Спорт
Каљари повторно нема да бидат казнети за расистичките извици кон Лукаку

Каљари повторно избегнаа санкции за расистичкото однесување на нивните навивачи, откако дисциплинскиот трибунал на Серија А одлучи дека нема да поднесе акција против клубот откако Ромелу Лукаку од Интер беше пречекан со мајмунски извици.
„Ако се земат во предвид димензиите и вистинската перцепција на настаните, извиците не можат да се сметаат за дискриминаторски под кодот на лигата“, се вели во соопштението на Серија А.
Каљари, сепак, беа казнети со 5.000 евра за фрлање на пластични шишиња на теренот при 3:1 победата над Парма минатиот викенд.
Со слични аргументи, Каљари избегна казна за расистичкото однесување кон Моисе Кин минатата сезона, кој играше за Јувентус тогаш. Во 2017 година, играчот на Пескара, Сали Мунтари си излезе од теренот поради расистички извици од навивачите на Каљари, но Серија А ниту тогаш не го казни клубот од Сардинија, велејќи дека се работи само за 10 навивачи.
BREAKING: Serie A have confirmed once again that Cagliari will not face punishment for the racist chanting aimed at Inter’s Romelu Lukaku pic.twitter.com/pgzv6ltbsb
— Andrew Cesare (@AndrewCesare) September 17, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пафос освои бод кај Олимпијакос, Бодо/Глимт се врати од 2:0 против Славија

Вчера деботантите Карабаг и Унион Сен Жилоа забележаа сензационални победи во Лисабон над Бенфика, односно во Ајндховен над ПСВ, а и вечерва клубвите што прв пат играат во Лигата на шампионите имаа успешни настапи. Пафос одигра 0:0 против Олимпијакос во Атина, а Бодо/Глимт во Прага се врати по минусот од два гола и одигра 2:2 со Славија.
Спорт
Одбраната на трофејот во Купот Вардар ќе ја почне против Новаци
Фудбалскиот клуб Вардар одбраната на титулата во Купот на Македонија ќе ја започне на домашен терен против Новаци.
Во Куќата на фудбалот со ждрепка беа одредни осминафиналните двојки. Се игра еден натпревар, а термините се 24.09.2025 и 29.10.2025.
Осминафинални двојки во Купот на Македонија:
Македонија ЃП – Струга Трим Лум
Охрид Лихнидос – Шкупи 1927
Вардар – Новаци
Башкими 1947 – Силекс
Шкендија – Тиквеш
Работнички – Брегалница 2008
Шкендија Арачиново – Пелистер
Беласица – Детонит Плачковица
Спорт
Парти инсистира дека е невин по обвиненијата за силување

Фудбалерот на Виљареал, Томас Парти, претпладнево се изјасни за невин кога се појави пред судот во Лондон, по обвиненијата за силување и сексуален напад.
Парти беше обвинет по пет точки за силување и едно обвинение за сексуален напад, поради спорни настани во 2021 и 2022 година. Обвиненијата се однесуваат на три жени.
Парти во тоа време беше член на Арсенал, а веќе една година англиските медиуми пишуваат за овој случај.
„Топџиите“ не го продолжија договорот со 32-годишникот, па тој го напушти клубот како слободен агент и се пресели во Шпанија со одобрение на судот.
Според условите што ги постави судот, Парти не смее да контактира со ниту една од трите жени, мора да пријави каква било промена на адресата во полиција и мора редовно да одговара на судските покани за сослушувања. Следното е закажано за 2 октомври.
Фудбалерот ги негира сите обвинувања.
Парти синоќа играше за Виљареал, против Тотенхем во првиот натпревар од Лигата на шампионите, на тереното влезе во 78-та минута, но не можеше да го спречи поразот на „Жолтата подморница“.
Парти е роден во 1993 година во Гана, а на 19-годишна возраст дојде во шпански Леганес. Набрзо се пресели во Атлетико Мадрид, во чиј прв тим беше од 2015 до 2020 година, исклучувајќи ги позајмувањата во Мајорка и Алмерија.
Тој беше член на Арсенал од летото 2020 година, кога клубот за неговиот трансфер на Атлетико му плати 50 милиони евра.
Foto/ EPA