„Еуромерика спорт маркетинг“, овластената компанија за аналитика на ФИФА, објави дека Баерн Минхен се клубот кој успеал да продаде најмногу дресови во 2021 година, носејќи добар приход на клубот во ера на КОВИД-ограничувања и полупразни стадиони.

Баварците се на врвот во Европа со продадени 3.2 милиони дресови, победувајќи ги Реал Мадрид со 3 милиони дресови и англиските гиганти Ливерпул со 2.4 милиони дресови и Манчестер јунајтед со 1.95 милиони дресови. Во топ 5 е и Јувентус со 1.42 милиони дресови.

По нив во топ 10 следуваат Барселона со 1.34 милиони дресови, шампионите од ЛШ, Челси со 1.31 милиони дресови и Борусија Дортмунд со 1.18 милиони. Пари Сен-Жермен можеби добија „бонус“ со доаѓањето на Лео Меси, но продадоа „само“ 1.18 милиони дресови, додека Манчестер сити со 1.087 милиони дресови ги комплетира топ 10.

Челси, Премиерлигата и УЕФА го ставија под истрага поранешниот капитен на Челси, Џон Тери откако тој промовираше продажба на дигитални уметнички дела преку таканаречени НФТ токени (non-fungible tokens).

Челси неодамна го вратија Тери во клубот како консултант, но демантираат дека се вклучени во продажбата на клипартот на кој е претставен мајмун во дресот на Челси со капитенска лента, и најавија дека се консултираат со Премиерлигата и со УЕФА околу можното нарушување на правата на клубот, лигата и федерацијата.

Тери е последен од фудбалерите кои дадоа поддршка на проектот преку „Ape Kids“ во кој се цртаат мајмуни со ликот на фудбалерите, откако претходно беа вклучени Ешли Кол, Вилијан, Рис Џејмс, Марко Верати, Теми Абрахам, Ешли Кол и Нигел де Јонг.

НФТ токените се уникатни дигитални фотографии базирани на блокчеин технологијата, која поддржува криптовалути како Биткоин и во последно време на аукција достигнуваат високи суми. Иако се работи за дигитална фотографија која може да се копира бесконечно, тој што го има дигиталниот сертификат може да биде сигурен дека ја има единствената „оригинална“ копија.

Египет е седмиот четврт-финалист на Африканскиот куп на нации, откако нивната прва ѕвезда Мохамед Салах остана смирен при одлучувачкиот пенал за победа над Брегот на Слоновата Коска со 5:4 на пенали, откако по 120 минути немаше голови меѓу двата големи фаворити за титулата на шампионатот во Камерун.

Во мечот на репрезентации со доста ѕвезди кои играат по европските клубови, двете репрезентации се мачеа со шансите пред голот, така што по 90 минути и двете продолженија победникот мораше да го одлучува пенал-серијата.

Трагичар на мечот беше дефанзивецот на Манчестер јунајтед, Ерик Баји, кој го утна својот пенал во третата серија, по што сите беа прецизни, вклучувајќи го и Салах во последниот обид.

Во четврт-финалето, „фараоните“ ќе играат против Мароко, кои вчера ги елиминираа Малави со тешка 2:1 победа. Во осминафиналето останува уште вечерашниот меч меѓу Мали и Екваторска Гвинеја – победникот од тој меч оди на уште еден фаворит во натпреварувањето, Сенегал.

Пенал серијата можете да ја погледнете ТУКА.

Salah to see the Pharaoh’s through to the quarters but smashing the deciding pen in a heated shoot out! 💪👏🧊😎#lfc #salah #Egypt #AFCON #YNWA pic.twitter.com/Tx11F0oWwi

— Fields of Anfield Road welcomes you (@theFOAR) January 26, 2022