Спорт
Канаваро: Марадона беше постер на фудбалот, секогаш со крената глава
Ќе остане запишано дека Диего Марадона скромниот тим на Аргентина го донесе до светската титула, а една година подоцна и „тенката“ екипа на Наполи ја донесе до тронот во Италија. Второто Скудето во 1990 година веќе било друга приказна, имало тогаш во клубот од Неапол повеќе звучни имиња.
Малку е познато дека покрај Диего, во Наполи доаѓале и некои млади играчи што подоцна ќе станат големи имиња на италијанскиот фудбал.
Почнувајќи од Чиро Ферара, преку Џанфранко Ѕола па се до Фабио Канаваро.

Официјално најдобриот светски играч во 2006 година, освојувачот на Златната топка таа година раскажа како изгледало да се биде со Марадона, во ист тим.
„Бев младо момче кое собираше топки и ги гледав шампионите како тренираат. Како момче играв во средниот ред додека тренерот не ми ја промени позицијата. Ништо не реков, послушав. На првиот тренинг со првиот тим сјајно ме прифати Чиро Ферара. Бев воодушевен што на теренот ќе се сретнам со Диего Марадона. Му реков на Чиро:`Можеш ли да веруваш дека ќе тренирам со Марадона?`, тој ми одговори:`Не сине, нема да тренираш со Марадона. За да биде тренинг, потребно е да ја шутираш топката, а ти ќе ја немаш таа можност затоа што топката е постојано залепена за неговата нога. Нема ни да влезеш во дуел со него затоа што ќе ти побегне`“ – раскажува Фабио Канаваро.
Тој се присетува дека сепак еднаш успеал, силно влетал во Диего и го запрел. Соиграчите му биле лути, тренерот го прекорил, но Марадона ги запрел:

„Браво момче, се е ок, рече. Дојде до мене по тренингот и се насмеа. Ми ги даде неговите копачки. Успеав барем еднаш да го запрам идолот. Тогаш сфатив дека секогаш ќе морам да одам против најдобрите за да станам најдобар во својата работа. Марадона беше постер на фудбалот. Секогаш со крената глава и со градите напред. Таквиот став им даваше крила на соиграчите. Дури и кога ќе погрешевме, ништо не ни велеше, се гледаше се од говорот на неговото тело, затоа и противниците му се плашеа“ се потсети Канаваро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Да имаше Бог во фудбалот… Папата ќе беше тренер, а Ватикан светски шампион“
Режисерот на историската европска титула на Португалија, со интересна изјава откри што мисли за улогата на верата во спортот.
Летото во 2016 година, Фернандо Сантос и неговите избраници ѝ ја донесоа на Португалија историската прва титула на ЕУРО. Со голот на Едер во продолжението предизвика ја победија Франција со 1:0.
За титулата, 71-годишникот не им припишува никаква заслуга на повисоките сили.
„Да беше така, Ватикан секогаш ќе беше шампион. Ќе стававме свештеници да играат, Папата ќе беше тренер, а тие секогаш ќе беа шампиони! Бог ми помогна многу, но тоа беше на емоционално ниво. Ми даде мир, спокојство и никогаш не ме напушти. Сепак, тој не се грижи за тактички работи“, рече искусниот стручњак со насмевка, за португалски „Рекорд“.
Foto/ depositphotos
Спорт
Штолц до ново злато со нов олимписки рекорд
Спектакуларната трка на 500 метри донесе историски исход, тројца лизгачи ја минаа патеката со подобро време од претходниот олимписки рекорд. Златото му припадна на Џордан Столц (21).
Американецот ја запре штоперицата на 33,77 секунди и постави нов олимписки рекорд.
Ова е неговото второ злато на овие Игри, бидејќи претходно триумфираше на 1.000 метри.
За да освои четири златни медали, Столц мора да ги освои преостанатите две трки – 1.500 метри во четврток и масовниот старт во сабота.
Сребрениот медал му припадна на Холанѓанецот Јенинг де Бо со 33,88, додека бронзата му припадна на Канаѓанецот Лоран Дубре, кој ја помина целта за 34,26 секунди.
Поранешниот олимписки шампион Тингуи Гао заврши само на седмата позиција.
Fptp/ EPA
Спорт
(ВИДЕО) Баерн ја продолжува агонијата на Вердер, Хофенхајм им се врати на победите
Вердер Бремен тоне сè подлабоко и подлабоко, во дуелот со Баерн Минхен немаа никакви шанси, на крајот Баварците триумфираа со 3:0.
Два гола од Хари Кејн и еден гол од Леон Горецка го потврдија триумфот на актуелниот лидер. Вердер нема победа од ноември, а ова беше нивниот осми пораз во 12 кола. Баерн ја прекина серијата лоши резултати, еден освоен бод во последните две рунси и ја врати предноста од шест бода во однос на Борусија Дортмунд.
Хофенхајм им се врати на победите, третопласираниот тим во лигата го победи Фрајбург дома со 3:0.
Мајсторскиот гол на Крамариќ во петтата минута беше поништен поради офсајд, но домашните лесно стигнаа до триумфот, со головите на Аслани, Кабрак и Гентри.
Леверкузен го декласираше Санкт Паули со 4:0. Ајнтрахт беше убедлив против Борусија Менхенгладбах со 3:0, а Хамбург победи кај Унион Берлин со 3:2.

