Најтрофејниот тренер во српската одбојка, Зоран Терзиќ, повеќе не е селектор на женската репрезентација на Србија. На Терзиќ му заврши договорот со Одбојкарскиот сојуз на Србија, по што двете страни се договориле да не ја продолжат соработката.

Зоран Терзиќ, стана селектор на Србија во мај 2002 година. За две деценiи тој успеа да освои 20 медали на големите натпреварувања. Три пати бил европски, еднаш светски првак, три пати Србија под негово водство го освоила светскиoт Гранд при, три пати победила во Европаката лига. На Олимпијадите има сребро (2016) и бронза (2021).

Два пати во кариерата бил избран за најдобaр тренер во Европа (2018, 2021).

Карим Бензема, најдобриот играч и стрелец на Реал Мадрид, има еден услов за да го продолжи договорот со клубот. Бензема има договор со Реал до јуни 2023 година. Сезонава има одиграно 27 натпревари, постигнал 24 гола.

Реал има јасни планови за летниот преоден рок. Флорентино Перез, сака да ги донесе во Мадрид Килијан Мбапе и Ерлинг Халанд.

Бензема нема ништо против доаѓањето на сонардникот Мбапе, но не му е по волја Ерлин Халанд.

„Ел Насионал“, тврди дека Бензема поставил ултиматум пред клупските челници. Тој ќе го напушти клубот доколку во Реал пристигне Халанд.

Ракометната репрезентација на Македонија, вечерва, ќе го одигра последниот натпревар на Европското првенство во Унгарија и Словачка. Данска, најголемиот фаворит за титулата, ќе ги тестира можностите на селекцијата која ја предводи Кирил Лазаров.

Македонија, по поразите од Словенија и Црна Гора, остана без шанси за пласман во втората рунда. За крај на ЕП, македонските ракометари ќе ги одмерат силите со Данска.

Јасно е дека во овој дуел, Македонија влегува како тотален аутсајдер, против репрезентацијата која веќе обезбеди место во втората рунда.

Во вториот натпревар, Словенија и Црна Гора ќе решаваат која селекција ќе и се приклучи на Данска во наредната фаза од првенството.

Натпреварот Македонија-Данска, во Дебрецин, ќе започне во 20.30 часот.

Фото/ macedoniahandball.com.mk