Спорт
Кантона го објасни најголемиот проблем на Јунајтед
Откако беше објавено дека милијардерот Сер Џим Ретклиф влегол во Манчестер Јунајтед и ја презел контролата над фудбалските операции на клубот за 1,3 милијарди фунти, на „Олд Трафорд“ се најавени промени, а една од првите би можела да биде смената на менаџерот Ерик Тен Хаг.
По тој повод се огласи и легендата на „црвените ѓаволи“ Ерик Кантона, еден од клучните играчи во кариерата на Алекс Фергусон.
„Ќе најдат нов Бекам или Кристијано Роналдо. Проблемот е што тие никогаш нема да најдат нов Алекс Фергусон“.
Холанѓанецот е шестиот менаџер кој не ги исполни очекувањата по заслуженото пензионирање на Сер Алекс Фергусон. Пред него на функцијата беа Дејвид Мојс, Луи ван Гал, Жозе Мурињо, Оле Гунар Солскјаер и Ралф Рангник.
„Црвените ѓаволи“ бележат неуспешни резултати. Тие се осми во Премиер лигата со дури 12 бода помалку од водечкиот Арсенал. Јунајтед има осум порази во 18 одиграни натпревари во Премиер лигата.
Тие беа последни во групата во Лигата на шампионите во конкуренција на Баерн, Копенхаген и Галатасарај. Од Лига купот беа елимнирани по понижувачкиот пораз од Њукасл на „Олд Трафорд“ (0:3).
Манчестер јунајтед загуби три од последните четири натпревари (0:3, Баерн 0:1, Вест Хем 0:2) без постигнат гол, играјќи само нерешено на „Енфилд“ (0:0) во меч во кој се бранеа речиси 90 минути против најголемиот ривал Ливерпул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.