Спорт
Карацев: Медведев не можеше да очекува да навиваат за него

Светскиот рекет број 15, Русинот Аслан Карацев вели дека неговиот сонародник Данил Медведев не треба да очекува поддршка од публиката кога ќе игра со тенисери како Рафаел Надал, откако вчера Медведев изјави дека е разочаран од однесувањето на публиката кога го загуби финалето од Австралија опен од Надал.
25-годишниот Медведев честопати беше во дискусија со судиите, реагирајќи на навивачите „без мозок“ кои правеа врева меѓу неговите сервиси и додаде дека размислува дали да игра на Ролан Гарос и Вимблдон бидејќи се чувствува како „дете кое престанало да сонува“.
Карацев, кој во 2021 беше полуфиналист во Мелбурн, но оваа година загуби во третото коло, вели дека знае како се чувствува неговиот колега од Дејвис куп тимот, но дека сите мора да очекуваат дека публиката ќе е против нив кога ќе играат против Надал и Роџер Федерер.
„Тоа е нормално. Надал се врати од повреда по шест месеци и сите навивачи сакаа да го поддржуваат. Можеби Данил беше разочаран и чувствуваше екстра притисок, но треба да сфати дека играл против Рафаел Надал. Ќе биде исто ако игра против Федерер. Сите го сакаат него. И мене ми се случило, но не можете да направите ништо. Не можете да им кажете на навивачите: ‘Навивајте за мене’. Тоа нема смисла“, вели 28-годишниот Карацев, кој ја освои титулата од Дејвис купот покрај Медведев во декември.
„Детето во мене престана да сонува. Во иднина нема по секоја цена да играм на гренд-слем турнирите“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шер го продолжи договорот со Њукасл

Фудбалерот на Њукасл, Фабијан Шер го продолжи договорот со англискиот клуб до крајот на следната сезона.
„Задоволни сме што го продолживме договорот со Фабијан. Тој одигра голема улога во развојот на клубот во изминатите неколку години и продолжува да игра важна улога и на теренот и надвор од него“, изјави спортскиот директор на Њукасл, Пол Мичел, а пренесува клупската веб-страница.
Швајцарскиот дефанзивец му се приклучи на Њукасл од Депортиво Ла Коруња во јули 2018 година и оттогаш одигра 221 натпревар за англискиот клуб.
Шер (33) кој забележа 86 настапи за швајцарската репрезентација годинава со Њукасл го освои Лига купот. На натпреварите на патот до финалето постигна два гола и забележа една асистенција, додека во финалето против Ливерпул го одигра целиот натпревар.
Њукасл е петти во Премиер лигата со 50 бодови и до крајот на сезоната ќе води жестока борба со Челси и Манчестер сити за директен пласман во Лигата на шампионите.
Спорт
Вокер не ја исклучува можноста да се врати во Сити

Англискиот репрезентативец Кајл Вокер изјави дека ниту знае, ниту може да каже дали кариерата ќе ја продолжи во Милан.
Кајл Вокер во Милан пристигна во јануари како позајмен играч од Манчестер сити.
Иако се шпекулира дека Милан ќе потпише перманентен договор со него на крајот од сезоната, Вокер вели дека не знае што го чека во иднина.
„Кога ќе дојдеш до точка кога треба да се збогуваш, навистина е тешко. Кога се поздравив, Пеп стана и ми кажа навистина убави работи и ми испрати навистина убава порака, ми се заблагодари за се”, рече Вокер за заминувањето од Сити.
„Но, дозволете ми да ви кажам, не е готово. Овде сум на позајмица. Занм дека дека постои и можност да се вратам. Но, јасно е дека двете страни треба да постигнат договор за сè на крајот од сезоната. Тоа е поглавје што не е целосно завршено, но ќе видиме што ќе се случи”, рече Вокер на прашањето за неговата иднина.
Спорт
(Видео) Монструозен трип-дабл на Јанис, Кари и Поедзиемски ги изрешетаа Лејкерси

Кошаркарите на Милвоки Бакс ја победија Филаделфија Севентисиксерс со резултат 126:113 на крилата на Јанис Андетокумбо.
Филаделфија целосно потфрлија оваа сезона, имаат многу проблеми со повредите и ноќта зад нас играа без Тајрис Макси, Џоел Ембид, Пол Џорџ, Ерик Гордон, Кајл Лаури и Џеред Мекејн.
Оттука, не е чудно што загубија со двоцифрена разлика од Милвоки Бакс (126:113), но главната улога ја имаше „Грик фрик“, кој имаше 35 поени, 17 скока и дури 20 асистенции.
Адетокумбо го следеа Брук Лопез со 17, Кајл Кузма со 16, додека Гери Трент и Торијан Принс имаа по 13 поени.
Во редовите на Филаделфија најефикасен беше со 28 поени и шест скока Адам Бона, а дабл-дабл забележа Квентин Грајмс со 24 поени и 10 асистенции, Гершон Јабуселе постигна 22.
Стеф Кари блескаше во дербито на Калифорнија, постигна 37 поени во победата на Вориорс во Лос Анџелес над Лејкерси со 123:116. „X“ фактор за Вориорс беше Брандин Подзиемски, кој погоди дури осум тројки за 28 поени, полудејќи ги домаќините со своите удари. На спротивната страна Леброн постигна 33 поени, Ривс 31, Дончиќ 19, со осум скока и седум асистенции. Ривс постигна дури девет тројки.
Лејкерси се четврти со 46-30, половина чекор зад Денвер и победа повеќе од Вориорс, кои изгледаат многу опасни по доаѓањето на Батлер. Го имаат шампионскиот ген и сите ќе сакаат да ги избегнат на стартот од плеј-офот.
Резултати:
Филаделфија – Милвоки 113:126
Вашингтон – Орландо 97:109
Бруклин – Минесота 90:105
Мајами – Мемфис 108:110
Торонто – Портланд 103:112
ЛА Лејкерс – Голден Стејт 116:123