Спорт
Како со гума за бришење избришани 15 бода – шериф без пораз, но и без шампионска титула

Неверојатна приказна доаѓа од Молдавија. Првенството заврши, Милсами ја освои втората титула во историјата на клубот. Но, кога се гледа целата сезона, епилогот е контроверзен.
Милсами го искористи бенифитот што го нуди натпреварувачкиот систем кој во сила е трета сезона.Од ваквиот систем најголем губитник е најтрофејниот клуб Шериф, кој на крајот заврши трет со еден бод помалку од новиот шампион.
Броејќи ги сите натпревари од првенството, 14 во основниот дел и уште 10 во групата за шампионот, Шериф оствари дури 16 победи со осум нерешени резултати, без ниту еден пораз и освои вкупно 56 бода. Од друга страна, Милсами забележа учинок од 12 победи, осум нерешени резултати и четири порази во 24 натпревари и освои 42 поени.
Логичното прашање е како Милсами стана шампион?
Системот на натпреварувањето е таков што по двокружниот систем во лигата од осум екипи во основниот дел од натпреварувањето, првите шест одат во плејофот за шампионот.
Тука системот станува чуден, бидејќи освоените бодови во основниот дел се бришат и плејофот за шампионот започнува од нула.
Така, 36 поени на Шериф и 21 на Милсами беа избришани. Со други зборови, 15 поени беа избришани како гума за бришење.
Во 10-те кола од плејофот за шампионот, Шериф забележа пет победи и пет нерешени и ја заврши сезоната без пораз, додека Милсами имаше шест победи, три нерешени резултати и еден пораз во плејофот за шампионот и на крајот освоија 21 бод, што им беше доволно за да ја освојат титулата.
Шериф, патем, сопственик на рекордни 21 шампионски титули во Молдавија, исто така го заврши главниот дел на првото место минатата сезона, но беше зад Петрохаб во плејофот за шампионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Димитриевски би можел да се пресели во Елче

Столе Димитриевски до крајот на преодниот рок ќе ја напушти Валенсија. Целта на македнскиот репрезентативец е да остане во Шпанија.
Димитриевски, минатото лето како слободен играч пристигна во Валенсија од Рајо Ваљекано. Претходно клубот го продаде Георги Мамардашвили во Ливерпул, но клубот од Англија репи да го остави голманот на позајмица.
Кога клубовите се договорија јасно беше дека Димитриевски ќе биде резерва. Бранеше само на натпреварите во Купот и на неколу натпревари во првенството кога Грузиецот беше повреден.
Статусот на Димитриевски не се подобри ниту по завршувањето на сезоната, Мамардашвили замина, но Валенсија реши на позајмица од Атлетик Билбао да го донесе младиот голман Хулен Агирезабала.
Поради ваквата одлука на клубот македонскиот репрезентативец сака да ја напушти „Местаља“.
Шпанските медиуми пишуваат дека постои шанса Димитриевски новата сезона да ја мине на позајмица во Елче. Клубот по пауза од една година се врати меѓу шпанската елита и бара искусен голман за предизвиците во Примера.
Foto/ EPA/Rodrigo Jimenez
Спорт
Де Брујне ја објасни разликата помеѓу Конте и Гвардиола

Кевин Де Брујне вели дека се стреми кон 25-от трофеј во својата прва сезона со Наполи и ги објасни разликите помеѓу Пеп Гвардиола во Манчестер сити и Антонио Конте.
„Би рекол дека имаат два различни начини на игра. Пеп е веројатно малку повнимателен во контролата и поседот на топката, додека Конте е малку поструктуриран во играта и многу се фокусира на менталитетот. Пеп работи повеќе во просторот“, изјави Де Брујне за „Кориере дело Спорт“.
„Постојат неколку различни работи, но секој тренер има свои принципи и карактеристики“.
Белгиската ѕвезда, исто така, објасни кој трофеј најмногу сака да го освои за време на неговиот престој во Наполи.
„Веројатно Скудетото, но никогаш не сакам да бирам. Ќе земам што можам да освојам. Сепак, бидејќи никогаш не сум играл во Италија, освојувањето на лигата би била добра цел, тоа би било многу кул“.
Спорт
На сите играчи што ќе испаднат од Серија А ќе им бидат намалени платите

Италијанската фудбалска федерација и Серија А постигнаа договор со кој платите на фудбалерите ќе бидат намалени за 25 проценти доколку нивните тимови испаднат во Серија Б.
Петгодишниот договор беше објавен денеска. Намалувањето на платите има за цел да го намали финансискиот притисок врз клубовите испаднати од Серија А и ќе важи за сите договори потпишани по 2 септември 2025 година.
Новиот систем автоматски ги намалува платите, освен ако не е поинаку наведено во договорот на играчот.
Постојните договори ќе останат предмет на претходно договорени услови. Доколку тимот се врати во Серија А, платите ќе се вратат на нивната оригинална вредност.
Колективниот договор, исто така, воведува структура на минимална плата врз основа на возраста на играчот, која не може да се намали дури ни по испаѓањето.