Фудбалската репрезентација на Хаити, еднаш во 1974 година играше на Светското првенство, вечерва (02.00 часот) има можност да го повтори тој подвиг. Ако ја победат Никарагва, а Хондурас не ја совлада Костарика. Хондурас и Хити имаат ист број на бодови, по осум, но Хундурас има подобра гол разлика.

Она што ја прави оваа приказна особено привлечна е тоа што селекторот Себастијан Миње никогаш не стапнал на почвата на оваа земја во Карибите.

Не затоа што францускиот стручњак сакал, туку едноставно морал, бидејќи во земјата владеат криминалните банди, пред сè во главниот град, место каде што вообичаено се собира националниот тим.

„Невозможно е да се работи на Хаити, бидејќи е премногу опасно. Обично живеам во земјите каде што работам, но во овој случај тоа не е можно. Нема повеќе меѓународни летови што слетуваат таму“, рече шефот на стручниот штаб на можен учесник на Мундијалот во Канада, Мексико и Соединетите Американски Држави.

Сите негови избрани играчи играат во странство, репрезентацијата е домаќин на неутрални терени, а главна поддршка во работата му биле информациите од луѓе од Сојузот, врз основа на кои, како што вели, го управува тимот од далечина.

Миње во кариерата работел во Кенија, Екваторијална Гвинеја, Конго…

Рeпрезентативната пауза донесе лоши вести за Арсенал. Габриел Магаљаеш, стопер кој е еден од клучните играчи на актуелниот лидер во Премиер лигата, се повреди на натпреварот со Сенегал, кој Бразил го доби со 2:0.

„Габриел го повреди бутниот мускул и првите информации укажуваат дека би можел да отсуствува од четири до осум недеали“, објавува новинарот Дејвид Орнштајн.

Габриел ќе направи дополнителни тестови кои уште подобро ќе покажат за каква повреда станува збор и колку време ќе трае закрепнувањето, но ова би можело да биде тежок удар за Арсенал.

Покрај неговиот одличен дефанзивен придонес, Габриел има и два гола и три асистенции во 17 настапи оваа сезона.

Заедно со него, дефанзивците на Арсенал, Јуриен Тимбер и Рикардо Калафиори, исто така имаа проблеми со повреди во текот на овој репрезентативен циклус, но се чини дека нивните повреди не сериозни.

Габриел е во Арсенал од 2020 година и стана еден од најдобрите играчи во тимот на Микел Артета. Во Арсенал пристигна од Лил за сума од 26 милиони евра.

Луис Хамилтон им откри на медиумите дека нема да го обнови договорот со тимот на Ферари во Формула 1.

Луис Хамилтон јавно кажа што им е на ум на повеќето фанови на Формула 1, ќе го напушти Ферари кога ќе му истече договорот со италијанскиот тим.

Кога седумкратниот шампион во Формула 1 пристигна во Ферари, никој не го оспори потегот, но немаше потврда дека станува збор за повеќегодишен договор.

Се шпекулираше дека Хамилтон потпишал почетен двегодишен договор, кој логично би ја вклучил првата година од новите правила во 2026 година.

Хамилтон навистина се мачи оваа сезона и за прв пат во својата кариера нема ниту еден подиум.

„Имам договор. Под нормални услови, започнувате преговори за нов договор најмалку една година претходно. Далеку сум од тоа во моментов“, рече Луис.

Кога го прашаа дали ќе преговара со Ферари следната година, тој кратко рече:

„Не“.

Во овој период младиот Оливер Берман, возач од академијата на Ферари, покажа импресивен талент и се очекува да добие шанса во Ферари при првата можност.

„Тој е одличен возач и многу сум среќен за него. Погледнете колку се подобри од првата трка. Тој е одличен човек“, го пофали Хамилтон.