Спорт
Карим Бензема ја доби „Златната топка“
![](https://makfax.com.mk/wp-content/uploads/2022/10/zidan-i-benzema.jpg)
Францускиот репрезентативец и фудбалер на Реал Мадрид, Карим Бензема, е добитник на „Златната топка“ на „Франс Фудбал“. Тој го предводеше Реал Мадрид до титулата во Лигата на шампионите и до трофејот во Ла Лига. Имаше неверојатна сезона и сосема заслужено е лауреат за сезоната 2021/22. Тој беше најдобар стрелец во Лигата на шампионите и најдобар стрелец на Ла Лига.
Бензема доби најголем број гласови од 100 спортски новинари од целиот свет.
Here is the image you’ve all been waiting for! Karim Benzema! #ballondor with @adidasFR pic.twitter.com/TJze0Km1s6
— Ballon d’Or #ballondor (@francefootball) October 17, 2022
„Ова е неверојатно признание и имам голема чест да го имам за себе. Се разбира, го делам со сите соиграчи од Реал Мадрид и од репрезентацијата на Франција. Благодарност до сите кои имаа удел во мојата кариера, не беше лесно да се стигне тука. Посебна благодарност до моето семејство, до претседателот Флорентино Перез, до навивачите, до сите кои ми даваа поддршка и кога не беше лесно. Имам два фудбалски идоли, Зинедин Зидан и Роналдо и двајцата се овде вечерва со мене, навистина сум среќен“, изјави Карим Бензема.
Втората позиција во изборот на „Франс Фудбал“ му припадна на Садио Мане, третопласиран е Кевин де Брујне, а потоа следуваат Роберт Левандовски и Мохамед Салах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Среќата е на негова страна
![](https://makfax.com.mk/wp-content/uploads/2024/06/1639321549-Max-Verstappen-scaled-e1639321570945.jpg)
Актуелниот трикратен светски шампион во Формула 1, Холанѓанецот Макс Ферстапен изјави дека и следната сезона ќе вози за Ред Бул.
„ Да, работиме на болидот за следната сезона. А кога сте фокусирани на тоа, значи дека возите за тој тим“, изјави Ферстапен.
Холандскиот возач има договор со Ред Бул до 2028 година.
Некои медиуми објавија дека Ферстапен следната година би можел да го замени Луис Хамилтон во тимот на Мерцедес, кој на крајот од сезоната се сели во Ферари.
„Се разбира, луѓето кажуваат секакви работи, но најважно е што имаме многу конкурентен болид за иднината. Работиме и се фокусираме на следната сезона за да се обидеме повторно да бидеме конкурентни“, изјави возачот на Ред Бул.
Ферстапен моментално е на првото место во генералниот пласман на возачи со 219 бодови. Следната трка во Ф1 шампионатот ќе се вози на 30 јуни за Големата награда на Австрија.
Спорт
Милиони за канадскиот кошаркар Мареј
Канадскиот кошаркар Џамал Мареј доби нов договор од Денвер Нагетс.
Соиграчот на Никола Јокиќ ќе добие 209 милиони долари од поранешниот шампион во НБА во следните четири години.
Тоа е максимален договор за поранешниот студент од Кентаки кој минатата сезоната имаше просек од околу 21 поен, 6 асистенции и 4 скока.
Мареј беше избран од Нагетс на драфтот во 2016 година од седмата позиција и во 2023 година беше дел од тимот кој стана шампион во НБА.
Спорт
Монако со ново засилување
Монако претстави ново засилување, а тоа е Вито Браун, поранешниот кошаркар на Пинар Каршијака.
Браун, кој ги покрива крилните позиции на центарот, потпиша двегодишен договор со тимот на Саша Обрадовиќ, а следната сезона во Евролигата ќе биде негово деби.
Досега имаше искуство само во европските натпреварувања во Лигата на шампионите на ФИБА.
Кариерата ја изгради преку развојната лига во Америка, а потоа замина во Европа, каде играше за Ле Ман, а потоа и за Реал Бетис.
Во Пинар Каршјак пристигна во 2022 година, каде запиша две солидни сезони. Во Лигата на шампионите на ФИБА, тој имаше просек од 13,3 поени со 4,6 скока.
Монако досега го доведе само Ник Калатес, но исто така направи добра работа во тимот бидејќи Мајк Џејмс и Џејрон Блосомгејм потпишаа нови договори.