Спорт
Касилјас на „Твитер“, по скандалот, признава: Време е да отпатувам далеку

Легендарниот поранешен голман на Реал Мадрид, Икер Касилјас, повторно се јави на социјалните мрежи по контроверзите што ги предизвика во неделата со твит во кој изјави дека е хомосексуалец.
Касилјас првин објави дека е геј, но бргу ја избриша објавата и објасни дека неговата сметка била хакирана. Ова наиде на бурна реакција од повеќе ЛГБТ-организации, но Касилјас денеска се врати со нова шега велејќи дека е време да отпатува далеку.
„Време е да отпатувам далеку. Добра недела“, напиша Касилјас со фотографија на која е во лифт со куфер.
Интересно, по неговата прва објава во која вели дека е геј, се јави и Карлес Пујол, поранешниот капитен на Барселона, кој порача: „Време е да ја кажеме нашата приказна, Икер“. Пујол, кој е оженет со Ванеса Лоренцо и има две деца, потоа се извини за шегата: „Направив грешка. Жал ми е за лошата шега, без лоши намери“.
Шпанските медиуми тврдеа дека објавата на Касилјас е шега како одговор на шпекулациите што го поврзуваа со повеќе славни жени по неговиот развод од Сара Карбонаро минатата година.
Toca viaje lejos. ✈️ ???? #buenasemana pic.twitter.com/dOZuRyfJHI
— Iker Casillas (@IkerCasillas) October 10, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Легендарниот тренер јавно му се поклони на Коди Милер-Мекинтаер

Кошаркарите на Црвена звезда го победија Реал со 90:75 во петтото коло од Евролигата. Црвено-белите одиграа брилиајнтен натпревар против „кралскиот клуб“, а до победата ги предводеше Коди Милер-Мекинтаер со 18 поени и по осум скока и асистенции.
Играчите на Црвена звезда го воодушевија легендарниот Владе Ѓуровиќ. Српскиот тренер кој изненадувачки го водеше Шибеник до титулата во поранешна Југославија во 80-тите, а сензационално и Задар, сега е аналитичар за Арена Спорт.
По големата победа на Звезда над шампионот на Шпанија, Ѓуровиќ стана од масата во студиото и буквално му се поклони на играчот за кого претходно рече дека на тимот му се потребни засилувања на таа позиција.
„Фантастична победа, голема победа, фантастична публика. Борбеноста на Звезда е фантастична, како што ветија. Саша Обрадовиќ како тренер е фантастичен. Сега морам да станам и длабоко да му се поклонам на Коди Милер-Мекинтеар, морам да му се извинам. Ова е можеби неговата најдобра игра во кариерата. Одигра докторски. Но, сепак мислам дека на Звезда му е потребен уште еден плејмејкер, но сега нема да зборуваме на таа тема.“
Милер-Мекинтаер (31) беше најдобар асистент во Евролигата во 2024 година играјќи за Басконија, по што се пресели во Звезда минатото лето. Тој е Американец, но со бугарско државјанство и игра за репрезентацијата на Бугарија.
Foto/ EPA
Спорт
(Видео) „Гери Невил е предавник“

Дуелот помеѓу Салфорд Сити и Олдам Атлетик во Лига 2 беше кратко беше прекинат, поради инвазијата на домашните навивачи на теренот.
Неколку навивачи го „нападнаа“ теренот во текот на првото полувреме. Сите беа облечени во бели дуксери со натпис „Гари Невил е предавник“.
Навивачите носеа и знамиња, а еден од нив дури се обиде да го забоде знамето во центарот на теренот. Најмалку двајца навивачи успеаја да стигнат до самиот терен пред да бидат фатени од редарите.
Нападот на навивачите на теренот беше проследен со извици „Гари Невил е ку.ка“ и „Англија, Англија“.
Flag protests against Salford City owner Gary Neville #oafc pic.twitter.com/kO0Ikai5da
— Suzanne Geldard (@SuzanneNQNW) October 18, 2025
Навивачите се безни поради неодамнешните критики на Невил за честото прикажување на знамињата „Јунион Џек“ и „Св. Ѓорѓи“.
Невил рече дека белците на средна возраст сакаат да ги поделат луѓето во земјата на овој начин. Тој оцени дека тоа е злоупотреба на самите знамиња, но и на чувствата што ги предизвикуваат кај луѓето.
Невил е еден од сопствениците на Салфорд Сити од 2014 година, кога тој, Пол Сколс, Ники Бат, Фил Невил и Рајан Гигс го купија клубот. Сега тој и Дејвид Бекам се мнозински сопственици.
Спорт
(Видео) Педро Нето го реши Нотингем Форест

Челси ја продлабочи кризата на Нотингем Форест со победата на „Сити граунд“ (3:0), во првиот меч од осмото коло во Премиер лигата.
„Шумарите“, минатата сезона беа најпријатното изненадување во Премиер лигата, до самиот крај се бореа за четвртото место, оваа сезона како што стојат работите ќе се борат за опстанок.
Нотингем Форест го доживеа петтиот пораз, остана на само една победа и доколку Барнли и Вест Хем победат во ова коло, ќе бидат претпоследни на табелата.
На сите им беше јасно дека тимот од Нотингем не требаше да го отпушти тренерот Нуно Еспирито Санто, негвиот наследник Ангелос Постекоглу, веројатно ќе доби отказ, по само еден месец. На седум натпревари на клупата на поранешниот европски шампион, тој има пет порази и две нерешени резултати.
Неговиот тим се одржа на овој натпревар во првите 45 минути, а целосно се распдна во второто полувреме.
Во 49-та минута, Ачеампонг го постигна првиот гол во својата кариера за Челзи, а само три минути подоцна, асистентот за водечкиот гол, Португалецот Нето го дуплираше водството со гол од слободен удар.
Рис Џејмс го постави конечниот резултат во 84-та минута.
Следниот предизвик во лигата за Челзи е на 25 октомври кога го пречекуваат Сандерленд, додека Форест ден подоцна ќе гостува кај Борнмут.