Спорт
Како Мет Базби и Французите се виновни што Манчестер јунајтед се „црвени ѓаволи“
Манчестер јунајтед одамна го носи прекарот „Црвени ѓаволи“, но тоа не е најстариот прекар кој го имал славниот клуб од „Олд Трафорд“.
Оригиналниот прекар на Јунајтед е „пагани“ (Heathens) во раната историја на клубот, бидејќи во 1878 година кога се основина клубот се викал Њутон Хит (Newton Heath Football Club).
Тие се преименуваа во Манчестер јунајтед во 1902 година кога добија нов сопственик и тој реши да го ребрендира клубот, кој оттогаш беше познат само како Јунајтед.
Во 1945 година клубот го презеде легендарниот тренер Сер Мет Базби, кој донесе „еден куп“ млади фудбалери по што печатот ги нарече „Бебињата на Базби“. По трагичната авио-несреќа во Минхен во 1958 година, кога загинаа 23 луѓе, од кои 8 фудбалери, прекарот беше сметан за неприкладен.
Базби, тогаш се фати со задачата да најде нов прекар за тимот, и инспирација најде во англискиот рагби клуб Салфорд (од Манчестер), кој во 1930-тите години од минатиот век имаше турнеја низ Франција, а бидејќи носеа црвен дрес, францускиот печат ги нарече „Les Diables Rouges“, или Црвени ѓаволи. Базби сметаше дека прекарот е поприкладен од „бебињата“ и дека звучи заканувачки кон противниците и клубот го послуша и почна да го прикажува логото со ѓаволот на шаловите.
Грбот на клубот беше редизајниран во 1970, кога препознатливиот ѓавол со трозабец стана синоним за тимот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.