Спорт
Канзас стигна до титулата во најдраматичното финале во НЦАА

Одигран е најдраматичниот натпревар во историјата на НЦАА лигата. Канзас успеа да го направи најголемиот кам-бек во историјата на финалињата на НЦАА и на крајот ја победи Северна Каролина со 72:69. Имаа 15 поени негатива на полувремето, во еден момент од првото полувреме беа и на -16, што е најголемиот минус досега за еден шампион. Рекордот го држеше Лојола, кога од Чикаго се врати до успех по 15 поени негатива и ја презеде круната.
Тимот на Канзас одигра неверојатно второ полувреме, Дејвид Мекормак донесе водство од три поени на дваесетина секунди до крајот. Каролина на минута пред крајот остана без Армандо Бако, кој го повреди скочниот зглоб.
На крајот од драмата, иако кошаркарите на Каролина погрешија и останаа уште пет секунди, ДеХуан Харис од Канзас стапна на линијата и му даде нова шанса на ривалот. Топката очекувано отиде кај Кејлеб Лоу, тој беше во тешка позиција, вон рамнотежа, не го погоди ниту обрачот и можеше да започне големото славје на Канзас.
По 15 години, Канзас ја освои титулата, втора под водство на тренерот Бил Селф. Агбаџи од Канзас е избран за МВП играч на финалниот меч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Зидан му удри „корпа“ на ПСЖ

Легендарниот Зинедин Зидан (49) реши дефинитивно да ја одбие понудата на францускиот шампион ПСЖ да ја преземе тренерската позиција од Маурицио Покетино.
Тимот од Париз со сите сили се обиде да го ангажира Зидан за тренер. Во изминатиов период челниците на клубот имале неколку состаноци со него, но Зизу им се заблагодарил на понудата.
Причините за одбивањето на понудата, која според медиумите била неверојатна, Зидан не сакал да се откаже од своите принципи.
Бидејќи е роден во Марсеј, луѓето во овој град би го прогласиле за предавник бидејќи големо е ривалството помеѓу Олимпик Марсеј и ПСЖ. Исто така, еден од факторите почитта што ја има Зизу кон Реал Мадрид, поради што не сакал да тренира ниту еден друг клуб.
Сепак, медиумите тврдат дека најголемата причина за одбивање на понудата е репрезентацијата на Франција. Зидан по Светското првенство во Катар веројатно ќе стане нов селектор на Франција.
Спорт
Реал и Ливерпул во борба за европскиот трон

Вечерва во Париз ќе се одигра 66.финале во Купот/Лигата на шампионите. Со овој меч биде спуштена завесата на клупската сезона 2021/2022. На стадионот Франција во предградието на француската престолнина, Сен Дени, за највредниот пехар во клупскиот фудбал ќе се борат најтрофејните клубови во Лигата на шампионите, Реал и Ливерпул.
Реал е најтрофејниот клуб во елитното натпреварување со 13 титули, Ливерпул е втор на оваа листа со шест. „Кралскиот клуб“, последен пат ја покори Европа пред четири години. Во финалето во Киев, Реал го победи токму Ливерпул со 3:1.
Една година подоцна Реал тронот му го предаде на Ливерпул. Во Мадрид, во англиското финале, „црвените“ го победија Тотенхем со 2:0.
На патот до финалето, откако заврши прв во групата со Интер, Шериф и Шахтјор, Реал ги исфрли ПСЖ, Челзи и Манчестер Сити. Во сите натпревари од нокаут-фазата Реал успеваше да се врати од мртвите, што доволно говори за менталната сила која ја има екипата на Карло Анчелоти.
Од друга страна, Ливерпул покажа супериорност против сите свои ривали, без проблем ја мина групата со Атлетико, Порто и Милан, а во нокаут-фазата ги елиминираше Интер, Бенфика и Виљареал.
Ова ќе биде судир и двајца големи стручњаци. Карло Анчелоти ја бара својата четврта Лига на шампиони како тренер, а Јирген Клоп го игра третото финале и вторпат во својата тренерска кариера сака да го подигне најтрофејниот трофеј во клупскиот фудбал.
„За мене ваквите натпревари се сосема нормални. Знаеме што претставува овој клуб и што бара историјата од нас. Многу е важно што сме тука и сме подготвени да испишеме историја по многу добра сезона”, изјави Италијанецот.
„Не знам како би се чувствувал доколку го освоиме трофејот. Прашајте ме по натпреварот. Сакаме да им дадеме вистинска борба, некои од нив можат да го земат петтиот трофеј, нивниот менаџер може да го земе четвртиот трофеј. Такво искуство не се купува преку ноќ“, изјави Клоп.
УЕФА веќе ги предвиде можните состави. Очекувано екипите треба да ги предводат Мохамед Салах и Карим Бензема.
Ливерпул: Алисон – Александар-Арнолд, Конате, Ван Дијк, Робертсон – Хендерсон, Фабињо, Кеита – Салах, Мане, Луис Дијаз
Реал Мадрид: Куртоа – Карвахал, Едер Милитао, Алаба, Менди – Крос, Касемиро, Модриќ – Валверде, Бензема, Винисиус Јуниор.
Натпреварот ќе го суди најдобриот француски судија Клеман Турпан. Негови помошници ќе бидат Никола Дано и Сирил Грингор. Четврти судија ќе биде Беноа Бастиен. Главен во ВАР собата ќе биде Жером Брисар.
Спорт
Лејкерси имаат нов тренер – Леброн му посака добредојде

Лос Анџелес Лејкерс го назначија Дарвин Хем за шеф на стручниот штаб. Пред еден месец Лејкерси му врачија отказ на Френк Фогел, Тренерот кој во 2020 стана шампион со „езерџиите“, во тековната сезона не успеа со тимот да избори место во плејофот.
Хем има 48 години и досега беше дел од стручниот штаб на Милвоки Бакс со кој лани го освои шампионскиот трофеј.
Ова ќе биде негово враќање во Лос Анџелес, бидејќи од 2011 до 2013 година беше асистент во Лејкерс, а работеше и во Атланта Хокс.
„Исклучително сум возбуден! Честитки и добредојде за тренерот Дарвин Хем!“, напиша на социјалните мрежи, најдобриот играч на Лејкерси, Леброн Џејмс.
Хем играше кошарка од 1996 до 2008 година. Еден е од оние играчи кои не биле избрани на драфтот. Кариерата во НБА ја започна во Денвер, потоа играше во Индијана, Вашингтон, Милвоки, Атланта и Детроит.