Спорт
Канада нема да испрати свои спортисти во Токио
 
																								
												
												
											Олимпискиот и Параолимпискиот комитет на Канада соопштија дека нема да испратат свои спортисти доколку оваа година во Токио се одржат Олимписките игри.
Канаѓаните испратиле апел до Интернационалниот олимписки комитет (ИОК), поради безбедноста на спортистите и општеството, да ги одложи Игрите за наредното лето.
„Ја разбираме комплексноста на целата ситуација, но ништо не може да биде поважно од здравјето на нашите спортисти и светската заедница“, се наведува во дел од соопштението.
ИОК во неделата објави дека одлуката за евентуално откажување или одложување на Игрите ќе ја донесе за еден месец.
Канада е првата држава што донесе ваква драстична, но и логична мерка, бидејќи во светот од коронавирусот се заразени 360.000 луѓе и таа бројка секојдневно се зголемува.
Олимписките игри во Токио на програмата се од 24 јули до 9 август.
Пред четири години на Олимписките игри во Рио де Женеиро Канада настапи со 315 спортисти. Од Бразил тие се вратија со 22 медали (четири златни, три сребрени и 15 бронзени).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Официјално – Лучано Спалети го презеде Јувентус
 
														Поранешниот селектор на Италија, Лучано Спалети, официјално стана нов тренер на Јувентус.
Харизматичниот тренер дополнително го збогати богатото портфолио кога станува збор за големи тренерски работни места.
Претходно ги водеше Интер, Рома, Наполи и италијанската репрезентација, а во Јувентус доаѓа откако Игор Тудор беше отпуштен бидејќи „Старата Дама“ не постигна гол во лигата повеќе од еден месец и имаше серија од осум натпревари без победа.
Спалети го постигна својот најголем успех како тренер на Наполи кога го освои Скудетото во 2023 година. Со Рома освои два италијански купа и еден италијански Суперкуп, а трофеи освои само со Зенит, со кого беше двократен шампион на Русија и еднаш го освои Купот и Ссуперкупот на таа земја.
Тој беше селектор на Италија од 1 септември 2023 година до 9 јуни 2025 година и беше елиминиран во осминафиналето на ЕУРО 2024.
Спорт
Талески си заминал од Вардар 1961
 
														Поранешниот македонски репрезентативец, Филип Талески, си замина од Вардар 1961.
Левиот бек, минатото лето се врати во Вардар 1961, но овој пат неговиот престој заврши по само неколку месеци.
Талески побарал од клубот договорот спогодбено да му биде раскинат и веќе се поздравил со соиграчите. Не бил задоволен од минутажата и улогата што ја има во тимот. 
Левиот бек имал намера да остане во Македонија, но не успеал да се договорои со ГРК Охрид. Сега опција за Талески е преселба во Кувајт.
Foto/ facebook.com/rkvardar
Спорт
На Никола Топиќ му е дијагностициран рак
 
														Никола Топиќ, плејмејкерот на српската репрезентација, се лекува од рак на тестисите со хемотерапија.
Информацијата ја презентираше Сем Прести, генерален менаџер на Оклахома Сити Тандер.
Важно е што лекарите се „исклучително позитивни“ за закрепнувањето на 20-годишниот кошаркар.
На 6 октомври, Топиќ бил подложен на операција на тестисите, но до оваа изјава на Прести, причината за оваа хируршка процедура не беше позната. Во меѓувреме, Тандер го продолжи договорот со српскиот кошаркар.
Прести потврди дека интервенцијата е извршена во Хјустон.
„Онколозите се многу позитивни во врска со неговата ситуација“, рече Прести.
Прести рече дека ракот на тестисите е најлечивиот облик на рак кај мажите, но за Топиќ е препорачана хемотерапија.
„Топиќ не сакаше да ги објави овие информации сè додека не ги започна третманите, што и го направи. Тој е тука, тренира, вежба, во текот на целиот овој процес“, додаде Прести.
Во моментов, не е познато кога Топиќ би можел да се врати на теренот, а тимот го става на прво место неговото здравје.
Засега, третманот ќе трае четири до шест недели.
„Топиќ е навистина извонреден млад човек. Мислам дека сите го знаат тоа. Тој е зрел, смирен, издржлив. Има сè што е потребно за некој што се справува со ваква ситуација и ќе ја надмине“, додаде Прести.
Да ве потсетиме дека Топиќ беше драфтуван како 12-ти пик во 2024 година, но ја пропушти целата сезона поради повреда на коленото.


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											