Спорт
Карабатиќ ќе се пензионира по ОИ во Париз
Никола Карабатиќ (38), најдобриот или еден од најдобрите ракометари во историјата, има желба да го продолжи договорот со ПСЖ. Договорот на најтрофејниот ракометар во историјата со ПСЖ истекува за шест месеци.
Планот на Карабатиќе е да го продолжи договорот на уште една година, а по завршувањето на Олимписките игри во Париз во 2024 година да стави крај на кариерата.
„Се обидувам да не гледам предалеку во иднината, да се концентрирам на она што се случува. Сè може да оди многу брзо. Прво сакав да ја видам формата, да оценам дали сум добар и дали сум корисен за тимот. Сфатив дека се чувствувам добро, во форма сум и сакам да продолжам“, изјави трикратниот олимписки шампион, четирикратниот светски и трикратниот европски шампион.
Карабатиќ во кариерата освои три титули во Лигата на шампионите, со три различни клуба, Монпелје, Кил и Барселона. Со актуелниот клуб не успеа да се искачи на врвот на Европа, а „светците“ ниту оваа сезона не се меѓу фаворитите за титулата.
Никола Карабатиќ, наредниот месец ќе ја предводи Франција на Светското првенство во Шведска и Полска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.