Спорт
Карагер: Мане и Салах не се трпат со месеци

Легендата на Ливерпул, Џејми Карагер тврди дека несогласувањата помеѓу Садио Мане и Мохамед Салах кои се покажаа на мечот со Барнли се „готват“ неколку месеци.
И покрај победата од 3:0 над Барнли, реакцијата на Мане беше веста на денот, откако Сенегалецот луто реагираше кон Салах кога беше заменет во второто полувреме, поради наводната „себичност“ на Египќанецот. Самиот Мане изјави дека е нормално да е случуваат такви работи, но дека сега „повторно“ се пријатели.
Карагер вели дека желбата на Салах да оди само на гол, која неодамна беше фалена од Роби Фаулер, ќе предизвика многу проблеми.
„Колку повеќе ги оставите работите да тлеат, на крајот ќе имате поголем проблем. Истото е и со Мане и Салах е во таа категорија. Нема шанси Мане да ги загуби нервите поради неколку додавања со Барнли. Неговата фрустрација е тука со месеци, и беше потребен само еден инцидент. Јирген Клоп не е менаџер кој дозволува неговите фудбалери да размислуваат негативно и верувам дека интервенирал. Иронично, Мане беше несебичен кон Салах против Наполи кога требаше да тргне сам. Мора да се заддржи единственоста на тимот“, вели Карагер.
Мане за конфликтот со Салах: Понекогаш мораш да го кажеш тоа што го мислиш
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Страшен пад на најдобрата скијачка во светот

Италијанската скијачка Федерика Брињоне, победничка на овогодинешниот Светски куп, заработи исклучително тешка повреда.
Федерика Брињоне се здоби со повеќе скршеници на ногата откако падна во велеслаломот што се одржа во рамките на италијанскиот шампионат.
Брињоне падна на патеката Вал ди Фаси откако изгуби контрола над скиите. Со хеликоптер била префрлена во најблиската болница, во Трент.
Италијанската скијачка федерација веднаш соопшти дека Брињоне се здобила со повеќе сложени скршеници на тибијата и главна фибула на левата нога и дека во најбрз можен рок ќе биде префрлена во Милано на дополнителни прегледи, по што ќе биде донесена одлука за операција.
Италијанските медиуми наведуваат дека тоа значи дека Брињоне нема да може да скија до неколку месеци пред Олимписките игри, чиј домаќин следната година ќе биде Кортина.
Fratture multiple a tibia e perone per Federica Brignone, caduta rovinosamente durante la seconda manche dello slalom gigante ai Campionati italiani assoluti in Val di Fassa. La campionessa del mondo sarà operata a Milano pic.twitter.com/mSMu95yhkm
— Tg3 (@Tg3web) April 3, 2025
Спорт
Заврши сезоната за Габриел

Најдобриот дефанзивец на Арсенал, Габриел Магаљаеш, ја заврши сезоната. Најлошата можна информација Микел Артета ја доби шест дена пред првиот четвртфинален натпревар во Лигата на шампионите против Реал Мадрид.
Габриел се повреди пред два дена против Фулам, во Премиер лигата. На теренот мина само 15 минути.
Бразилецот заработи повреда на задната ложа, а бидејќи се работи за тешка повреда која бара операција, 27-годишниот стопер ќе мора да закрепнува неколку месеци.
„Габи ќе биде опериран во наредните денови и веднаш ќе започне со програма за опоравување и рехабилитација, со цел да биде подготвен за почетокот на следната сезона“, се вели во соопштението на Арсенал.
Спорт
Челси нуд 70 милиони за Ендрик

Реал Мадрид во вторникот избори пласман во финалето на шпанскиот Куп. Избраниците на тренерот Карло Анчелоти во реваншот одиграа 4:4 со Реал Сосиедад по продолженијата и благодарение на победата од 0:1 во првиот меч влегоа во борбата за титулата.
Стрелец на првиот гол на Реал беше Ендрик, 18-годишен Бразилец кој ја игра првата сезона во клубот. Досега одигра 29 натпревари, најмногу како резерва, акумулираше 562 минути на теренот. Тој постигна седум гола.
„Дефенса централ“, медиум специјализиран за следење на Реал, тврди дека на „Бернабеу“ по натпреварот со Сосиедад пристигнала понуда од 70 милиони евра за Ендрик. Според овој извор понудата била испратена од Челси.
„Челзи веќе некое време го следи младиот Бразилец и бара напаѓач кој би бил стартер следната сезона. Тие веруваат дека Ендрик е идеалното решение, поради што испратија конкретна понуда од 70 милиони евра за напаѓачот на Реал. На „Станфорд Бриџ“, веруваат дека со атрактивна финансиска понуда и со гаранција дека ќе биде прв напаѓач ќе можат да го привлечат младиот Бразилец“, пишува „Дефенза централ“ и тврди дека Реал нема намера да го продаде Ендрик.
Инаку, Ендрик има договор со Реал до 30.јуни 2030 година.