Спорт
Катар ќе биде последното СП за Модриќ
Хрватскиот фудбалер Лука Модриќ за ЕСПН потврди дека Светското првенство во Катар ќе биде неговото последно големо натпреварување во репрезентативниот дрес.
„Свесен сум колку години имам и дека ова ми е последно натпреварување за хрватската репрезентација“, изјави Модриќ.
Неодамна напаѓачот на Хофенхајм, Андреј Крамариќ, изјави дека не мисли оти Катар е крајот за капитенот на тој тим.
„Тешко е да се опише со зборови што значи тој за хрватскиот, европскиот и светскиот фудбал. Она што го направи во неговата кариера е неповторливо. Сите тие години во Реал Мадрид и репрезентацијата, а да не зборуваме за освојувањето на Златната топка, се неверојатни достигнувања. Задоволство е да се дели соблекувалната, да се биде на теренот и да се тренира со него. Мислам дека ова нема да му биде последно Светско првенство. Судејќи според тоа како се чувствува на теренот, може да игра долго време“, изјави Крамариќ за официјалната веб-страница на ФИФА.
Се чини дека напаѓачот на Хофенхајм сепак погрешил.
Модриќ досега за хрватската репрезентација одигра 154 натпревари и постигна 23 гола, а капитен стана во 2016 година по збогувањето на Дарио Срна.
Секако, Модриќ нема да се збогува репрезентацијата по Катар, туку тоа ќе го стори по завршниот турнир во Лигата на нации.
Хрватската фудбалска репрезентација на Светското првенство ќе ги одмери силите во групата Ф со Белгија, Канада и Мароко.
Светското првенство во Катар почнува на 20 ноември и ќе трае до 18 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ван Перси ќе го предводи Херенвен
Робин Ван Перси е назначен за шеф на стручниот штаб на Херенвен, соопшти холандскиот клуб.
Ван Перси (47) е најдобриот стрелец во Историјата на овој клуб. Тој со Херенвен потпиша двегодишен договор.
Инаку, ова му е прво работно место на кое ќе работи како главен тренер, а претходно работеше како советник, специјалист и тренер на младинците во Феенорд.
„Тренерската професија е сеопфатна и предизвикувачка, а јас ја работам со голема страст и задоволство. Би сакал да продолжам да се развивам во таа насока, а работата главен тренер е идеална можност за тоа. Презадоволен сум од тоа и благодарен за шансата што ми ја даде Херенвен. Тоа е многу убав клуб со богата традиција и верни навивачи. „Фантастичен предизвик е да се придонесе за спортските амбиции и развојот на клубот“, рече Ван Перси.
Ван Перси имаше извонредна кариера во која ги носеше дресовите на Феенорд, Арсенал, Манчестер јунајтед и Фенербахче.
Спорт
Алегри го напушти Јувентус?
Тренерот на Јувентус, Масимилијано Алегри пред крајот на денешниот тренинг го напуштил тренинг центарот на клубот, што предизвика големо внимание и полемики во италијанската јавност.
Тој излетал од „Континаса“ со своето „фиќо“, а снимката експресно се појави на социјалните мрежи.
Многумина сметаат дека неговото заминување од Јувентус е веќе завршена работа, а ова видео само го потврдува тоа.
„Старата дама“ во средата го освои Купот на Италија, со минималната победа над Аталанта. Стрелец на единствениот гол на мечот беше Душан Влаховиќ.
Инаку, Алегри во финишот на натпреарот изведе перформанс кога го фрли палтото и вратоврската, за мелку ќе ја искинеше и кошулата поради што доби црвен картон, а по натпреварот имаше вербална пресметка со локалните новинари, кои со месеци го критикуваа.
Сепак, и покрај овој освоен трофеј, никој не е убеден дека Алегри наредната сезона ќе го предводи Јувентус.
Спорт
Францuзите поради Ембид останале без Мајк Џејмс
Французите во пресрет на Олимписките игри поради Џоел Ембид останале без Мајк Џејмс. Кошаркарскиот сојуз долго време го чекаше Ембид, кој доби пасош, но на крајот реши да игра за САД. Чекајќи го Ембид им пропадна можноста да го нагажират најдобриот стрелец во историјата на Евролигата.
Кошаркарскиот сојуз на Франција потврди дека бекот на Монако сакал да игра за „триколорите“.
Како што пренесува „Лекип“, претставници на Џејмс се обратиле до КС на Франција со прашањето дали може да игра за Франција.
Французите ја разгледувале можноста, но процесот беше одложен поради верувањето дека Џоел Ембид ќе ја избере Франција, а не Америка.
Откако Ембид ја донесе одлуката, Французите немаа време да реагираат, па на најголемиот спортски настан ќе настапат со домашни кошаркари.
Во меѓувреме, тренерот Винсент Коле го објави списокот за Олимписките игри на кој се:
Ендру Албиси, Метју Стразел, Тео Маледон, Килијан Хејс, Френк Нтиликина, Нандо де Коло, Еван Фурние, Билал Кулибали, Николас Батум, Исаја Кординие, Ели Окобо, Усман Диенг, Надир Ифи, Гершон Јабуселе, Руди Гобер, Виктор Вембањама, Матијас Лесор, Џејлен Хорд.