Спорт
Канатларовски го одреди тимот на Македонија У21 за мечевите со Кипар и со Србија
Младата фудбалска репрезентацијата на Македонија до 21 година овој месец на Кипар ќе одигра два контролни натпревари против селекцијата на домаќинот и против репрезентацијата на Србија.
На 17. ноември, избраниците на селекторот Драги Канатларовски ќе се соочат со домаќинот Кипар, а пет дена подоцна ќе имаат контролна пресметка против Србија.
„После контролните натпревари против Албанија и Саудиска Арабија што се одиграа во Хрватска, не очекуваат нови два меча против квалитетни противници. Тест натпреварите против Кипар и Србија се добра можност да добиеме увид во моменталната форма на повиканите репрезентативци. Се надевам дека ќе го продолжиме трендот на остварување позитивни резултати, а тоа дополнително ќе ја крене нашата самодоверба пред почетокот на квалификациите. Речиси нема промени во списокот на повиканите фудбалери во однос на претходните наши натпревари. Се соочуваме со објективни проблеми поврзани со малата клупска минутажа на одредени важни фудбалери во составот, но играњето за репрезентацијата е нешто посебно и се надевам дека истите тие играчи ќе го дадат максимумот и во вистинско светло ќе се покажат на претстојните мечеви. Убеден сум дека имаме квалитет, но мора на секој натпревар да бидеме со правилен пристап, одлучни во целта што сакаме да ја оствариме и се разбира со голема желба за победа”, изјави Драган Канатларовски.
Селекторот на нашата млада репрезентација, Драги Канатларовски за претстојните натпревари прати повик за следните фудбалери:
Голмани: Марко Алчевски (Академија Пандев), Иван Николовски (Воска Спорт), Стефан Митрев (Беласица), Александар Ангелкоски (Тетекс);
Одбрана: Александар Ѓурковски (Тиквеш), Антонио Јанкуловски (Вастра Фролунда, Шведска), Стефан Деспотовси (Штурм, Австрија), Андреј Стојчевски (Жилина, Словачка), Кристијан Тасевски (Аугсбург), Решат Рамадани (Шкендија), Виктор Крстевски (Гостивар);
Среден ред: Алекс Златков (Шкупи), Иван Николов (Брегалница), Хамза Рамани (Победа), Димитар Тодоровски (Работнички), Лука Станковски (Газиантеп, Турција), Ване Крстевски (Академија Пандев), Леонид Игнатов (Скопје), Берат Калкан (Касимпаша, Турција), Бехар Фета (Воска Спорт), Методи Максимов (Работнички);
Напад: Марио Илиевски (Кишварда,Унгарија), Луан Абази (Вил, Швајцарија), Христијан Малески (Струга Трим Љум);
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кари е најдобар „клач“ игра во НБА
Кошаркарот на Голден Стејт, Стеф Кари ја доби наградата „Џери Вест“ која му се доделува на најдобриот играч на НБА лигата во решавачките моменти од натпреварите во регуларниот тек на сезоната.
Во НБА, последните пет минути од последната четвртина или продолжението кога еден од тимовите има најмногу пет поени предност е дефинирано како „период на одлука“.
Како што соопшти НБА, Кари победи со вкупно 298 поени, а зад себе ги остави Демар Дерозан (Чикаго) (272), Шеј Гилџис-Александер (Оклахома) (160) и Никола Јокиќ (Денвер) (85).
Тој во регуларниот дел постигна 189 поени, во решавачките моменти, Демар Дерозан 182, додека Гилџис-Александер постигна 112 поени.
Неговите Голден Стејт Вориорс не влегоа во плеј-офот, беа елиминирани од Сакраменто Кингс во првиот плеј-ин натпревар.
Кари оваа сезона имаше просек од 26,4 поени, 4,5 скока и пет асистенции по натпревар.
Спорт
Спорт Италија: Се подготвуваат револуционерни промени во Наполи
Наполи, минатата сезона ја освои Серија А. Тоа беше трета титула во клупската историја и прва од 1990 година. Сезоната по освојувањето на титулата е вистински кошмар за Наполитанците. Во финишот на сезоната, Наполи се наоѓа на осмото место со 49 бодови, дури 37 помалку од новиот шампион Интер.
„Спорт Италија“, пишува дека Наполи оваа сезона доживеа „огромно разочарување“ поради што во летниот преоден рок ќе „има ревилуционерни промени“. Претседателот на клубот Аурелио Де Лаурентис изјави дека ниту еден играч не е недопирлив, што значи дека сите би можеле да бидат продадени.
„Постои сериозна опасност од револуција која може да ги вклучи дури и клучните играчи кои го освоија Скудетото, како Џовани Ди Лоренцо (30) и Франк Ангуиса (28)“, пишува „Спорт Италија“.
Ди Лоренцо е репрезентативец на Италија и капитен на Наполи, со кого има договор до летото 2028 година. „Трансфермаркт“ неговата вредност ја проценува на 18 милиони евра. Во Наполи е од 2019 година, а претходно во кариерата играше за Кунео, Калабрија, Матера и Емполи.
Ангуиса е камерунски централен играч за врска чиј договор е до 2025 година, но постои опција да се продолжи за уште две сезони. Во кариерата играше во Марсеј, Фулам и Виљареал. Според „Трансфермаркт“ тој е проценет на 30 милиони евра.
„Спорт Италија“, тврди дека главната ѕвезда на Наполи, Виктор Осимхен (25) се поврзува со клубови како ПСЖ и Баерн, а Де Лаурентис неколку пати изјави дека за него ќе бара повеќе од 100 милиони евра. Тој има договор до летото 2026 година, „Трансфермаркт“ го проценува на 110 милиони евра.
Познато е веќе дека Пјотр Зјелински како слободен играч ќе се пресели во Интер.
Спорт
„Бевме пијаници, а потоа дојдоа нутриционистите…“
Легендите на Манчестер Јунајтед, Рој Кин и Гери Невил, во еден подкаст открија дека дека со денови се пијанеле по натпреварите во Премиерлигата. Станува збор за периодот кој некии го нарекуваат и златна ера на тимот кој тогаш го предводеше сер Алекс Фергусон.
„Луѓето велеа дека сум добар професионалец, но некои работи што ги правев беа апсолутно срамни – покајано вели Кин.
Детално опиша како се пијанчел, особено во нефудбалските денови.
„Многу пати одев во сабота по натпреварот, во недела, понеделник, вторник… Да бидам фер, би ја поставил границата во среда“, откри освојувачот на седум Премиер лиги, четири ФА купови и Лигата на шампиони.
Во 2002 година, Ирецот во својата автобиографија „Второто полувреме“ призна:
„Имаше период, во раните 90-ти, кога бев алкохоличар. За среќа, успеав да се извлечам од тој виор. Сега пијам само вода.“
Гери Невил го надополни соиграчот, велејќи дека многу од најдобрите играчи биле озлогласени алкохоличари.
„Причината поради која се извлекувавме е што другите тимови го правеа истото. Сè додека секој можеше да испие десет големи кригли, бевме на исто ниво на кондиција“, раскажа трофејниот десен бек од „Олд Трафорд“.
„Знаете… Јас го анализирам периодот пред сезоната 1995/96 година, сите играчите го правеа истото. Помеѓу 1996 и 2000 година фудбалот стана многу професионален и дојдоа нутриционистите…“