Спорт
Карагер: Харизмата, шармот и добриот изглед се причините зошто Аморим се уште не добил отказ
Џејми Карагер има необична теорија зошто Рубен Аморим сè уште не е отпуштен од Манчестер јунајтед и покрај низата катастрофални резултати на „Олд Трафорд“. Поранешната ѕвезда на Ливерпул верува дека харизмата, шармот и добриот изглед на Аморим му помагаат на португалскиот тренер да ја задржи својата работа, пишува „Дејли Мејл“.
Зборувајќи за „The Overlap Fan Debate“, Карагер го објасни својот став.
„Постои голема желба Жозе Мурињо да се врати во англискиот фудбал, а причината е што тој секогаш зборуваше без „влакна“ на јазикот, но тој беше победник. Секогаш се сеќаваме на Брајан Клаф, кога бев дете и тој зборуваше, го слушавте затоа што беше победник.
Всушност, го гледам тоа и мислам дека ако Аморим не беше толку харизматичен на прес-конференциите, ако не беше толку убав маж, можеби ќе ја изгубеше работата многу порано. Кога ќе ги погледнете резултатите, тие се ужасни.“
Статистиката не е во корист на Аморим. Јунајтед ја заврши минатата сезона на разочарувачкото 15-то место во Премиер лигата, го загуби финалето на Лигата на Европа од Тотенхем и лошо ја започна новата сезона.
По поразот на домашен терен од Арсенал (0:1), следеше нерешен резултат со Фулам (1:1), а сето тоа кулминираше со шокантно испаѓање од Карабао Купот по поразот по изведувањето на пенали од членот на четвртата лига Гримсби Таун.
Тие тесно го победија Барнли, со гол од пенал во 97.минута (3:2), минатиот викенд.
Во 46 натпревари на клупата на Јунајтед, Аморим успеа да постигне само 18 победи и е под огромен притисок да ја задржи својата работа.
foto/ index.hr
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Атлетико ќе гостува во Англија, ПСЖ оди на Челзи или Барса, можен дуел Реал-Сити
Познати се сите 16 учесници во осминафиналето, во овогодинешната Лига на шампиони. Вечерва пласман изборија: Аталанта, ПСЖ, Реал Мадрид и Галатасарај.
Сите овие тимови одат на левата страна од костурот, исто како што победниците од вторникот (Атлетико, Њукасл, Баер Леверкузен, Боде/ Глимт) отидоа на десната страна.
Познато е кои противници можат да ги добијат победниците во баражот.
ПСЖ – Барселона/Челзи
Галатасарај – Ливерпул/Тотенхем
Реал Мадрид – Спортинг/Манчестер Сити
Аталанта – Арсенал/Баерн Минхен
Њукасл – Барселона/Челзи
Атлетико Мадрид – Тотенхем/Ливерпул
Боде Глимт – Манчестер Сити/Спортинг
Леверкузен – Арсенал/Баерн Минхен
Јасно е дека во осминафиналето ќе се играат неколку дерби натпревари.
– Европскиот првак ПСЖ оди на Барса или Челзи
– Атлетико и Галатасарај сигурно одат на Островот, едниот кај Тотенхем, а другиот кај Ливерпул
– Реал и Сити се надеваат дека ќе се избегнат еден со друг и ќе одат кај Спортинг, односно кај Боде/Глимт.
– Арсенал и Баерн, најдобрите два тима во првата фаза ќе имаат најлесни задачи, за противници ќе ги имаат Баер Леверкузен иј Аталанта.
Ждрепката за осминафиналето ќе се одижи во петок.
Спорт
(Видео) Јуве сo играч помалку избори продолженија, но не успеа да го елиминира Галатасарај
Во реваншот од плејофот за Лигата на шампионите во Торино, Јувентус го победи Галатасарај со 3:2 по продолженијата, но на крајот турскиот тим се пласира во осминафиналето со вкупна победа 5:7.
Јувентус успеа да ја стигне предноста од три гола во регуларните 90 минути. Имаше зицер за водство во вкупниот резултат, но трагичаре Жегова. Бидејќи веднаш по тоа промашување, Виктор Осимен постигна гол за вкупна предност, а пласманот на галатасарај го потврди Јилмаз.
Она што изгледаше како невозможна мисија, Јувентус успеа да ја постигне за 90 минути. Успеа да победи со три гола разлика и да добие продолженија.
Таа почетна задача по резултатот на Истанбул од 5:2 беше уште потешка откако во 49-та минута, црвен картон доби Кели.
До тој момент, Јувентус доминираше. Имаше 58% посед на топката, девет удари кон голот, четири во голот и три големи шанс, и успеа да постигне гол од пенал во 37-та минута преку Локатели.
Сепак, ситуацијата на теренот не се промени значително. Гостите решија да ја одбранат својата предност и тоа скао ги чинеше. Прво Гати во 70-та минута, а потоа и МекКени во 82-та минута ја анулираа големата предност на турскиот тим.
Во продолженијата, целосен пресврт можеше да донесе Жегова, кој промаши изгледна шанса.
Галта ведаш казни, во 105-та минута, Виктор Осимен се извлече од офсајд за милиметар и ја протна топката низ нозете на Перин за 3:1 за Јувентус, но предност на Галата во вкупниот збир.
После тоа, динамиката на играта се промени, Јувентус се обиде, но залудно. А нокаутот следеше во 119-та минута кога, Јилмаз, постигна гол за пораз од 3:2, но вкупна победа и пласман во осминафиналето.
Турскиот шампион ќе игра против Тотенхем или Ливерпул во осминафиналето, а тоа ќе биде познато по ждрепката во петок.
Спорт
(Видео) Реал по пресврт ја победи Бенфика, ПСЖ на „мускули“ го елиминира Монако
Реал Мадрид и ПСЖ се пласираа во осминафиналето, во Лигата на шампионите. Реал во реваншот ја победи Бенфика со 2.1, а ПСЖ одигра ннерешено со Монако 2:2.
Реал не блескаше против Бенфика, но одигра доволно добро за да се пласира в наредната фаза.
Рафа Силва го шокира „Бернабеу во 14-та минута, но Реал експресно возврати, по само 120 секунди кога Чуамени г изедначи реузлтатот. Во првиот дел Гулер постигна гол за Реал кој беше поништен поради офсајд во кој претходно се најде Гарсија.
Реал во вториот дел ја контролираше играта, без преголем ризик. Овој дел од натпреварот го обележаа повредата на Раул Асенсио, кој на носилки беше изнесен од теренот и голот на Винисиус во 80та минута.
Актуелниот првак, ПСЖ се мачеше со Монако и со мала помош на судијата Иштван Ковач успеа да го мине опонентот од Лига 1.
На истекот на првиот дел Акљуш погоди за 0:1 и за 3.3 во вкупниот резултат. Клучниот период на мечот се слуќи од 55-та до 59-та минута, кога поради два жолти картони исклучен беше Кулибали. Впечаток е дека судијата премногу строго му го додели вториот жолт картон.
Со играч повеќе, ПСЖ направи пресврт преку Маркињос и Кварацхелија. Во самиот финиш Тезе ги постави конечните 2:2.

