Спорт
„Касемиро никогаш не бил голем играч, само имаше среќа“
Манчестер јунајтед синоќа и официјално го претстави Касемиро кој на „Олд Трафорд“ пристигна како големо засилување од Реал Мадрид.
На изненадување на многумина, Касемиро реши да го напушти „кралскиот клуб“ со кој во претходните девет години освои 18 трофеи и беше многу важен фактор во средниот ред на овој клуб.
Сепак, Бразилецот одлучи дека е време за нов предизвик и ја прифати поканата на Манчестер јунајтед каде пристигна за цели 80 милиони евра.
Овој 30-годишен фудбалер вчера на емотивен начин се прости од Реал, а синоќа беше во Манчестер каде ја проследи големата победа на Јунајтед во дербито против Ливерпул.
Пред тоа, Касемиро позираше со дресот на Манчестер јунајтед. Сепак, не сите во Англија се толку среќни поради доаѓањето на Касемиро во Јунајтед.
Имено, во центарот на вниманието беше легендарниот играч на Ливерпул, Грем Сунес, кој ги критикуваше челниците на „црвените ѓаволи“ што потрошиле толку пари за бразилскиот играч за врска.
Сонес тврди дека Касемиро е просечен играч од средниот ред и дека имал среќа да игра со фантастични играчи во Реал Мадрид.
„Тој играше со фантастични играчи. Тој не е одличен играч и никогаш не бил. Тој само ќе помогне средниот ред на Јунајтед да изгледа малку поцврст од вообичаено. Мислам дека не е добар на направи завршно додавање или нешто слично. Во Реал Мадрид имаше голема среќа што имаше таков тим околу себе“, рече Сонес. „Никогаш не се радував да го гледам Касемиро на теренот, со нетрпение чекав да го гледам Карим Бензема и другите играчи од средниот ред што ги има тој клуб. Никогаш не помислив дека навистина сум возбуден што ќе го гледам Касемиро како игра денес. Тој има 30 години и дадоа 80 милиони евра за него, тоа е премногу, но тоа е Манчестер јунајтед“.
???? “Casemiro’s played with great players but he’s never been a great player.”
???? “He’s 30-years-old and at £60m or £70m it is too much money.”
????♂️ “I don’t see him making United any better when they have the ball.”
Graeme Souness believes #MUFC signing Casemiro is a mistake! ???? pic.twitter.com/BZbDY9tGwa
— talkSPORT (@talkSPORT) August 22, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Фернандеш не е сигурен дали ќе остане на „Олд Трафорд“
Капитенот на Манчестер Јунајтед, Бруно Фернандеш изјави дека по завршувањето на Европското првенство ќе одлучи дали следната сезона ќе игра за клубот од „Олд Трафорд“.
Фернандеш рекол дека приоритети во моментов му се финалето на ФА Купот и Европското првенство.
„Не зависи се од мене. Ако треба да размислувам за заминување од Премиер лигата, тоа ќе биде дури по Европското првенство. Можеме успешно да ја завршиме сезоната со освојување на ФА Купот. Потоа го имам Европското првенство, што е многу важно. Ништо не може да ме спречи и да ми го одвлече вниманието од финалето на ФА Купот и од Европското првенство, бидејќи во моментов нема ништо поважно од тоа“, изјави Фернандеш за португалски „ДАЗН“.
Фернандеш пристигна во Манчестер Јунајтед во 2020 година од Спортинг за 80 милиони евра. Тој има договор со клубот од „Олд Трафорд“ до јуни 2026 година со можност за продолжување на уште една сезона.
„Не размислувам премногу за иднината. Оваа сезона досега не беше на нивото на кое се надевав. Сакам да бидам конкурентен. Сакам да се натпреварувам и да победувам”, додаде португалскиот фудбалер.
Манчестер Јунајтед ќе игра против Манчестер Сити во финалето на ФА Купот на 25 мај на Вембли.
ЕП ќе се одржи од 14 јуни до 14 јули во Германија.
Спорт
Мадрид ќе добие нов шампион – Рубљов го победи Алкараз
Шпанските навивачи на Мастерсот во Мадрид, по елиминацијата на Рафаел Надал доживеаја уште едно разочраување. Бранителот на трофејот Карлос Алкараз не успеа да се пласира во полуфиналето.
По два часа голема борба, во три сета, Алкараз загуби од Андреј Рубљов. Рускиот тенисер славеше со пресврт 4:6, 6:3, 6:2.
Првиот сет Алкараз го реши во своја корист со брејк кој го направи во петтиот гем откако спаси брејк топка што ја имаше неговиот ривал во вториот.
Шпанецот имаше две сет топки на сервис на Рубљов во деветтиот гем, но сепак мораше да ја заврши работата и да го добие сетото на свој сервис.
Рубљов нападна на стартот од вториот сет. Во вториот гем пропушти четири брејк можности, но не и петтата. Русинот можеше да го удвои брејкот во шестиот гем кога имаше три брејк топки, но Алкараз се извлече.
Потоа Рубљов спаси две брејк топки во седмиот гем, за да ја искористи втората сет топка во деветтиот и да го внесе мечот во третиот сет.
Решавачкиот дел од натпреварот беше и најкраток. Рубљев направи брејк во првиот, а потоа уште еден во петтиот и се пласира во полуфиналето.
Во полуфиналето Русинот ќе игра против подобриот од мечот во кој се среќаваат Тејлор Фриц и Франциско Серундоло.
Спорт
Шкендија нов лидер во првенството, Вардар блиску до баражот за опстанок
Шкендија е нов лидер во Првата македонска фудбалска лига. Во последните три кола Шкендија, Шкупи и Струга влегуваат со по 58 бодови. По оваа рунда се чини дека Македонија ЃП и Брегалница имаат само теоретски шанси да останат во лигата, а Вардар е најблиску до баражот.
Шкендија ги искористи поразите на Шкупи во Гостивар и актуелниот шампион струга во Кавадарци и се искачи на првото место на табелата. Ист број на бодови, 58 имаат Струга и Шкупи.
Шкендија во периодот од 77. до 94.минута против АП Брера постигна три гола и успеа да ја стигне и престигне предноста на гостите.
Струга против Тиквеш успеа да направи пресврт со головите на Ибраими (кој дојде до бројта од 201 гол во Првата макеоднскат фудбалска лига), но до крајот Тиквеш со головите во 82. и 94.минута му пресуди на шампионот.
Вардар слаеше убедливо во Штип кај Брегалница и ја прекина серијата од три порази. Црвено-црните сега имаат шест бода повеќе од Македонија ЃП и Брегалнца и се наоѓаат на 10.место кое води во бараж за опстанок.
Воска спорт победи кај Македонија ЃП и се одлепи од Вардар на пет бода.
Брегалница – Вардар 0:3
(Шушњара 8’, Тошев 85′, Николоски 90+2′)
Гостивар – Шкупи 2:0
(Кировски 62’, Кехинде 97’)
Македонија ЃП – Воска 0:2
(Илиески 61’, Марушиќ 69’)
Шкендија – АП Брера 3:2
(Адеми 77’, Цаке 87’ , Аганспахиќ 94’- Ивковиќ 16’, Цветановски 68’)
Силекс – Работнички 0:1
(Регба 82′)
Тиквеш – Струга 3:2
(Мојсов 32’, Стојковски 82’, Луан Силва 94’ – Ибраими 63’, 77’)
Табела: