Пол Погба (31) ќе му се врати на фудбалот во март следната година, откако му беше намалена четиригодишната суспензија поради допинг. Тимот за кој ќе настапува веќе во јануари ќе може да го ангажира како слободен играч и да почне да тренира со новите соиграчи.

Францускиот играч за врска беше суспендиран на крајот на минатата сезона бидејќи тестот на кој беше подложен по натпреварот меѓу Удинезе и Јувентус на 20 август 2023 година покажа дека има вишок тестостерон.

Тој сакаше да стави крај на кариерата во која играше само за два клуба, Манчестер Јунајтед и Јувентус.

Погба се врати во Јувентус во 2022 година, а потоа потпиша четиригодишен договор со торинскиот клуб за осум милиони евра по сезона. Откако беше суспендиран, тој не ја добива таа плата, туку добија само 2.000 евра месечно од Јувентус. Тој сака да остане во Јувентус, меѓутоа во клубот имаат други планови.

Клубот очекува да потпише спогодбен раскин на договорот.На овој начин Јувентус ќе заштеди околу 30 милиони евра, доколку се земат предвид приходите со бонусите што Погба треба да ги добие до летото 2026 година.

Стефан Бајчетиќ ја разочара фудбалска Србија. Јасно стави до знаење дека сака да игра за Шпанија. Бајчетиќ е играч на Ливерпул, кој сезонава е на позајмица во Салцбург.

Во интервју за „Марк“а директно беше прашан за кого ќе игра. Бајчетиќ немаше ни трошка дилема.

„Роден сум во Шпанија, пораснав во Шпанија, моето семејство е од Шпанија и се чувствувам како Шпанец, многу сум горд што ја претставувам Шпанија“, изјави Бајчетиќ.

Таткото на Стефан е Срѓан Бајчетиќ, поранешен фудбалер на Војводина, Црвена звезда и Селта. Неговата мајка е Шапнка, а тој е роден во Виго.

Ненад Димитиријевиќ вечерва со Милано гостува во Белград кај Партизан. Натпреварот во Белград е важен за двата тима, Партизан сака д ја прекина серијата порази,а Милано да се рехабилитира од шокантниот пораз во Берлин од Алба.

Во разговор за српските медиуми Димитирјевиќ откри дали ќе игра за Македонија наредната недела.

„Нема да го играм првиот (21 ноември). Истиот ден играме со Макаби во Евролигата, па нема да бидам подготвен за натпреварот во Скопје. Се надевам дека ќе играм во Литванија (три дена подоцна). Се надевам дека ќе бидеме конкурентни, таа победа би ни била важна. Би сакал да имаме шанса да се пласираме на Евробаскетот“.

Во досегашниот тек од Евролигата, Димитиријевиќ има просек од 10,4 поени, 3,8 асистенции и 2,6 скока.