата половина од вториот дел им припадна на играчите на Пелистер, во 45.минута се доближија на гол негатива (20:19). Црвено-црните експресно се консилидираа и со серија 5:2 го одбија нападот на противникот.
Марко Срдановиќ го предводеше Вардар 1961 со осум гола, три помалку постигна ветеранот Гоце Георгиевски. Кај Пелистер најдобри беа репрезентативците Никола Митревски со десет одбрани и Филип Кузмановски зсо седум гола.