Спорт
Како да го уништиш својот тим? Прашајте го Ламкел Зе! (видео)
Еден од најбизарните бараж-мечеви за влез во Лига Европа се одигра вечерва во Белгија, откако Антверпен по првите 90 минути одигра 1:1 со соседите од Холандија, АЗ Алкмар, за потоа во продолжението да загубат со 1:4. Главниот виновник? Според многумина напаѓачот Дидие Ламкел Зе.
Првиот меч во Холандија заврши 1:1, а задачата на домаќините стана потешка откако Мбокани доби втор жолт картон во 35. минута и го остави Антверпен со играч помалку. За „среќа“ Ламкел во 74. минута постигна гол за 1:0 водство, кое го водеше неговиот тим во групната фаза, но тој реши да го прослави голот со соблекување и покажување на дресот, по што судијата му даде втор жолт картон и го остави Антверпен со два играчи помалку.
Antwerp are down to ten men and clinging on to an away goals victory against AZ.
Lamkel Ze scores to put them in front and then takes his shirt off to get a second yellow card.
AZ equalise in the last minute.
Even Richarlison can’t live up to that. pic.twitter.com/BziCakVwCO
— Sam Street (@samstreetwrites) August 29, 2019
Резултатот? АЗ Алкмар прво израмни со гол во 90-тата минута, а потоа ги „фати“ на умор деветте фудбалери на Антверпен и им уфрли уште три гола за пласман понатаму.
ЛИГА ЕВРОПА, БАРАЖ, 2.НАТПРЕВАР
Спартак Москва (Рус) – Брага (Пор) 1:2, прв натпревар 0:1, вкупно 1:3
Антверпен (Бел) – АЗ Алкмар (Хол), 1:1, 1:4 продолженија, прв натпревар 1:1, вкупно 2:5
Хапоел Бер Шева (Изр) – Феенорд (Хол) 0:3, прв натпревар 0:3, вкупно 0:6
Трабзонспор (Тур) – АЕК (Грц) 0:2, прв натпревар 3:1, вкупно 3:3, Трабзон има повеќе голови на гости
Дуделанж (Лук) – Арарат-Арменија (Ерм) 2:1, 5:4 пенали, прв натпревар 1:2, вкупно 4:4.
Ференцварош (Унг) – Судува (Лет) 4:2, прв натпревар 0:0, вкупно 4:2
Риека (Хрв) – Гент (Бел) 1:1, прв натпревар 1:2, вкупно 2:3
Марибор (Сло) – Лудогорец (Буг) 2:2, прв натпревар 0:0, вкупно 2:2, Лудогорец има повеќе голови на гости
Ајнтрахт Франкфурт (Гер) – Стразбур (Фра) 3:0, прв натпревар 0:1, вкупно 3:1
Ренџерс (Шко) – Легија (Пол) 1:0, прв натпревар 0:0, вкупно 1:0
Вулверхемптон (Анг) – Торино (Ита) 2:1, прв натпревар 3:2, вкупно 5:3
Гимараеш (Пор) – ФЦСБ (Ром) 1:0, прв натпревар 0:0, вкупно 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лука Јовиќ сепак ќе остане во Милан
Српскиот репрезентативец Лука Јовиќ ќе остане во Милан до крајот на сезоната, открија италијанските медиуми.
Италијанскиот весник „Тутоспорт“ објави дека Монако и Монца, односно Спартак Москва покажале интерес за 27-годишен напаѓач, но нивните понуди биле одбиени.
Тренерот на „росонерите“ Серж Консеисао во разговор со српскиот фудбалер истакнал дека е задоволен од она што го покажува на тренинзите и му ветил шанса во остатокот од сезоната.
Јовиќ е член на тимот на Милан од септември 2023 година, а неговиот договор истекува на 30 јуни годинава.
Спорт
Нејмар потврди дека се враќа во Сантос
Прашање на време е кога Нејмар и официјално ќе се врати во Сантос. Фудбалерот неодамна го раскина договорот со Ал Хилал.
Нејмар во последните месеци не крие дека сака да се врати во Сантос. Бразилецот објави интересно видео кое е краток преглед на неговата кариера. Во него тој откри дека ќе потпише договор со Сантос.
„Се чувствувам како времето да се вратило назад. Овде сум со пријателите и семејството, кои веќе ја знаат мојата одлука да потпишам за Сантос, со што се исполни мојата голема желба. Како вчера да беше кога пред 12 години го напуштив Сантос. Моите чувства кон клубот и навивачите никогаш не се сменија“, рече Нејмар во видео пораката.
Нејмар последните 18 месеци беше во Ал Хилал, но одигра само седум натпревари за клубот. Неодамна го раскина договорот и доби 62 милиони евра. Помеѓу Сантос каде што ја започна фудбалската кариера и Ал Хилал играше и за Барселона и Пари Сен Жермен, а сè уште го држи рекордот за најголем трансфер, кога Пари Сен Жермен во 2017 година плати 222 милиони евра.
🤍🖤 🇧🇷 pic.twitter.com/iuZZ2ggE1J
— Neymar Jr (@neymarjr) January 30, 2025
Спорт
Дувњак: Сега можам да се пензионирам
Хрватскиот ракометар Домагој Дувњак беше особено емотивен по победата над Франција и изборениот пласман во финалето на Светското првенство.
Хрватската ракометна репрезентација одигра брилијантен натпревар, во преполната Арена Загреб, избраниците на Дагур Сигурдсон ја совладаа Франција со 31:28.
„Голема благодарност до момците и прекрасната публика. Она што го одигравме денес беше совршенство во одбраната. Срцето ќе ми пукне. Всушност, шокиран сум што овие млади момци одиграа храбро и паметно. Среќен сум поради нив. Се надевам дека нема да чекаме толку долго за следниот медал.
Неверојатно е колку проблеми имаме во текот на целиот турнир. На крајот никој не се пожали. Се плашев дека ќе изгорат. Се восхитувам колку паметно одиграа. Како да имаат не знам колку години искуство. Хрватскиот ракомет има иднина. Мене светот ми се распадна по натпреварот против Аргентина.
Благодарност до тренерот што иако сум повреден ме трпи на клупата. Можам мирно да ја напуштам репрезентацијата. Ова е победа за сите луѓе кои не поддржуваат. Јас сум пресреќен. Ќе бидеме подготвени за финалето“, изјави Дувњак.